Sens Smart TV: ಸೆನ್ಸ್​​ ಕಂಪನಿಯಿಂದ 7 ಸ್ಮಾರ್ಟ್​ ಟಿವಿ ಬಿಡುಗಡೆ! ಒಂದೊಂದನ್ನು ನೋಡ್ತಿದ್ರೆ ಈಗಲೇ ಖರೀದಿಸಬೇಕು ಅನ್ಸುತ್ತೆ!

ಹೊಸ ಸ್ಮಾರ್ಟ್ ಟಿವಿ ಖರೀದಿಸಲು ಯೋಚಿಸುತ್ತಿರುವವರಿಗೆ ಸಿಹಿ ಸುದ್ದಿ. 7 ಹೊಸ ಸ್ಮಾರ್ಟ್ ಟಿವಿಗಳು ಮಾರುಕಟ್ಟೆಗೆ ಬಂದಿವೆ. ಈ ಸ್ಮಾರ್ಟ್​​ಟಿವಿಗಳು ಒಂದೇ ರೀತಿಯ ಫೀಚರ್ಸ್​ಗಳನ್ನು ಹೊಂದಿದ್ದು ಬೇರೆ ಬೇರೆ ಡಿಸ್​ಪ್ಲೇ ಗಾತ್ರದಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ.

ಮೇಡ್​​ ಇನ್​​ ಇಂಡಿಯಾ ಬ್ರಾಂಡ್ ಆಗಿರುವಂತಹ ಸೆನ್ಸ್ ಕಂಪನಿ ಇತ್ತೀಚೆಗೆ ಸ್ಮಾರ್ಟ್ ಟಿವಿ ಮಾರುಕಟ್ಟೆಯನ್ನು ಪ್ರವೇಶಿಸಿದೆ. ಇದು 7 ರೀತಿಯ ಹೊಸ ಸ್ಮಾರ್ಟ್​​​ಟಿವಿಗಳನ್ನು ಬಿಡುಗಡೆ ಮಾಡಿದೆ. ಇದು ಫ್ಲಿಪ್‌ಕಾರ್ಟ್‌ನಲ್ಲಿ ಖರೀದಿಗೆ ಲಭ್ಯವಿದ್ದು, ಬಿಗ್ ಸೇವಿಂಗ್ಸ್ ಡೇಸ್ ಮಾರಾಟದ ಭಾಗವಾಗಿ ಈ ಟಿವಿಗಳಲ್ಲಿ ವಿವಿಧ ಕೊಡುಗೆಗಳಿವೆ. ಕ್ರೆಡಿಟ್ ಕಾರ್ಡ್ ಕೊಡುಗೆಗಳು ಮತ್ತು ವಿನಿಮಯ ಕೊಡುಗೆಗಳನ್ನು ಸಹ ಪಡೆಯಬಹುದು.

ಹೊಸದಾಗಿ ಬಿಡುಗಡೆಯಾದ ಈ ಸೆನ್ಸ್​ ಕಂಪನಿ‘ಯ ಸ್ಮಾರ್ಟ್​​​ಟಿವಿಗಳು ಲುಮಿನೆಸೆನ್ಸ್ ಮತ್ತು ಫ್ಲೋರೊಸೆನ್ಸ್ ಎಂಬ ಡಿಸ್​ಪ್ಲೇ ಪ್ಯಾನಲ್​​ಗಳನ್ನು ಹೊಂದಿವೆ. ಈ ಟಿವಿಗಳು ಗೂಗಲ್ ಟಿವಿ ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತವೆ.ಇನ್ನು ಇದರಲ್ಲಿ ಪ್ರೊಫೈಲ್​ ಫೋಟೋಗಳನ್ನು ಸಹ ಹಾಕಬಹುದಾಗಿದೆ.

ಈ ಸ್ಮಾರ್ಟ್ ಟಿವಿಗಳು ಪ್ರಸ್ತುತ ಫ್ಲಿಪ್‌ಕಾರ್ಟ್‌ನಲ್ಲಿ 65 ಇಂಚುಗಳು, 55 ಇಂಚುಗಳು, 50 ಇಂಚುಗಳು, 43 ಇಂಚುಗಳು ಮತ್ತು 32 ಇಂಚುಗಳ ಡಿಸ್​​ಪ್ಲೇ ಗಾತ್ರಗಳಲ್ಲಿ ಲಭ್ಯವಿದೆ. ಈ ಮಾದರಿಗಳಿಗೆ ತಕ್ಕಂತೆ ಸ್ಮಾರ್ಟ್​​ಟಿವಿಯ ಬೆಲೆಗಳು ಕೂಡ ಬದಲಾಗುತ್ತದೆ.

