BSNL Recharge Offers: ಬಿಎಸ್​ಎನ್​ಎಲ್​ನ ಈ ರೀಚಾರ್ಜ್​ನಲ್ಲಿ 600ಜಿಬಿ ಡೇಟಾ ಉಚಿತ! ಗ್ರಾಹಕರಿಗೆ ಬಂಪರ್​ ಆಫರ್​

ನೀವು ಬಿಎಸ್​ಎನ್​ಎಲ್​ ಸಿಮ್ ಕಾರ್ಡ್ ಬಳಸುತ್ತಿದ್ದೀರಾ? ಹಾಗಿದ್ರೆ ನಿಮಗೆ ಒಳ್ಳೆಯ ಸುದ್ದಿ. ಬಿಎಸ್​ಎನ್​ಎಲ್​ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್ ಸೌಲಭ್ಯದ ಜೊತೆಗೆ ಹೆಚ್ಚಿನ ಡೇಟಾ ಮತ್ತು ಎಸ್​ಎಮ್​​ಎಸ್​ ಪ್ರಯೋಜನಗಳನ್ನು ನೀಡುವ ಯೋಜನೆಯನ್ನು ತಂದಿದೆ.

ಸಾರ್ವಜನಿಕ ವಲಯದ ಟೆಲಿಕಾಂ ಕಂಪನಿ ಬಿಎಸ್​ಎನ್​ಎಲ್ ಈಗ ಹೊಸ ರೀಚಾರ್ಜ್ ಯೋಜನೆಯನ್ನು ಪ್ರಾರಂಭಿಸಿದೆ. ಬಿಎಸ್​ಎನ್​ಎಲ್ ರೂ. 1999 ಪ್ರಿಪೇಯ್ಡ್ ಯೋಜನೆಯನ್ನು ಸದ್ಯ ಪರಿಚಯಿಸಿದೆ. ಇದು ವಾರ್ಷಿಕ ರೀಚಾರ್ಜ್ ಯೋಜನೆಯಾಗಿದೆ. ಅಂದರೆ ದಿನಕ್ಕೆ ಲೆಕ್ಕ ಹಾಕಿದರೆ ಈ ಯೋಜನೆಯ ಬೆಲೆ ಕೇವಲ 5 ರೂಪಾಯಿ ಆಗಿದೆ. ಗ್ರಾಹಕರು ಒಮ್ಮೆ ರೀಚಾರ್ಜ್ ಮಾಡಿದರೆ, ಈ ಯೋಜನೆಯ ಪ್ರಯೋಜನಗಳನ್ನು ವರ್ಷವಿಡೀ ಪಡೆಯಬಹುದು.

ಬಿಎಸ್​ಎನ್​ಎಲ್ ರೂ. 1999 ಯೋಜನೆಯ ಒಟ್ಟು ಮಾನ್ಯತೆ 365 ದಿನಗಳು. ಈ ಯೋಜನೆಯೊಂದಿಗೆ ಗ್ರಾಹಕರು 600GB ಡೇಟಾವನ್ನು ಪಡೆಯಬಹುದು. ಈ ಯೋಜನೆಯ ಮೂಲಕ ನೀವು ಎರೋಸ್​ ನೌ ಅಪ್ಲಿಕೇಶನ್​ನ ಚಂದಾದಾರಿಕೆಯನ್ನು ಉಚಿತವಾಗಿ ಪಡೆಯಬಹುದು. ಪ್ರತಿ ತಿಂಗಳು ರೀಚಾರ್ಜ್ ಮಾಡಲು ತೊಂದರೆಯಾಗುತ್ತಿರುವವರು ಈ ಯೋಜನೆಯನ್ನು ಆಯ್ಕೆ ಮಾಡಬಹುದು

