PHOTOS: ಭಾರತದ ರಸ್ತೆಯಲ್ಲಿ ಧೂಳೆಬ್ಬಿಸಲಿದೆ ಹೊಸ ಮಾಡೆಲ್ 'ಜೀಪ್'

ವಿಶ್ವದ ಪ್ರಸಿದ್ಧ ವಾಹನ ತಯಾರಿಕಾ ಕಂಪೆನಿ ಜೀಪ್ ಶೀಘ್ರದಲ್ಲೇ ಹೊಚ್ಚ ಹೊಸ ವಾಹನವನ್ನು ರಸ್ತೆಗಿಳಿಸಲಿದೆ.

ಜೀಪ್ ಗ್ಲಾಡಿಯೇಟರ್ ಹೆಸರಿನ ಈ ವಾಹನಗಳನ್ನು ಲಾ ಆಟೋ ಶೋನಲ್ಲಿ ಅನಾವರಣಗೊಳಿಸಲಾಗಿದೆ.

ಅತ್ಯಾಕರ್ಷಕ ವಿನ್ಯಾಸದಿಂದ ಕೂಡಿದ ಗ್ಲಾಡಿಯೇಟರ್ ಈ ಆಟೋ ಶೋನ ಆಕರ್ಷಣೆಯ ಕೇಂದ್ರವಾಗಿತ್ತು.

ಯುಟಿಲಿಟಿ ಪಿಕ್​ಅಪ್ ಮಾದರಿಯಲ್ಲಿರುವ ಹೊಸ ಜೀಪ್​ಗಳನ್ನು ಭಾರತದಲ್ಲೂ ಪರಿಚಯಿಸಲಾಗುತ್ತದೆ.

1947ರಿಂದಲೂ ಪಿಕ್​ಅಪ್ ಮಾದರಿ ಟ್ರಕ್​ಗಳನ್ನು ಜೀಪ್ ನಿರ್ಮಿಸುತ್ತಿದ್ದು, ಈಗ ಅದೇ ಮಾದರಿ ಹೊಸ ವಿನ್ಯಾಸವನ್ನು ಪರಿಚಯಿಸಿದೆ.

ಜೀಪ್ ಕಂಪೆನಿ ನಿರ್ಮಿಸಿದ ಮೊದಲ ಪಿಕ್​ಅಪ್​ ಟ್ರಕ್​ಗೆ ಗ್ಲಾಡಿಯೇಟರ್​ ಹೆಸರನ್ನು ಇಡಲಾಗಿತ್ತು.

ಕಂಪೆನಿಯು 25 ವರ್ಷಗಳ ಬಳಿಕ ನೂತನ ಪಿಕ್​ಅಪ್ ಟ್ರಕ್​ನ್ನು ಅದೇ ಹೆಸರಿನಲ್ಲಿ ಬಿಡುಗಡೆ ಮಾಡಲು ತಯಾರಿ ನಡೆಸಿದೆ.

ಜೀಪ್ ರಸ್ತೆಗಿಳಿಸಲಿರುವ ಹೊಸ ವಾಹನವು ನಿಸಾನ್ ಮತ್ತು ಫೋರ್ಡ್​ ಕಂಪೆನಿಗಳ ವಾಹನಗಳಿಗೆ ಪ್ರಬಲ ಪೈಪೋಟಿ ನೀಡಲಿದೆ.

ಲಾಸ್ ಏಂಜಲ್ಸ್​ನಲ್ಲಿ ನಡೆದ ವಾಹನ ಪ್ರದರ್ಶನದಲ್ಲಿ ಈ ವಾಹನಗಳನ್ನು ಪ್ರದರ್ಶಿಸಿದ್ದು, ವಾಹನ ಪ್ರಿಯರ ಮನಗೆದ್ದಿದೆ.

ಈ ಹೊಸ ಜೀಪ್ ಟ್ರಕ್​ ಎಸ್​ಯುವಿ ವಾಹನವಾಗಿದ್ದು, ಇದರ ಭಾರತದ ಮಾರುಕಟ್ಟೆ ಬೆಲೆ 16 ರಿಂದ 21 ಲಕ್ಷ ಇರಲಿದೆ ಎಂದು ಅಂದಾಜಿಸಲಾಗಿದೆ.