ಸೆನ್ಸ್ ಡಿವಿನ್ಸಿ 65 ಇಂಚಿನ 4ಕೆ ಸ್ಮಾರ್ಟ್ ಟಿವಿ ಲುಮಿಸೆನ್ಸ್ ಬೆಲೆ ರೂ. 70,290 ಆಗಿದೆ. ಆದರೆ ಇದನ್ನು ಆಫರ್​​ನಲ್ಲಿ ರೂ. 42,999ಗೆ ಖರೀದಿಸಬಹುದು. ಹಾಗೆಯೇ ಸೆನ್ಸ್ 32 ಇಂಚಿನ ಎಲ್​ಇಡಿ ಸ್ಮಾರ್ಟ್ ಟಿವಿಯನ್ನು ಕೇವಲ 9999 ರೂಪಾಯಿಗೆ ಖರೀದಿ ಮಾಡಬಹುದು. ಆದರೆ ಇದರ ಮೂಲ ಬೆಲೆ ರೂ. 20,990 ಆಗಿದೆ.

ಅಲ್ಲದೆ, ಸೆನ್ಸ್​ ಡಿವಿನ್ಸಿ 55 ಇಂಚಿನ 4ಕೆ ಸ್ಮಾರ್ಟ್ ಟಿವಿ ಬೆಲೆ ರೂ. 33,999ಗೆ ಲಭ್ಯವಿದೆ. ಆದರೆ ಇದರ ಮೂಲ ಬೆಲೆ 59,990 ರೂಪಾಯಿಯಾಗಿದೆ. ಮತ್ತು ಸೆನ್ಸ್ ಪಿಕಾಸೊ 50 ಇಂಚಿನ 4ಕೆ ಸ್ಮಾರ್ಟ್ ಟಿವಿ ಬೆಲೆ ರೂ. 48,690 ಆಗಿದೆ. ಆದರೆ ಇದನ್ನು 24,999 ರೂಪಾಯಿಗೆ ಖರೀದಿಸಬಹುದು.

ಇನ್ನು ಸೆನ್ಸ್ ಪಿಕಾಸೊ 55 ಇಂಚಿನ ಸ್ಮಾರ್ಟ್ ಟಿವಿ ಫ್ಲಿಪ್​ಕಾರ್ಟ್​​ನಲ್ಲಿ ಕೇವಲ 29,999 ರೂಪಾಯಿಗೆ ಲಭ್ಯವಿದೆ. ಆದರೆ ಇದರ ಮೂಲ ಬೆಲೆ 56,790 ರೂಪಾಯಿಯಾಗಿದೆ. ಹಾಗೆಯೇ ಸೆನ್ಸ್ 43 ಇಂಚಿನ ಸ್ಮಾರ್ಟ್ ಟಿವಿ  ರೂ. 16,999 ಲಭ್ಯವಿದೆ. ಸೆನ್ಸ್ 43 ಇಂಚಿನ 4ಕೆ ಸ್ಮಾರ್ಟ್ ಟಿವಿಯನ್ನು 20,999 ರೂಪಾಯಿಗೆ ಖರೀದಿ ಮಾಡಬಹುದು.

ಇದಲ್ಲದೆ, ಈ ಸ್ಮಾರ್ಟ್ ಟಿವಿಗಳು QLED 4K ಸ್ಕ್ರೀನ್, 20 ವ್ಯಾಟ್ ಸ್ಪೀಕರ್‌ಗಳು, 60 Hz ರಿಫ್ರೆಶ್ ರೇಟ್, ಡಿಟಿಎಸ್​, ಡಾಲ್ಬಿ ಆಡಿಯೋ, ಸ್ಮಾರ್ಟ್ ರಿಮೋಟ್ ಈ ರೀತಿಯ ಫೀಚರ್ಸ್​ಗಳನ್ನು ಹೊಂದಿದೆ. ಇನ್ನು 3 ಹೆಚ್​​ಡಿಎಮ್​ಐ ಪೋರ್ಟ್‌ಗಳು, ಎರಡು ಯುಎಸ್​ಬಿ ಪೋರ್ಟ್‌ಗಳು, , ಬೆಜೆಲ್-ಲೆಸ್ ವಿನ್ಯಾಸದಂತಹ ವೈಶಿಷ್ಟ್ಯಗಳನ್ನು ಹೊಂದಿವೆ.