WhatsApp Update: ವಾಟ್ಸಾಪ್​ನಲ್ಲಿ ಬಂದಿದೆ ನೋಡಿ ಹೊಸ ಫೀಚರ್​! ಇನ್ಮುಂದೆ ವಿಡಿಯೋ ಕಾಲ್​ಗೆ ಯಾವುದೇ ಸಮಸ್ಯೆ ಎದುರಾಗಲ್ಲ

ಜನಪ್ರಿಯ ಮಸೇಜಿಂಗ್ ಅಪ್ಲಿಕೇಶನ್ ಆಗಿರುವ ವಾಟ್ಸಾಪ್​ ಇತ್ತೀಚೆಗೆ ತನ್ನ ಗ್ರಾಹಕರಿಗಾಗಿ ಹಲವಾರು ಫೀಚರ್ಸ್​ಗಳನ್ನು ಬಿಡುಗಡೆ ಮಾಡುತ್ತಿದೆ. ಈ ಫೀಚರ್ಸ್​​ಗಳೆಲ್ಲಾ ಕೆಲವೊಂದು ನಿರೀಕ್ಷೆಯಲ್ಲಿದ್ದ ಫೀಚರ್ಸ್​ಗಳಾದರೆ, ಇನ್ನೂ ಕೆಲವು ಊಹೆಯೂ ಮಾಡಿರದ ಫೀಚರ್ಸ್​ಗಳಾಗಿದೆ.

ಇದೀಗ ವಾಟ್ಸಾಪ್​ ಬಳಕೆದಾರರಿಗಾಗಿ ಹೊಸ ಫೀಚರ್​ ಒಂದನ್ನು ಬಿಡುಗಡೆ ಮಾಡಿದೆ. ಇದು ವಿಡಿಯೋ ಕರೆಯಲ್ಲಿ ಮಾತನಾಡುವವರಿಗೆ ಬಹಳಷ್ಟು ಸಹಕಾರಿಯಾಗುತ್ತದೆ ಎಂದು ಕಂಪೆನಿ ಹೇಳಿದೆ. ಹಾಗಿದ್ರೆ ಈ ಫೀಚರ್​ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು ತಿಳಿಬೇಕಾದ್ರೆ ಈ ಲೇಖನವನ್ನೊಮ್ಮೆ ಓದಿ.

ವಾಟ್ಸಾಪ್​ನಲ್ಲಿ ಪಿಕ್ಚರ್ ಇನ್​ ಪಿಕ್ಚರ್ ಫೀಚರ್ಸ್​​: ವಾಟ್ಸಾಪ್​ ಇದುವರೆಗೆ ಹಲವಾರು ಫೀಚರ್ಸ್​​ಗಳನ್ನು ಬಳಕೆದಾರರಿಗಾಗಿ ಬಿಡುಗಡೆ ಮಾಡಿದ್ದು, ಇದೀಗ ಈ ಸಾಲಿಗೆ ಪಿಕ್ಚರ್​ ಇನ್​ ಪಿಕ್ಚರ್​ ಫೀಚರ್​ ಸೇರಿದೆ. ಈ ಫೀಚರ್​ನಿಂದ ಇನ್ಮುಂದೆ ವಾಟ್ಸಾಪ್ ಬಳಕೆದಾರರು ಆರಾಮವಾಗಿ ವಿಡಿಯೋ ಕಾಲ್​ನಲ್ಲಿ ಮಾತನಾಡಬಹುದಾಗಿದೆ.

ಏನಿದರ ಪ್ರಯೋಜನ?: ಇದುವರೆಗೆ ಯಾರ ಜೊತೆಯಾದರೂ ವಾಟ್ಸಾಪ್​ ಮೂಲಕ ವಿಡಿಯೋ ಕಾಲ್​ನಲ್ಲಿ ಮಾತನಾಡಬನೇಕಾದರೆ, ಬೇರೆ ಆ್ಯಪ್​ಗಳನ್ನು ಓಪನ್ ಮಾಡಿದ್ರೆ, ನಿಮ್ಮ ಕಾಲ್​ನ ವಿಡಿಯೋ ಆಫ್​ ಆಗುತ್ತಿತ್ತು. ಆದರೆ ಇನ್ಮುಂದೆ ಈ ತೊಂದರೆ ಎದುರಾಗುವುದಿಲ್ಲ ಎಂದು ಕಂಪೆನಿ ತಿಳಿಸಿದೆ.

