ಪಬ್​​ಜಿ ಆ್ಯಪ್ ಖರೀದಿಸಲು ಅಜ್ಜನ ಪೆನ್ಶನ್ ಹಣವನ್ನು ಕದ್ದ ಮೊಮ್ಮಗ; 2 ಲಕ್ಷ ರೂ ಮಂಗಮಾಯ!

ಅಚ್ಚರಿಯಾದ್ರು ಸತ್ಯ! 65 ವರ್ಷದ ಪ್ರಾಯದ ವ್ಯಕ್ತಿಯೊಬ್ಬರ ಮೊಬೈಲ್​ಗೆ  ಬ್ಯಾಂಕ್​ನಿಂದ ಸಂದೇಶವೊಂದು ಬರುತ್ತದೆ. ಅದರಲ್ಲಿ ನಿಮ್ಮ ಖಾತೆಯಲ್ಲಿ ಕೇವಲ 275 ರೂ ಮಾತ್ರ ಉಳಿದಿದೆ ಎಂದು ಬರೆದಿರುತ್ತದೆ. ಇದರಿಂದ ಆಘಾತಕ್ಕೊಳಗಾದ ವ್ಯಕ್ತಿ ಪೊಲೀಸ್ ಠಾಣೆಗೆ ತೆರಳಿ ತನ್ನ ಬ್ಯಾಂಕ್​ ಖಾತೆಯಿಂದ ಯಾರೋ ಹಣ ತೆಗೆದಿದ್ದಾರೆ ಎಂದು ದೆಹಲಿಯ ತಿಮಾರ್ ಪುರ್ ಠಾಣೆಗೆ ತೆರಳಿ ದೂರು ನೀಡುತ್ತಾರೆ.

ದೂರು ನೀಡಿದ ಅನ್ವಯ ಪೊಲೀಸರು ತನಿಖೆ  ಪ್ರಾರಂಭಿಸುತ್ತಾರೆ . ವ್ಯಕ್ತಿ ಬ್ಯಾಂಕ್ ಖಾತೆಯಲ್ಲಿ 2 ಲಕ್ಷ ರೂ ಪೆನ್ಶನ್ ಹಣವಿತ್ತು. ಆದರೆ ಇದ್ದಕ್ಕಿದ್ದಂತೆಯೇ ಹಣವೆಲ್ಲಾ ಖಾಲಿಯಾಗಿ ಬರಿ 275 ರೂ ಉಳಿದಿರುವುದನ್ನು ಕಂಡು ಅಚ್ಚರಿಗೊಂಡಿದ್ದಾನೆ.

ಪೊಲೀಸ್ ತನಿಖೆಯ ನಂತರ ಆತನ 15 ವರ್ಷದ ಮೊಮ್ಮಗನಿಂದಾಗಿ ವ್ಯಕ್ತಿ ತನ್ನ 2 ಲಕ್ಷ ರೂ ಹಣವನ್ನು ಕಳೆದುಕೊಂಡಿದ್ದಾನೆ ಎಂದು ತಿಳಿದುಬರುತ್ತದೆ. ಪಬ್​ಜಿ ಆಟಕ್ಕಾಗಿ ಮೊಮ್ಮಗ ಅಷ್ಟೊಂದು ದುಡ್ಡನ್ನು ಖರ್ಚು ಮಾಡಿದ್ದಾನೆ ಎಂದು ಪೊಲೀಸರ ತನಿಖೆಯ ನಂತರ ಬಹಿರಂಗ ಪಡಿಸುತ್ತಾರೆ

ಮೊಮ್ಮಗ ಅಜ್ಜನ ಬ್ಯಾಂಕ್​ ಖಾತೆಯ ಹಣವನ್ನು ಒಟಿಟಿ ಮೂಲಕ ಪೇಟಿಎಂ ಖಾತೆಗೆ ವರ್ಗಾಯಿಸುತ್ತಾನೆ. ಆದರೆ ಆ ಹಣವು 23 ವರ್ಷದ ಪಂಕಜ್ ಕುಮಾರ್ ಎಂಬವನ ಪೇಟಿಎಂ ವಾಲೆಟ್​ಗೆ ವರ್ಗಾವಣೆಗೊಂಡಿದೆ ಎಂದು ತಿಳಿದುಬರುತ್ತದೆ

