Electric Vehicle: ಮಾರುಕಟ್ಟೆಗೆ ಎಂಟ್ರಿ ನೀಡಿದೆ ಹೊಸ ಎಲೆಕ್ಟ್ರಿಕ್ ಬೈಕ್​! 50 ಸಾವಿರಕ್ಕಿಂತಲೂ ಕಡಿಮೆ ಬೆಲೆಗೆ ಲಭ್ಯ

ಹೊಸ ಎಲೆಕ್ಟ್ರಿಕ್ ವಾಹನವನ್ನು ಖರೀದಿಸಲು ಯೋಚಿಸುತ್ತಿದ್ದೀರಾ? ಹಾಗಿದ್ರೆ ಗುಡ್​ ನ್ಯೂಸ್​. ಇತ್ತೀಚೆಗೆ ಎರಡು ಎಲೆಕ್ಟ್ರಿಕ್ ವಾಹನಗಳು ಮಾರುಕಟ್ಟೆಗೆ ‘ಬಿಡುಗಡೆಯಾಗಿದೆ. ಟೆಕ್ ಇನ್ನೋವೇಟಿವ್ ಮೊಬಿಲಿಟಿ ಎಂಬ ಕಂಪೆನಿಯು ಎರಡು ಹೊಸ ಇವಿಗಳನ್ನು ಮಾರುಕಟ್ಟೆಗೆ ತಂದಿದೆ. ಇವುಗಳ ಹೆಸರುಗಳು A250, Ambler ಎಂಬುದಾಗಿದೆ.

ಆಂಬ್ಲರ್ ಎಲೆಕ್ಟ್ರಿಕ್ ವಾಹನದ ಬಗ್ಗೆ ಹೇಳುವುದಾದರೆ, ಇದು ತುಂಬಾ ವಿಶೇಷವಾದ ವಿನ್ಯಾಸದೊಂದಿಗೆ ಕಾಣುತ್ತದೆ. ಇದೇ ರೀತಿಯ ವಿನ್ಯಾಸದೊಂದಿಗೆ ಯಾವುದೇ ಇವಿ ಮಾರುಕಟ್ಟೆಗೆ ಬಂದಿಲ್ಲ. ಇನ್ನು ವಿಶೇಷವಾಗಿ ಇದಕ್ಕೆ ಲೈಸೆನ್ಸ್​ ಅಗತ್ಯವೇ ಇಲ್ಲ.

ಆಂಬ್ಲರ್ ಎಂಬ ಈ ಮಾದರಿಯು ಒಂದು ಬಾರಿ ಚಾರ್ಜ್ ಮಾಡಿದರೆ 75 ಕಿಲೋಮೀಟರ್ ದೂರದವರೆಗೆ ಹೋಗಬಹುದು. ಇನ್ನು ಇದರ ಲೋಡ್ ಸಾಮರ್ಥ್ಯ 150 ಕೆಜಿ. ಈ ಮಾದರಿಯು ಕಡಿಮೆ ದೂರದ ಪ್ರಯಾಣಕ್ಕೆ ಸೂಕ್ತವಾಗಿದೆ. 

ಇದು ಐಪಿ ರೇಟಿಂಗ್‌ನೊಂದಿಗೆ ವಿದ್ಯುತ್ ಬ್ಯಾಟರಿಯನ್ನು ಒಳಗೊಂಡಿದೆ. ಇದು ಮೂರು ವರ್ಷಗಳವರೆಗೆ ವ್ಯಾರಂಟಿಯನ್ನು ಸಹ ಹೊಂದಿದೆ. ಇನ್ನು ಈ ಬೈಕ್​ನ ಬೆಲೆಯ ಬಗ್ಗೆ ಹೇಳುವುದಾದರೆ ಇದು ರೂ. 49,999 ರಿಂದ ಪ್ರಾರಂಭವಾಗುತ್ತದೆ. ಲಾಜಿಸ್ಟಿಕ್ ಮತ್ತು ಆಹಾರ ವಿತರಣಾ ಸೇವೆಗಳ ಗುರಿಯಾಗಿ ಕಂಪನಿಯು ಈ ವಾಹನವನ್ನು ಬಿಡುಗಡೆ ಮಾಡಿದೆ.

ಇದಲ್ಲದೆ, ಈ ಮಾದರಿಯ ಗರಿಷ್ಠ ವೇಗ ಗಂಟೆಗೆ 25 ಕಿಲೋಮೀಟರ್. ಇದು ಮೆಟಾಲಿಕ್ ಗ್ರೇ, ಗ್ಲಾಸಿ ವೈಟ್ ಬಣ್ಣಗಳಲ್ಲಿ ಲಭ್ಯವಿದೆ. 0 ರಿಂದ 100 ಪ್ರತಿಶತ ಚಾರ್ಜ್ ಮಾಡಲು ಇದು 3 ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಇನ್ನು ಇದರಲ್ಲಿರುವ ಬ್ಯಾಟರಿ ವಾಟರ್​ ಪ್ರೂಫ್ ಫೀಚರ್​ ಅನ್ನು ಹೊಂದಿದೆ.

ಹಾಗೆಯೇ A250 ಎಲೆಕ್ಟ್ರಿಕ್ ಬೈಸಿಕಲ್ ವಿಚಾರಕ್ಕೆ ಬಂದರೆ, ಇದರ ಬೆಲೆ ರೂ. 27,999 ರಿಂದ ಪ್ರಾರಂಭವಾಗುತ್ತದೆ. ಒಂದು ಬಾರಿ ಚಾರ್ಜ್ ಮಾಡಿದರೆ 45 ಕಿಲೋಮೀಟರ್ ದೂರ ಹೋಗಬಹುದು. ಐಪಿ ರೇಟಿಂಗ್​ನೊಂದಿಗೆ ಎಲೆಕ್ಟ್ರಾನಿಕ್ ಬ್ಯಾಟರಿಯನ್ನು ಹೊಂದಿದೆ. ಬ್ಯಾಟರಿ ಪ್ಯಾಕ್ ಡಿಟ್ಯಾಚೇಬಲ್ ಆಗಿದೆ. ಬ್ಯಾಟರಿಯು ಒಂದು ವರ್ಷದ ವ್ಯಾರಂಟಿಯನ್ನು ಒಳಗೊಂಡಿದೆ.

ಈ ಎಲೆಕ್ಟ್ರಿಕ್ ಬೈಸಿಕಲ್‌ನ ಗರಿಷ್ಠ ವೇಗ ಗಂಟೆಗೆ 25 ಕಿಲೋಮೀಟರ್. ಕಂಪೆನಿಯು ಇದರಲ್ಲಿ 36 V NMC 7.5 Ah ಬ್ಯಾಟರಿಯನ್ನು ಸ್ಥಾಪಿಸಿದೆ. 36V 250W BLDC ಹಬ್ ಮೋಟಾರ್ ಅನ್ನು ಸಹ ಅಳವಡಿಸಲಾಗಿದೆ. 

ಇದಲ್ಲದೆ, ಈ ಎಲೆಕ್ಟ್ರಿಕ್ ಬೈಸಿಕಲ್ ಎಲ್ಇಸಿ ಡಿಸ್ಪ್ಲೇಯನ್ನು ಸಹ ಹೊಂದಿದೆ. ವೇಗ, ಬ್ಯಾಟರಿ ಮಟ್ಟ, ವೋಲ್ಟೇಜ್, ದೂರಮಾಪಕ ಇತ್ಯಾದಿ ಗಳನ್ನು ಈ ಡಿಸ್​ಪ್ಲೇನಲ್ಲಿ ನೋಡಬಹುದು.