Triumph Tiger 1200: ಅಡ್ವೆಂಚರ್ ರೈಡ್​ಗೆ ಹೇಳಿ ಮಾಡಿಸಿದಂತಿದೆ ಟ್ರಯಂಫ್ ಟೈಗರ್ 1200! ಬೆಲೆ ಎಷ್ಟು?

ಅಡ್ವೆಂಚರ್ ಮತ್ತು ಸ್ಪೋರ್ಟಿ ಬೈಕ್​ಗಳ ಜಗತ್ತಿನಲ್ಲಿ ದಂತಕಥೆಯಾಗಿರುವ ಟ್ರಯಂಫ್ ಮೋಟಾರ್​ ಸೈಕಲ್ಸ್ ತನ್ನ ಹೊಸ ಬೈಕ್ ಅನ್ನು ಭಾರತದಲ್ಲಿ ನಾಳೆ ಬಿಡುಗಡೆ ಮಾಡುತ್ತಿದೆ. ಟ್ರಯಂಫ್ ಮೋಟಾರ್​ಸೈಕಲ್ಸ್ ಇಂಡಿಯಾ ತನ್ನ ಹೊಸ ಬೈಕ್ ಟ್ರಯಂಫ್ ಟೈಗರ್ 1200 ಅನ್ನು ಗ್ರಾಹಕರೆದುರು ಪರಿಚಯಿಸುತ್ತಿದೆ.

ಕಂಪನಿಯು ತನ್ನ ಸ್ಪೋರ್ಟಿ ಬೈಕ್ ಟ್ರಯಂಫ್ ಟೈಗರ್ 1200 ಅನ್ನು ಕಳೆದ ವರ್ಷ ಡಿಸೆಂಬರ್​ನಲ್ಲಿ ಮುಂಗಡ ಬುಕ್ಕಿಂಗ್ ಪ್ರಾರಂಭಿಸಿತು. ಟ್ರಯಂಫ್ ಟೈಗರ್ 1200 ಮೋಟಾರ್ ಸೈಕಲ್ ಈಗಾಗಲೇ ಜಾಗತಿಕ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿದೆ. ಈ ಮೋಟಾರ್ ಸೈಕಲ್ ಟ್ರಯಂಫ್ ಟೈಗರ್ 1200 ಜಿಟಿ, ಟ್ರಯಂಫ್ ಟೈಗರ್ 1200 ಜಿಟಿ ಪ್ರೊ, ಟ್ರಯಂಫ್ ಟೈಗರ್ 1200 ಜಿಟಿ ಎಕ್ಸ್​ಫ್ಲೋರರ್​ ಮೂರು ಮಾದರಿಗಳನ್ನು ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಗಿದೆ.

ಜಾಗತಿಕ ಮಾರುಕಟ್ಟೆಯಲ್ಲಿ ಟ್ರಯಂಫ್ ಟೈಗರ್ 1200 ಜಿಟಿ ಬೈಕಿನ ಬೆಲೆ 14.80 ಲಕ್ಷ, ಟ್ರಯಂಫ್ ಟೈಗರ್ 1200 ಜಿಟಿ ಪ್ರೊ ಬೆಲೆ 16.58 ಲಕ್ಷ ಮತ್ತು ಟ್ರಯಂಫ್ ಟೈಗರ್ 1200 ಜಿಟಿ ಬೆಲೆ 17.90 ಲಕ್ಷ ಆಗಿದೆ.

ಹೊಸ ಟ್ರಯಂಫ್ ಟೈಗರ್ 1200 ಮೋಟಾರ್​ಸೈಕಲ್ ಸಂಪೂರ್ಣವಾಗಿ ಹೊಸ ಸ್ಟೈಲಿಂಗ್, ಹೊಸ ಪವರ್ಟ್ರೇನ್ ಮತ್ತು ಅನೇಕ ಉತ್ತಮ ವೈಶಿಷ್ಟ್ಯಗಳನ್ನು ನೀಡಲಾಗಿದೆ. ಭಾರತದಲ್ಲಿ, ಈ ಬೈಕ್ ಒಟ್ಟು ನಾಲ್ಕು ರೂಪಾಂತರಗಳಲ್ಲಿ ನೀಡಲಾಗುವುದು. ಇವುಗಳಲ್ಲಿ ಟೈಗರ್ 1200 ಜಿಟಿ ಪ್ರೊ, ಟೈಗರ್ 1200 ಜಿಟಿ ಎಕ್ಸ್​ಫ್ಲೋರರ್, ಟೈಗರ್ 1200 ರ್ಯಾಲಿ ಪ್ರೊ ಮತ್ತು ರ್ಯಾಲಿ ಎಕ್ಸ್​ಫ್ಲೋರರ್ ಸೇರಿವೆ.