ಪ್ರತಿ ದಿನವು ಮೊಮ್ಮಗ  ಸ್ಮಾರ್ಟ್​ಫೋನ್​ನಲ್ಲಿ ಪಬ್​​ಜಿ ಆಡುತ್ತಿದ್ದ. ನಂತರ ಆ್ಯಪ್ ಖರೀದಿಸಲು ಅಜ್ಜನ ಖಾತೆಯನ್ನು ಬಳಸಿ ಹಣ ಖರ್ಚು ಮಾಡಿದ್ದಾನೆ, ಅಷ್ಟು ಮಾತ್ರವಲ್ಲದೆ ಅಜ್ಜನಿಗೆ ತಿಳಿಯಬಾರದೆಮದು ಬ್ಯಾಂಕ್​ನಿಂದ ಬರುವ ಸಂದೇಶವನ್ನು ಅಳಿಸಿಹಾಕುತ್ತಿದ್ದನು.

ಕೇಂದ್ರ ಸರ್ಕಾರ ಸೆಪ್ಟೆಂಬರ್ 2 ರಂದು 118 ಆ್ಯಪ್​​ಗಳನ್ನು ಭಾರತದಲ್ಲಿ ಬ್ಯಾನ್ ಮಾಡಿದೆ. ಅದರಲ್ಲಿ ಜನಪ್ರಿಯ ಪಬ್​ಜಿ ಮೊಬೈಲ್ ಲೈಟ್ ಮತ್ತು ಪಬ್​ಜಿ ಮೊಬೈಲ್ ನೋರ್ಡಿಕ್ ಲೈಟ್ ಮ್ಯಾಪ್ ಕೂಡ ಸೇರಿತ್ತು

ಪಬ್​ಜಿ ದಕ್ಷಿಣ ಕೊರಿಯಾದ ಟೆನ್ಸೆಂಟ್ ಸಂಸ್ಥೆಯಾದ್ದಾಗಿದ್ದರು. ಚೀನಾ ಸಂಸ್ಥೆ ಈ ಕಂಪೆನಿಯೊಂದಿಗೆ ದೊಡ್ಡ ಪಾಲನ್ನು ಹೊಂದಿತ್ತು. ಹಾಗಗಿ ಇವೆಲ್ಲವನ್ನು ಗುರಿಯಾಗಿಸಿಟ್ಟುಕೊಂಡು ಮತ್ತು ದೇಶದ ಭದ್ರತೆಯ ದೃಷ್ಠಿಯಿಂದ ಪಬ್​ಜಿ ಅನ್ನು ಬ್ಯಾನ್ ಮಾಡಲಾಯಿತು.

ಸದ್ಯ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ ಪಬ್​ಜಿ ಮೇಲಿನ ನಿಷೇಧವನ್ನು ಕೇಂದ್ರ ಸರ್ಕಾರ ಹಿಂಪಡೆಯುವ ಸಾಧ್ಯತೆಯಿದೆ ಎಂಬ ಮಾತುಗಳು ಕೇಳಿಬರುತ್ತಿದೆ.

ಭಾರತದಲ್ಲಿ ಪಬ್​ಜಿ ಮೇಲಿನ ಸಂಪೂರ್ಣ ಹಿಡಿತವನ್ನು ಪಬ್​ಜಿ ಕಾರ್ಪೋರೇಷನ್ ತೆಗೆದುಕೊಳ್ಳಲಿದೆ ಎನ್ನಲಾಗುತ್ತಿದೆ. ಈ ಮೂಲಕ ಭಾರತದಲ್ಲಿ Tencent ಅನ್ನು ಕೈ ಬಿಡುವ ನಿರ್ಧಾರಕ್ಕೆ ಬರಲಾಗಿದೆ. ಹೀಗಾಗಿ, ಶೀಘ್ರವೇ ಪಬ್​ಜಿ ಬ್ಯಾನ್ ಅನ್ನು ಸರ್ಕಾರ ಹಿಂಪಡೆಯುವ ಸಾಧ್ಯತೆ ಇದೆ.

ಪಜ್​ ಜಿ

ಪಬ್​ಜಿ