Aadhaar Mitra: ಇನ್ಮುಂದೆ ಆಧಾರ್​ ಅಪ್ಡೇಟ್ ಇನ್ನಷ್ಟು ಸುಲಭ, ಜಸ್ಟ್​ ಈ ವೆಬ್​ಸೈಟ್​ ಯೂಸ್​ ಮಾಡಿದ್ರೆ ಸಾಕು

ಈಗ ಎಲ್ಲೆಡೆ ಕೃತಕ ಬುದ್ಧಿಮತ್ತೆಯ ಮಾತು ಕೇಳಿಬರುತ್ತಿದೆ. ಓಪನ್ AI ChatGPT ಟ್ರೆಂಡಿಂಗ್ ಅಂತೂ ಈಗ ಫುಲ್​ ಟ್ರೆಂಡ್​ ಆಗಿದೆ. ಕೃತಕ ಬುದ್ಧಿಮತ್ತೆಯ ಬಳಕೆ ಹೆಚ್ಚುತ್ತಿರುವ ಕಾರಣ ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರ (ಯುಐಡಿಎಐ) ಸಂಸ್ಥೆ ಕೂಡ ಈ ತಂತ್ರಜ್ಞಾನವನ್ನು ಬಳಸುತ್ತಿದೆ.

UIDAI ಹೊಸದಾಗಿ 'ಆಧಾರ್ ಮಿತ್ರ' ಸೇವೆಯನ್ನು ಪ್ರಾರಂಭಿಸಿದೆ. ಇದು ಆಧಾರ್‌ಗೆ ಸಂಬಂಧಿಸಿದ ಜನರ ಪ್ರಶ್ನೆಗಳಿಗೆ ಉತ್ತರಗಳನ್ನು ಒದಗಿಸಲು ಕೃತಕ ಬುದ್ಧಿಮತ್ತೆಯಿಂದ ಕಾರ್ಯನಿರ್ವಹಿಸುತ್ತದೆ. ಆಧಾರ್ ಕಾರ್ಡ್ ಹೊಂದಿರುವವರು ತಮ್ಮ ಆಧಾರ್‌ಗೆ ಸಂಬಂಧಿಸಿದ ಯಾವುದೇ ಸಮಸ್ಯೆಗಳನ್ನು ಅಥವಾ ಪ್ರಶ್ನೆಗಳನ್ನು ಆಧಾರ್ ಮಿತ್ರ ಚಾಟ್‌ಬಾಟ್ ಮೂಲಕ ಕೇಳಬಹುದು.

ಆಧಾರ್ ಮಿತ್ರವು ಆಧಾರ್ ದಾಖಲಾತಿ ಸಂಖ್ಯೆ, PVC ಕಾರ್ಡ್ ಆರ್ಡರ್ ಸ್ಥಿತಿ, ಕಂಪ್ಲೈಂಟ್ ಸ್ಥಿತಿಯಂತಹ ಅನೇಕ ಅನುಮಾನಗಳು, ಪ್ರಶ್ನೆಗಳು ಮತ್ತು ಸಮಸ್ಯೆಗಳಿಗೆ ಮಾಹಿತಿಯನ್ನು ಒದಗಿಸುತ್ತದೆ. ಆಧಾರ್ ಮಿತ್ರ AI ಚಾಟ್‌ಬಾಟ್ ಇಂಗ್ಲಿಷ್ ಮತ್ತು ಹಿಂದಿ ಭಾಷೆಗಳಲ್ಲಿ ಲಭ್ಯವಿದೆ. ಚಾಟ್‌ಬಾಟ್‌ಗೆ ಆಧಾರ್ ಕಾರ್ಡ್ ಹೊಂದಿರುವವರ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಲು ತರಬೇತಿ ನೀಡಲಾಗಿದೆ ಎಂದು ಯುಐಡಿಎಐ ಹೇಳಿದೆ.

