Recharge Plan: ಬಿಎಸ್​ಎನ್​ಎಲ್​​ ನ ಈ ರೀಚಾರ್ಜ್​ ಹಾಕಿದ್ರೆ 600ಜಿಬಿ ಡೇಟಾ ಫ್ರೀ! ಬೆಲೆ ಎಷ್ಟು?

BSNL Plans | ನೀವು ಬಿಎಸ್​ಎನ್​ಎಲ್​ ಸಿಮ್ ಕಾರ್ಡ್ ಬಳಸುತ್ತಿದ್ದೀರಾ? ಹಾಗಿದ್ರೆ ನಿಮಗಾಗಿ ಉತ್ತಮ ಯೋಜನೆ ಇಲ್ಲಿ ಲಭ್ಯವಿದೆ. ದಿನಕ್ಕೆ ರೂ.5 ದರದಲ್ಲಿ ಇಡೀ ವರ್ಷಕ್ಕೆ ಅನಿಯಮಿತ ಕರೆಗಳು, ಹೆಚ್ಚಿನ ಡೇಟಾ ಮತ್ತು ಎಸ್​ಎಮ್​ಎಸ್​ ನಂತಹ ಪ್ರಯೋಜನಗಳನ್ನು ನೀವು ಪಡೆಯಬಹುದು.

ಸಾರ್ವಜನಿಕ ವಲಯದ ಟೆಲಿಕಾಂ ಕಂಪನಿಯಾಗಿರುವ ಬಿಎಸ್​ಎನ್​ಎಲ್​ ಇದೀಗ ಹೊಸ ರೀಚಾರ್ಜ್​ ಪ್ಲಾನ್ ಅನ್ನು ಬಿಡುಗಡೆ ಮಾಡಿದೆ. ಬಿಎಸ್​ಎನ್​ಎಲ್ ರೂ. 1999 ಪ್ರಿಪೇಯ್ಡ್ ಯೋಜನೆಯನ್ನು ಬಿಡುಗಡೆ ಮಾಡಿದೆ. ಇದು ವಾರ್ಷಿಕ ರೀಚಾರ್ಜ್ ಯೋಜನೆಯಾಗಿದೆ. ಗ್ರಾಹಕರು ಒಮ್ಮೆ ರೀಚಾರ್ಜ್ ಮಾಡಿದರೆ, ಇಡೀ ವರ್ಷಕ್ಕೆ ಈ ಯೋಜನೆಯ ಪ್ರಯೋಜನಗಳನ್ನು ಪಡೆಯಬಹುದಾಗಿದೆ.

ಬಿಎಸ್​ಎನ್​ಎಲ್ ರೂ. 1999 ಯೋಜನೆಯ ವ್ಯಾಲಿಡಿಟಿ ಒಟ್ಟು 365 ದಿನಗಳು ಆಗಿದೆ. ಈ ಯೋಜನೆಯಿಂದ ಗ್ರಾಹಕರು 600ಜಿಬಿ ಡೇಟಾವನ್ನು ಪಡೆಯಬಹುದು. ನೀವು Eros Now ಚಂದಾದಾರಿಕೆಯನ್ನು ಕೂಡ ಈ ಯೋಜನೆ ಮೂಲಕ ಉಚಿತವಾಗಿ ಪಡೆಯಬಹುದು. ಪ್ರತಿ ತಿಂಗಳು ರೀಚಾರ್ಜ್ ಮಾಡಲು ಇಷ್ಟವಿಲ್ಲದವರು ಈ ಯೋಜನೆಯನ್ನು ಬಳಸಬಹುದಾಗಿದೆ.

ಬಿಎಸ್​ಎನ್​ಎಲ್ ನ ಈ ಯೋಜನೆಯೊಂದಿಗೆ ದೈನಂದಿನ ಡೇಟಾ ಮಿತಿ ಇರುವುದಿಲ್ಲ. 365 ದಿನಗಳವರೆಗೆ 600 GB ಡೇಟಾವನ್ನುಕಂಪನಿ ನೀಡುತ್ತದೆ. ಹಾಗೆಯೇ ಇದರಲ್ಲಿ ನೀವು ದಿನಕ್ಕೆ 100 ಎಸ್​ಎಮ್​ಎಸ್​ ಅನ್ನು ಉಚಿತವಾಗಿ ಮಾಡ್ಬಹುದು. ಅನ್ಲಿಮಿಟೆಡ್​ ಕಾಲ್​ ಮಾಡುವ ಸೌಲಭ್ಯವೂ ಇದೆ.

