Smartphone ಮೂಲಕ ಕಾರ್ಯನಿರ್ವಹಿಸುತ್ತದೆ ಒಂದು ಲಕ್ಷ ರೂಪಾಯಿಯ ಈ ಸ್ಮಾರ್ಟ್​​ ಮಗ್​!

ಅಮೆಜಾನ್ ಜನಪ್ರಿಯ ಆನ್​ಲೈನ್ ಶಾಪಿಂಗ್  ಫ್ಲಾಟ್​ಫಾರ್ಮ್ ಆಗಿದೆ, ಇದರಲ್ಲಿ ವಿವಿಧ ಉತ್ಪನ್ನಗಳನ್ನು ಖರೀದಿ ಮಾಡಬಹುದಾಗಿದೆ. ಕಡಿಮೆ ಬೆಲೆಯಿಂದ ಹಿಡಿದು ಬ್ರಾಂಡೆಡ್ ಅಂದರೆ ದುಬಾರಿ ಬೆಲೆಯ ವಸ್ತುಗಳು ಕೂಡ ಖರೀದಿಗೆ ಸಿಗುತ್ತದೆ. ಅದರಂತೆ ಅಮೆಜಾನ್​ನಲ್ಲಿ ಮಗುವೊಂದು ಮಾರಾಟಕ್ಕಿದ್ದು, ಇದರ ಬೆಲೆ 1 ಲಕ್ಷ ರೂಪಾಯಿ ಆಗಿದೆ.

ಅಮೆಜಾನ್​ನಲ್ಲಿ ನಾವು ಮಾತನಾಡುತ್ತಿರುವ ಮಗ್ ವಾಸ್ತವವಾಗಿ ಸ್ಮಾರ್ಟ್ ಮಗ್, ಎಂಬರ್ ಟೆಂಪರೇಚರ್ ಕಂಟ್ರೋಲ್ ಸ್ಮಾರ್ಟ್ ಮಗ್ ಆಗಿದೆ. ಈ ಸ್ಮಾರ್ಟ್ ಮಗ್ ಮೊಬೈಲ್ ಅಪ್ಲಿಕೇಶನ್​ನಿಂದ ಕಾರ್ಯನಿರ್ವಹಿಸುತ್ತದೆ ಮತ್ತು ಇದು ರೀಚಾರ್ಜ್ ಮಾಡಬಹುದಾಗಿದೆ. ಈ ಮಗ್ ನಲ್ಲಿ ನಿಮಗೆ ಯಾವಾಗ ಬೇಕಾದರೂ ಬಿಸಿ ಬಿಸಿ ಕಾಫಿ ಅಥವಾ ಟೀ ಸಿಗುತ್ತದೆ. ಈ ಮಗ್ ಕಪ್ಪು ಬಣ್ಣದಲ್ಲಿದೆ ಮತ್ತು 80 ನಿಮಿಷಗಳ ಬ್ಯಾಟರಿ ಅವಧಿಯೊಂದಿಗೆ ಬರುತ್ತದೆ.

ನಾವು ಮೊದಲೇ ಹೇಳಿದಂತೆ ಎಂಬರ್ ಟೆಂಪರೇಚರ್ ಕಂಟ್ರೋಲ್ ಸ್ಮಾರ್ಟ್ ಮಗ್ ಎಂಬ ಈ ಸ್ಮಾರ್ಟ್ ಮಗ್ ನ ಬೆಲೆ ಒಂದು ಲಕ್ಷ ರೂಪಾಯಿಗೂ ಹೆಚ್ಚು. ಈ ಮಗ್ ಅನ್ನು ಅಮೆಜಾನ್ ನಲ್ಲಿ 1,09,032 ರೂ.ಗೆ ಮಾರಾಟ ಮಾಡಲಾಗುತ್ತಿದೆ. ಪ್ರಸ್ತುತ, ಈ ಸ್ಮಾರ್ಟ್ ಮಗ್ ಅಮೆಜಾನ್​ನಲ್ಲಿ ಸೇಲ್​ಗೆ ಇದೆ.

ಗ್ರಾಹಕರು ಇದರ ಮೇಲೆ 47% ರಿಯಾಯಿತಿಯ ನಂತರ 57,385 ರೂ.ಗೆ ಖರೀದಿಸಬಹುದು. ಇದರೊಂದಿಗೆ, ನಿಮಗೆ ಯಾವುದೇ ವೆಚ್ಚವಿಲ್ಲದ EMI, ಕ್ಯಾಶ್​ಬ್ಯಾಕ್ ಮತ್ತು ಬ್ಯಾಂಕ್ ಕೊಡುಗೆಗಳ ಆಯ್ಕೆಗಳನ್ನು ಸಹ ನೀಡುತ್ತಿದೆ.

ಎಂಬರ್ ಟೆಂಪರೇಚರ್ ಕಂಟ್ರೋಲ್ ಸ್ಮಾರ್ಟ್ ಮಗ್ ಸಂಪೂರ್ಣವಾಗಿ ಸ್ಟೈನ್​ಲೆಸ್​ ಸ್ಟೀಲ್​ನಿಂದ ಮಾಡಲ್ಪಟ್ಟಿದೆ ಮತ್ತು ನೀವು ಅದನ್ನು ಚಾರ್ಜ್ ಮಾಡಬಹುದು ಮತ್ತು ಒಂದರಿಂದ ಒಂದೂವರೆ ಗಂಟೆಗಳ ಕಾಲ ಅದನ್ನು ಆರಾಮವಾಗಿ ಬಳಸಬಹುದು. ಈ ಸ್ಮಾರ್ಟ್ ಮಗ್ ಅನ್ನು ಕೈಯಿಂದ ಮಾತ್ರ ತೊಳೆಯಬಹುದು ಮತ್ತು ಇದನ್ನು ಮೈಕ್ರೋವೇವ್​ನಲ್ಲಿ ಬಳಸಲಾಗುವುದಿಲ್ಲ.

ಇದು ಸ್ಮಾರ್ಟ್ ಎಲ್ಇಡಿ ಲೈಟ್ ಅನ್ನು ಸಹ ಹೊಂದಿದೆ, ಇದು ನಿಮ್ಮ ಪಾನೀಯವು ನೀವು ಕುಡಿಯಲು ಯಾವಾಗ ಸಿದ್ಧವಾಗಿದೆ ಎಂಬುದನ್ನು ತಿಳಿಸುತ್ತದೆ.