ಆಧಾರ್ ಮಿತ್ರ AI ಚಾಟ್‌ಬಾಟ್‌ನಲ್ಲಿ ನಿಮ್ಮ ಬಳಿ ಇರುವ ಆಧಾರ್ ಕೇಂದ್ರದ ವಿವರಗಳನ್ನು ನೀವು ತಿಳಿದುಕೊಳ್ಳಬಹುದು. ಈ ಮೂಲಕ ನೀವು ಹೊಸದಾಗಿ ಆಧಾರ್ ಅನ್ನು ನೋಂದಾಯಿಸಿದ್ದೀರಾ ಅಥವಾ ಆಧಾರ್‌ನಲ್ಲಿ ವಿವರಗಳನ್ನು ಅಪ್ಡೇಟ್​ ಮಾಡಿದ್ದೀರಾ ಎಂಬುದನ್ನು ನೀವು ತಿಳಿದುಕೊಳ್ಳಬಹುದು.

ಯಾವುದೇ ಆಧಾರ್ ಸಮಸ್ಯೆಗಳಿದ್ದರೆ ನೀವು ಆಧಾರ್ ಮಿತ್ರ AI ಚಾಟ್‌ಬಾಟ್‌ನಲ್ಲಿ ದೂರು ನೀಡಬಹುದು. ಕಂಪ್ಲೈಂಟ್ ಸ್ಟೇಟಸ್ ಕೂಡ ತಿಳಿಯಬಹುದು. ಆಧಾರ್ ಕೇಂದ್ರದಲ್ಲಿ ಅಪಾಯಿಂಟ್‌ಮೆಂಟ್ ಕೂಡ ಬುಕ್ ಮಾಡಬಹುದು. ಹಾಗಿದ್ರೆ ಆಧಾರ್ ಮಿತ್ರ ಚಾಟ್‌ಬಾಟ್ ಅನ್ನು ಬಳಸುವುದು ಹೇಗೆ ಎಂಬುದನ್ನಿ ಇಲ್ಲಿ ತಿಳಿಯಿರಿ.

ಮೊದಲು https://www.uidai.gov.in/en/ ವೆಬ್‌ಸೈಟ್ ಓಪನ್ ಮಾಡಿ. ಆಧಾರ್ ಮಿತ್ರ ಬಾಕ್ಸ್ ಕೆಳಗಿನ ಬಲಭಾಗದಲ್ಲಿ ಕಾಣಿಸುತ್ತದೆ. ಆ ಆಯ್ಕೆಯನ್ನು ಕ್ಲಿಕ್ ಮಾಡಿ. ಅದರ ನಂತರ GET STARTED ಮೇಲೆ ಕ್ಲಿಕ್ ಮಾಡಿ. ಅಲ್ಲಿ PVC ಸ್ಥಿತಿ, ಲೊಕೇಟ್ PEC, E-Aadhaar, Lost Aadhaar, Aadhaar Status ಆಯ್ಕೆಗಳು ಡಿಫಾಲ್ಟ್ ಆಗಿ ಕಾಣಿಸಿಕೊಳ್ಳುತ್ತವೆ. ಈ ಆಯ್ಕೆಗಳಲ್ಲಿ ಒಂದನ್ನು ಆಯ್ಕೆಮಾಡಿ ಅಥವಾ ನಿಮಗೆ ಯಾವುದೇ ಪ್ರಶ್ನೆ, ಸಂದೇಹ ಅಥವಾ ದೂರು ಇದ್ದರೆ ಟೈಪ್ ಮಾಡಿ ಮತ್ತು ನಮೂದಿಸಿ. ನಂತರ ನೀವು ಕೇಳಿದ ಪ್ರಶ್ನೆಗೆ ಉತ್ತರ ಪಡೆಯಬಹುದು.

ಇನ್ನು ಆಧಾರ್‌ಗೆ ಸಂಬಂಧಿಸಿದ ಸಮಸ್ಯೆಗಳಿದ್ದರೆ ನೀವು 1947 ಸಂಖ್ಯೆಗೆ ಉಚಿತ ಕರೆ ಮಾಡಿ ಸಹ ದೂರು ನೀಡಬಹುದು. ಅಥವಾ ಮೇಲ್ ಐಡಿ emailhelp@uidai.gov.in ನಿಮ್ಮ ದೂರನ್ನು ಸಹ ಕಳುಹಿಸಬಹುದು.