ಫೇಸ್‌ಟೈಮ್‌ನ ಪಿಕ್ಚರ್-ಇನ್-ಪಿಕ್ಚರ್ ಮೋಡ್‌ನಂತೆಯೇ  ಈ ಫೀಚರ್ ಕಾರ್ಯ ನಿರ್ವಹಿಸಲಿದ್ದು, ಗ್ರೂಪ್‌ ಕರೆ ಅಥವಾ ವೈಯಕ್ತಿಕ ಕರೆಯಲ್ಲಿದ್ದಾಗ ಇತರೆ ಆ್ಯಪ್​ಗಳನ್ನು ಓಪನ್‌ ಮಾಡುವ ಮೂಲಕ ಒಂದೇ ಬಾರಿಗೆ ಎರಡೂ ಪ್ರಯೋಜನಗಳನ್ನು ಬಳಸಿಕೊಳ್ಳಬಹುದು.

ಹಾಗೆಯೇ ಬಳಕೆದಾರರು ಯಾವುದೇ ವೆಬ್‌ ಬ್ರೌಸರ್‌ ಆಗಲಿ ಅಥವಾ ವೆಬ್‌ಸೈಟ್‌ ಓಪನ್ ಮಾಡಿದರೂ ಅದರ ಮೇಲೆ ಚಿಕ್ಕದಾಗಿ ವಿಡಿಯೋ ಸಂಬಂಧಿಸಿದ ಒಂದು ವಿಂಡೋ ಕಾಣಿಸಿಕೊಳ್ಳುತ್ತದೆ. ಇದರಿಂದಾಗಿ ಕರೆಯಲ್ಲಿರುವಾಗಲೇ ಮೊಬೈಲ್‌ನಲ್ಲಿ ಏನಾದರೂ ಓದಬಹುದು, ಗೇಮ್‌ ಆಡಬಹುದು ಅಥವಾ ಇತರೆ ಚಟುವಟಿಕೆ ನಡೆಸಬಹುದು.

ಯಾರಿಗೆ ಲಭ್ಯ?: ಈ ಫೀಚರ್ಸ್‌ ಇದೀಗ iOS ಬಳಕೆದಾರರಿಗೆ ಲಭ್ಯವಾಗಲಿದ್ದು, ಈ ಮೂಲಕ ಆ್ಯಪಲ್​ ಡಿವೈಸ್ ಬಳಕೆದಾರರು ವರ್ಷನ್​ 23.3.77 ಗೆ ಅಪ್ಡೇಟ್​ ಮಾಡಿಕೊಳ್ಳಬೇಕಿದೆ. ಇದರಿಂದ ಬಳಕೆದಾರರಿಗೆ ಪಿಕ್ಚರ್-ಇನ್-ಪಿಕ್ಚರ್ ಮೋಡ್‌ಗೆ ಫೀಚರ್ಸ್‌ ಲಭ್ಯವಾಗಲಿದೆ.

ಇನ್ನು iOS ಬಳಕೆದಾರರು ಈ ಫೀಚರ್ಸ್‌ ಬಳಕೆ ಮಾಡಬೇಕೆಂದರೆ ಸ್ವಲ್ಪ ಸಮಯ ಕಾಯಬೇಕಿದೆ. ಯಾಕೆಂದರೆ ಇನ್ನೇನು ಕೆಲವು ವಾರ ಅಥವಾ ಮುಂದಿನ ವಾರದಲ್ಲಿ ಈ ಫೀಚರ್ಸ್‌ ಅನ್ನು iOS ಬಳಕದಾರರಿಗೆ ಪರಿಚಯಿಸಲಾಗುತ್ತದೆ ಎಂದು ವಾಟ್ಸಾಪ್‌ ಮಾಹಿತಿ ನೀಡಿದೆ. ಹಾಗೆಯೇ ಇದೊಂದೇ ಫೀಚರ್ಸ್ ಅಲ್ಲದೆ ಇದರ ಜೊತೆಗೆ ವಿವಿಧ ಫೀಚರ್ಸ್‌ಗಳನ್ನು ಸಹ ಆ ವೇಳೆ ಪರಿಚಯಿಸಲಾಗುತ್ತದೆ ಎಂದು ಮಾಹಿತಿ ನೀಡಿದೆ.