Jio Phone 5G: ಸದ್ಯದಲ್ಲೇ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ ಜಿಯೋ 5ಜಿ ಸ್ಮಾರ್ಟ್​ಫೋನ್! ಇದರ ಫೀಚರ್ಸ್​ಗೆ ಫಿದಾ ಆಗ್ತೀರಾ

Jio 5G Smartphone: ಇದೀಗ ದೇಶದೆಲ್ಲೆಡೆ 5ಜಿ ನೆಟ್​ವರ್ಕ್​ ಸೇವೆ ಪ್ರಾರಂಭವಾದ ನಂತರ ಹಲವಾರು ಸ್ಮಾರ್ಟ್​ಫೊನ್ ಕಂಪನಿಗಳು 5ಜಿ ಮೊಬೈಲ್​ಗಳನ್ನು ಬಿಡುಗಡೆ ಮಾಡುತ್ತಿದೆ. ಈ ಮಧ್ಯೆ ಟೆಲಿಕಾಂ ಕಂಪನಿಗಳಲ್ಲಿ ನಂಬರ್​ 1 ಸ್ಥಾನ ಪಡೆದಿರುವ ರಿಲಯನ್ಸ್​​ ಜಿಯೋ 5ಜಿ ಸ್ಮಾರ್ಟ್​​​ಫೋನ್​ ಸದ್ಯದಲ್ಲೇ ಮಾರುಕಟ್ಟೆಗೆ ಬರಲಿದೆ ಎಂದು ಕೆಲವೊಂದು ವರದಿಗಳು ತಿಳಿಸಿವೆ.

ಈ ಸ್ಮಾರ್ಟ್​​ಫೋನ್​ನ ವಿಶೇಷತೆಯೆಂದರೆ ಇದರ ಬೆಲೆ ಈವರೆಗೆ ಬಿಡುಗಡೆಯಾದ 5ಜಿ ಸ್ಮಾರ್ಟ್​ಫೋನ್​ಗಳ ಬೆಲೆಗಿಂತಲೂ ಕಡಿಮೆಗೆ ಮಾರುಕಟ್ಟೆಗೆ ಬರಲಿದೆ. ಇದರ ಬೆಲೆ ಇದುವರೆಗೂ ಯಾರಿಗೂ ತಿಳಿದಿಲ್ಲ ಆದರೆ ಇದರ ಕೆಲವೊಂದು ಫೀಚರ್ಸ್​ ಬಿಡುಗಡೆಗೆ ಮೊದಲೇ ಲೀಕ್ ಆಗಿದೆ.

ಈ ಜಿಯೋ 5ಜಿ ಸ್ಮಾರ್ಟ್​​ಫೋನ್​ನ ಫೀಚರ್ಸ್​​​ ಬೆಂಚ್​ಮಾರ್ಕಿಂಗ್​ ವೆಬ್​ಸೈಟ್​​ನಲ್ಲಿ ಲೀಕ್​ ಆಗಿದೆ. ಈ ವರದಿಯ ಪ್ರಕಾರ 1600 x 720 ಪಿಕ್ಸೆಲ್​ ಸ್ಕ್ರೀನ್ ರೆಸಲ್ಯೂಶನ್​ನೊಂದಿಗೆ 6.5 ಇಂಚಿನ ಹೆಚ್​ಡಿ ಪ್ಲಸ್​ ಎಲ್​​ಸಿಡಿ ಡಿಸ್​​ಪ್ಲೇಯನ್ನು ಹೊಂದಿರಲಿದೆ ಎಂದು ವರದಿಯಾಗಿದೆ.

ಇನ್ನು ಈ ಸ್ಮಾರ್ಟ್​​ಫೋನ್​ 60hz ರಿಫ್ರೆಶ್​ ರೇಟ್​ಅನ್ನು ಹೊಂದಿದ್ದು ಅಕ್ಟಾಕೋರ್​ ಕ್ವಾಲ್ಕಮ್​ ಸ್ನಾಪ್ಡ್ರಾಗನ್ 480+ SoC ಪ್ರೊಸೆಸರ್ ವೇಗದೊಂದಿಗೆ ಕಾರ್ಯನಿರ್ವಹಿಸಲಿದೆ. ಇನ್ನು ಇದು ಆಂಡ್ರಾಯ್ಡ್​ 12 ಜೊತೆಗೆ ಕಾರ್ಯನಿರ್ವಹಿಸುತ್ತದೆ.

ಇನ್ನು ಈ ಸ್ಮಾರ್ಟ್​​ಫೋನ್​ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಇದು ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿರಲಿದೆ. ಇದ್ರಲ್ಲೂ ಮುಖ್ಯ ಕ್ಯಾಮೆರಾ 13 ಮೆಗಾಪಿಕ್ಸೆಲ್​ ಸೆನ್ಸಾರ್ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಇನ್ನು ಇದರ ಎರಡನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್‌ ಮ್ಯಾಕ್ರೋ ಲೆನ್ಸ್‌ ಅನ್ನು ಹೊಂದಿರುತ್ತದೆ. ಇದಲ್ಲದೆ 8 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಸಹ ಇದು ಹೊಂದಿದೆ.

ಇನ್ನು ಇದರ ಬ್ಯಾಟರಿ ಸಾಮರ್ಥ್ಯದ ವಿಷಯದಲ್ಲಿ ಇದು 5000mah ಸಾನರ್ಥ್ಯದ ಬ್ಯಾಟರಿಯನ್ನು ಒಳಗೊಂಡಿದೆ. ಇದರ ಜೊತೆಗೆ 18W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ.

ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಯುಎಸ್‌ಬಿ ಟೈಪ್-ಸಿ ಪೋರ್ಟ್, ಹಾಟ್‌ಸ್ಪಾಟ್‌, ವೈಫೈ, ಬ್ಲೂಟೂತ್‌ ಅನ್ನು ಬೆಂಬಲಿಸಲಿದೆ. ಸೆಕ್ಯುರಿಟಿಯ ಉದ್ದೇಶದಿಂದ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಅನ್ನು ಕೂಡ ಇದು ಹೊಂದಿದೆ ಎಮದು ವರದಿ ಹೇಳುತ್ತದೆ. ಈ ಸ್ಮಾರ್ಟ್​ಫೋನ್ ಇನ್ನೂ ಹಲವಾರು ಫೀಚರ್ಸ್​ ಅನ್ನು ಹೊಂದಿರಲಿದ್ದು ಇದರ ಬೆಲೆ ಮತ್ತು ಬಿಡುಗಡೆಯ ದಿನವನ್ನು ಇದುವರೆಗೂ ಬಹಿರಂಗಪಡಿಸಿಲ್ಲ.