ಈ ಬಿಎಸ್​ಎನ್​ಎಲ್​ನ ಯೋಜನೆಯೊಂದಿಗೆ ಯಾವುದೇ ದೈನಂದಿನ ಡೇಟಾ ಮಿತಿ ಇರುವುದಿಲ್ಲ. ಕಂಪನಿಯು 365 ದಿನಗಳವರೆಗೆ ಒಟ್ಟು 600 GB ಡೇಟಾವನ್ನು ನೀಡುತ್ತದೆ. ಅಲ್ಲದೆ, ನೀವು ದಿನಕ್ಕೆ 100 ಎಸ್​ಎಮ್​ಎಸ್​ ಅನ್ನು ಉಚಿತವಾಗಿ ಕಳುಹಿಸಬಹುದು. ಜೊತೆಗೆ ಅನ್ಲಿಮಿಟೆಡ್​ ಉಚಿತವಾಗಿ ಕಾಲ್​ ಮಾಡುವ ಸೌಲಭ್ಯವೂ ಲಭ್ಯವಿದೆ.

ಈ ಯೋಜನೆಯಲ್ಲಿ ಮತ್ತೊಂದು ವಿಶೇಷ ಕೊಡುಗೆಯೂ ಲಭ್ಯವಿದೆ. ವಿಐ, Eros Now ಮನರಂಜನಾ ಅಪ್ಲಿಕೇಶನ್​ಗಳ ಚಂದಾದಾರಿಕೆಯು ಉಚಿತವಾಗಿ ಲಭ್ಯವಿದೆ. ಆದರೆ ಈ ಪ್ರಯೋಜನ ಕೇವಲ 30 ದಿನಗಳಿಗೆ ಮಾತ್ರ ಲಭ್ಯವಿರುತ್ತದೆ.

ಬಿಎಸ್​ಎನ್​ಎಲ್​ನ ಈ ಯೋಜನೆಯಲ್ಲಿ 600 GB ಡೇಟಾ ಮುಗಿದ ನಂತರ, ಇಂಟರ್ನೆಟ್ ವೇಗವು 40 kbps ಗೆ ಇಳಿಯುತ್ತದೆ. ಆದಾಗ್ಯೂ.. ನೀವು ಉತ್ತಮ ವೇಗದೊಂದಿಗೆ ಡೇಟಾ ಬಯಸಿದರೆ ನೀವು ಹೆಚ್ಚುವರಿ ಡೇಟಾ ಯೋಜನೆಗಳೊಂದಿಗೆ ರೀಚಾರ್ಜ್ ಮಾಡಬೇಕು.

ಇತ್ತೀಚೆಗೆ ಬಿಎಸ್​ಎನ್​ಎಲ್ ಮಾತ್ರವಲ್ಲದೆ ಇತರ ಕಂಪನಿಗಳು ವಾರ್ಷಿಕ ಮಾನ್ಯತೆಯೊಂದಿಗೆ ರೀಚಾರ್ಜ್ ಯೋಜನೆಗಳನ್ನು ಬಿಡುಗಡೆ ಮಾಡಿದೆ.

ಇತ್ತೀಚೆಗೆ, ವೊಡಾಫೋನ್ ಐಡಿಯಾ ವಾರ್ಷಿಕ ಯೋಜನೆಯನ್ನು ಬಿಡುಗಡೆ ಮಾಡಿದೆ. ಅದೇ ರೀತಿ ಜಿಯೋ ಕೂಡ ವೆಲ್ಕಮ್ ಆಫರ್ ಬಿಡುಗಡೆ ಮಾಡಿದೆ. ಈ ರೀಚಾರ್ಜ್ ಯೋಜನೆಗಳೊಂದಿಗೆ, ಗ್ರಾಹಕರು ಯಾವುದೇ ತೊಂದರೆಯಿಲ್ಲದೆ ಒಂದು ವರ್ಷದವರೆಗೆ ತಡೆರಹಿತ ಸೇವೆಗಳನ್ನು ಆನಂದಿಸಬಹುದು.