ಹೊಸ ಟೈಗರ್ 1200 ಇದುವರೆಗಿನ ಅತ್ಯಂತ ಶಕ್ತಿಶಾಲಿ ಸಾಹಸ ಮೋಟಾರ್​ಸೈಕಲ್ ಎಂದು ಟ್ರಯಂಫ್ ಹೇಳುತ್ತದೆ. ಹೊಸ ಬೈಕ್ನ ರೋಡ್-ಬಯಾಸ್ಡ್ ಜಿಟಿ ಆವೃತ್ತಿಯು 240 ಕೆಜಿ ತೂಕವನ್ನು ಹೊಂದಿದೆ ಮತ್ತು ಆಫ್-ರೋಡ್-ಫೋಕಸ್ಡ್ ರ್ಯಾಲಿ ಶ್ರೇಣಿಯು 265 ಕೆಜಿ ತೂಗುತ್ತದೆ.

ಹೊಸ ಟ್ರಯಂಫ್ ಟೈಗರ್ 1200 ಮೋಟಾರ್​ಸೈಕಲ್ ಹೊಸ 1,160cc ಇನ್ಲೈನ್ ಮೂರು-ಸಿಲಿಂಡರ್ ಎಂಜಿನ್ ಅನ್ನು ಹೊಂದಿದೆ. ಎಂಜಿನ್ ಟಿ-ಪ್ಲೇನ್ ಫೈರಿಂಗ್ ಆರ್ಡರ್ ಅನ್ನು ಹೊಂದಿದೆ. ಇದರ ಮೋಟಾರ್ 9,000 rpm ನಲ್ಲಿ 150 ಅಶ್ವಶಕ್ತಿಯ ಶಕ್ತಿಯನ್ನು ಮತ್ತು 7,000 rpm ನಲ್ಲಿ 130 Nm ನ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಬೈಕ್​ನ ಎಂಜಿನ್ 6-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್​ನೊಂದಿಗೆ ಬರುತ್ತದೆ.

ಹೊಸ ಟ್ರಯಂಫ್ ಟೈಗರ್ 1200 ಸ್ಮಾರ್ಟ್​ಫೋನ್ ಸಂಪರ್ಕ, GoPro ನಿಯಂತ್ರಣಗಳು ಮತ್ತು ಹೊಸ 7.0-ಇಂಚಿನ TFT ಡಿಸ್​ಪ್ಲೇಯನ್ನು ಪಡೆಯುತ್ತದೆ. ಈ ಬೈಕ್ನಲ್ಲಿ ಹಲವು ರೈಡಿಂಗ್ ಮೋಡ್​ಗಳು ಮತ್ತು ಟ್ರಾಕ್ಷನ್ ಕಂಟ್ರೋಲ್​ನಂತಹ ವೈಶಿಷ್ಟ್ಯಗಳನ್ನು ಸಹ ನೀಡಲಾಗಿದೆ.

ಟ್ರಯಂಫ್ ಟೈಗರ್ 1200 ಜಿಟಿ ಬೈಕ್​ನಲ್ಲಿ 19 ಇಂಚಿನ ಮುಂಭಾಗ ಮತ್ತು 18 ಇಂಚಿನ ಹಿಂಭಾಗದ ಅಲಾಯ್ ಚಕ್ರಗಳನ್ನು ಬಳಸಲಾಗಿದೆ. ರ್ಯಾಲಿ ರೂಪಾಂತರವು 21-ಇಂಚಿನ ಮುಂಭಾಗ ಮತ್ತು 18-ಇಂಚಿನ ಹಿಂದಿನ ಚಕ್ರಗಳನ್ನು ಕ್ರಾಸ್-ಸ್ಪೋಕ್ ವಿನ್ಯಾಸದೊಂದಿಗೆ ಪಡೆಯುತ್ತದೆ. ವಿವಿಧ ಸಾಮರ್ಥ್ಯದ ಈ ಎಲ್ಲಾ ರೂಪಾಂತರಗಳಲ್ಲಿ ಇಂಧನ ಟ್ಯಾಂಕ್​ಗಳನ್ನು ಸಹ ನೀಡಲಾಗಿದೆ.