ಇದಲ್ಲದೆ, ಈ ಯೋಜನೆಯಲ್ಲಿ ಮತ್ತೊಂದು ವಿಶೇಷ ಆಫರ್​ ಕೂಡ ಲಭ್ಯವಿದೆ.  ವಿಐ, Eros Now ಎಂಟರ್​​ಟೈನ್​ಮೆಂಟ್​ ಚಂದಾದಾರಿಕೆ ಕೂಡ ಉಚಿತವಾಗಿ ಲಭ್ಯವಿದೆ. ಆದರೆ ಈ ಪ್ರಯೋಜನವನ್ನು 30 ದಿನಗಳವರೆಗೆ ಮಾತ್ರ ಪಡೆಯಬಹುದು.

ಇನ್ನು ಈ ಯೋಜನೆಯಲ್ಲಿ 600 GB ಡೇಟಾ ಖಾಲಿಯಾದ ನಂತರ, ಇಂಟರ್ನೆಟ್​ ವೇಗವು 40 kbps ಗೆ ಕಡಿಮೆಯಾಗುತ್ತದೆ. ಆದರೆ ನಂತರ ನೀವು ಬಿಎಸ್​ಎನ್​ಎಲ್​ ಡೇಟಾ ವೋಚರ್ ಮೂಲಕ ರೀಚಾರ್ಜ್ ಮಾಡಬಹುದು. ಈ ಮೂಲಕ ಮತ್ತೆ ಡೇಟಾ ಪ್ರಯೋಜನವನ್ನು ಪಡೆಯಬಹುದಾಗಿದೆ.

ಇತ್ತೀಚೆಗೆ ಬಿಎಸ್​ಎನ್​ಎಲ್​ ಮಾತ್ರವಲ್ಲದೆ ಇತರ ಕಂಪನಿಗಳು ಕೂಡ ವಾರ್ಷಿಕ ವ್ಯಾಲಿಡಿಟಿಯನ್ನು ಹೊಂದಿರುವ ರೀಚಾರ್ಜ್ ಯೋಜನೆಗಳನ್ನು ಬಿಡುಗಡೆ ಮಾಡಿವೆ. ಬಹುತೇಕ ಎಲ್ಲಾ ಕಂಪನಿಗಳು ಒಂದೇ ರೀತಿಯ ಆಫರ್ಸ್​ನೊಂದಿಗೆ ರೀಚಾರ್ಜ್ ಯೋಜನೆಗಳನ್ನು ನೀಡುತ್ತವೆ. ಆದರೆ ಕೆಲವೊಂದು ಆಫರ್ಸ್​ಗಳು ಮಾತ್ರ ಬದಲಾಗುತ್ತಿರುತ್ತದೆ.

ಈ ರೀತಿಯ ಯೋಜನೆಗಳು ಹಲವಾರು ಟೆಲಿಕಾಂ ಕಂಪನಿಗಳು ಬಿಡುಗಡೆ ಮಾಡಿದೆ. ಪ್ರಸ್ತುತ ವೊಡಫೋನ್​ ಐಡಿಯಾ ವಾರ್ಷಿಕ ಯೋಜನೆಯನ್ನು ಬಿಡುಗಡೆ ಮಾಡಿತ್ತು. ಅದೇ ರೀತಿ ಜಿಯೋ ವೆಲ್​ಕಂ ಆಫರ್​ ಕೂಡ ಬಿಡುಗಡೆ ಮಾಡಿತ್ತು. ಈ ಗ್ರಾಹಕರು ಈ ರೀಚಾರ್ಜ್​ಗಳನ್ನು ಹಾಕಿಕೊಳ್ಳುವ ಮೂಲಕ ಇನ್ನಷ್ಟು ಪ್ರಯೋಜನಗಳನ್ನು ಪಡೆಯಬಹುದಾಗಿದೆ.