Activa Smart Unlock: ಆಕ್ಟಿವಾ ಸ್ಕೂಟರ್​ ಸ್ಟಾರ್ಟ್​ ಮಾಡೋಕೆ ಈಗ ಕೀ ಬೇಕಾಗಿಲ್ಲ!

ಹೋಂಡಾ ಆಕ್ಟಿವಾ ದೇಶದಲ್ಲಿ ಹೆಚ್ಚು ಮಾರಾಟವಾಗುವ ಸ್ಕೂಟರ್ ಆಗಿದೆ. 2001 ರಲ್ಲಿ ಮೊದಲ ಬಾರಿಗೆ ಬಿಡುಗಡೆಯಾದ ಸ್ಕೂಟರ್ ಈಗ ಹಲವು ವರ್ಷಗಳಿಂದ ಸೂಪರ್​​ ಪವರ್​ ಹೊಂದಿದೆ. ಕಂಪನಿಯು ತನ್ನ ನವೀಕರಿಸಿದ ಆವೃತ್ತಿಯನ್ನು ಹಲವಾರು ಬಾರಿ ಬಿಡುಗಡೆ ಮಾಡಿದೆ. ಈಗ ಕಂಪನಿಯು ಆಕ್ಟಿವಾ 6G ನ ಹೊಸ ಆವೃತ್ತಿಯನ್ನು ಸಹ ಬಿಡುಗಡೆ ಮಾಡಿದೆ.

ಹೋಂಡಾ ಆಕ್ಟಿವಾ 6ಜಿ ಹೆಚ್ ಸ್ಮಾರ್ಟ್ ನ ವಿಶೇಷತೆ ಏನೆಂದರೆ ಈ ಸ್ಕೂಟರ್ ಅನ್ನು ಈಗ ಕೀ ಇಲ್ಲದೆಯೂ ಪ್ರಾರಂಭಿಸಬಹುದು. ಇದಲ್ಲದೆ ಇನ್ನು ಕೆಲವು ಹೊಸ ಮಾದರಿಯಲ್ಲಿ ಇದು ರೂಪಿತಗೊಂಡಿದೆ.

ಹೊಸ ಹೋಂಡಾ ಆಕ್ಟಿವಾ ಹೆಚ್-ಸ್ಮಾರ್ಟ್ ಸ್ಕೂಟರ್ ಅನ್ನು ಮೂರು ಮಾದರಿಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಇದರ ಸ್ಟ್ಯಾಂಡರ್ಡ್ ಮಾಡೆಲ್ ಬೆಲೆ ರೂ.74,536, ಡಿಲಕ್ಸ್ ಮಾದರಿ ರೂ.77,036 ಮತ್ತು ಸ್ಮಾರ್ಟ್ ಮಾದರಿಯ ಬೆಲೆ ರೂ.80,537. 

ಹೋಂಡಾ ಆಕ್ಟಿವಾ ಹೆಚ್-ಸ್ಮಾರ್ಟ್ ಸ್ಕೂಟರ್ ಅಂತಹ 5 ಹೊಸ ತಂತ್ರಜ್ಞಾನಗಳನ್ನು ಹೊಂದಿದೆ. ಇಲ್ಲಿಯವರೆಗೆ ಇಷ್ಟು ಸೂಪರ್​ ಆಗಿರುವ ಯಾವುದೇ ದ್ವಿಚಕ್ರ ವಾಹನಗಳಲ್ಲಿ ಬಂದಿಲ್ಲ.

ಇದು ಸ್ಮಾರ್ಟ್ ಕೀಯೊಂದಿಗೆ ಬರುತ್ತದೆ. ಈ ಕೀಲಿಯ ಸಹಾಯದಿಂದ ಸ್ಕೂಟರ್ ಅನ್ನು ದೂರದಿಂದಲೇ ಅನ್​ಲಾಕ್​ ಮಾಡಬಹುದು. ಕಾರ್​ ಕೀ ಹಾಗೆ ಇರುವ ಬಟನ್​ಗಳು ಈ ಕೀಲಿಯಲ್ಲಿದೆ. ಸ್ಮಾರ್ಟ್ ಕೀ ಸಹಾಯದಿಂದ ಸುಲಭವಾಗಿ ನೀವು ಅನ್​ಲಾಕ್​ ಮಾಡಬಹದು. 

ಈ ಸ್ಮಾರ್ಟ್ ಕೀ ಬಳಸಿ ಸ್ಕೂಟರ್‌ನ ಎಂಜಿನ್ ಅನ್ನು ಸಹ ಪ್ರಾರಂಭಿಸಬಹುದು ಆದರೆ ಕೀ ಮತ್ತು ಗಾಡಿಯ ನಡುವಿನ ಅಂತರ ಕೇವಲ 2 ಮೀಟರ್​ ಮಾತ್ರ ಇರಬೇಕು. ಎಂಜಿನ್ ಸ್ಟಾರ್ಟ್ ಮತ್ತು ಸ್ಟಾಪ್ ಸ್ವಿಚ್  ಎರಡೂ ಕೂಡಾ ಇದರಲ್ಲಿಇದೆ. 

ಹೊಸ ಪಾಸಿಂಗ್ ಸ್ವಿಚ್ ಮತ್ತು DC LED ಹೆಡ್‌ಲ್ಯಾಂಪ್ ಇದರಲ್ಲಿದೆ. ಸ್ಕೂಟರ್ ಈಗ ಹೊಸದಾಗಿ ವಿನ್ಯಾಸಗೊಂಡಿದೆ. ಆರಾಮದಾಯಕ ಪ್ರಯಾಣ ಮಾಡಲು ಬೇಕಾದ ಎಲ್ಲಾ ಸೌಲಭ್ಯಗಳೂ ಸಹ ಇದರಲ್ಲಿದೆ.