Jio Recharge Plan: ಈ ರೀಚಾರ್ಜ್​​ ಪ್ಲ್ಯಾನ್​ನಲ್ಲಿ 13 ತಿಂಗಳು ಡೇಟಾ ಉಚಿತ! ಜಿಯೋ ಗ್ರಾಹಕರಿಗೆ ಬಂಪರ್​ ಆಫರ್

ರಿಲಯನ್ಸ್ ಜಿಯೋ ಕಡಿಮೆ ವೆಚ್ಚದಲ್ಲಿ ಹೆಚ್ಚಿನ ಪ್ರಯೋಜನಗಳನ್ನು ನೀಡುವ ಮೂಲಕ ಟೆಲಿಕಾಂ ವಲಯದಲ್ಲಿ ಸಂಚಲನ ಮೂಡಿಸಿರುವುದು ಗೊತ್ತೇ ಇದೆ. ಸಣ್ಣ ಯೋಜನೆಗಳಿಂದ ದೊಡ್ಡ ವಾರ್ಷಿಕ ಯೋಜನೆಗಳವರೆಗೆ, ಕಂಪನಿಯು ತನ್ನ ಗ್ರಾಹಕರಿಗೆ ಹಲವಾರು ರೀಚಾರ್ಜ್ ಯೋಜನೆಗಳನ್ನು ಪರಿಚಯಿಸಿದೆ. ಇದೀಗ ಜಿಯೋ ಮತ್ತೊಂದು ವಾರ್ಷಿಕ ರೀಚಾರ್ಜ್ ಯೋಜನೆಯನ್ನು ಬಿಡುಗಡೆ ಮಾಡಿದೆ.

ಪ್ರತಿ ತಿಂಗಳು ರೀಚಾರ್ಜ್ ಮಾಡುವ ತೊಂದರೆಯನ್ನು ಕಡಿಮೆ ಮಾಡಲು ಅನೇಕ ಜನರು ಈಗ ವಾರ್ಷಿಕ ರೀಚಾರ್ಜ್ ಯೋಜನೆಗಳನ್ನು ಆರಿಸಿಕೊಳ್ಳುತ್ತಾರೆ. ವಿಶೇಷವೆಂದರೆ ರಿಲಯನ್ಸ್ ಜಿಯೋ ಕೂಡ ತನ್ನ ಗ್ರಾಹಕರಿಗೆ ಇಂತಹ ಪ್ಲ್ಯಾನ್​​ ಅನ್ನು ಬಿಡುಗಡೆ ಮಾಡಿದೆ.

ಜಿಯೋ ಸದ್ಯ ಈ ಯೋಜನೆಯೊಂದಿಗೆ ರೀಚಾರ್ಜ್ ಮಾಡಿದವರಿಗೆ ಹೆಚ್ಚುವರಿ ಪ್ರಯೋಜನಗಳನ್ನು ಘೋಷಿಸಿದೆ. ಈ ಯೋಜನೆಯನ್ನು ಆಯ್ಕೆ ಮಾಡುವವರಿಗೆ ಹೆಚ್ಚುವರಿಯಾಗಿ 23 ದಿನಗಳ ವ್ಯಾಲಿಡಿಟಿಯನ್ನು ಒದಗಿಸಲಾಗುವುದು ಎಂದು ಪ್ರಕಟಿಸಿದೆ. ಅಂದರೆ ಈ ಯೋಜನೆಯನ್ನು ಆಯ್ಕೆ ಮಾಡುವವರು 388 ದಿನಗಳ ವ್ಯಾಲಿಡಿಟಿಯನ್ನು ಪಡೆಯುತ್ತಾರೆ. ಅಂದರೆ ಒಮ್ಮೆ ರೀಚಾರ್ಜ್ ಮಾಡಿದರೆ, ಸುಮಾರು 13 ತಿಂಗಳುಗಳ ಕಾಲ ಟೆನ್ಶನ್ ಇರುವುದಿಲ್ಲ.

ರಿಲಯನ್ಸ್ ಜಿಯೋ ಬಿಡುಗಡೆ ಮಾಡಿರುವುದು 2,999 ರೂಪಾಯಿಯ ರೀಚಾರ್ಜ್​ ಪ್ಲ್ಯಾನ್ ಆಗಿದೆ. ಜಿಯೋ ನ ರೂ. 2,999 ಯೋಜನೆಯಲ್ಲಿ ಬಳಕೆದಾರರು ದಿನಕ್ಕೆ 2.5ಜಿಬಿ ಡೇಟಾವನ್ನು ಪಡೆಯಬಹುದು. ಜೊತೆಗೆ ಹೆಚ್ಚುವರಿಯಾಗಿ 75 ಜಿ ಉಚಿತ ಡೇಟಾ ದೊರೆಯಲಿದೆ.

ವಿಶೇಷ ಕೊಡುಗೆಯ ಅಡಿಯಲ್ಲಿ, ಈ ಯೋಜನೆಯು 365 ದಿನಗಳು + 23 ದಿನಗಳ ಮಾನ್ಯತೆಯನ್ನು ನೀಡುತ್ತದೆ. ಇನ್ನು ಈ ಯೋಜನೆಯಲ್ಲಿ ಅನ್ಲಿಮಿಟೆಡ್​ ಕಾಲ್​ ಮಾಡುವ ಸೌಲಭ್ಯ ಮತ್ತು ದಿನದಲ್ಲಿ 100 ಎಸ್​ಎಮ್​ಎಸ್​ ಅನ್ನು ಉಚಿತವಾಗಿ ಮಾಡಬಹುದಾಗಿದೆ.

ಉಚಿತ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​ ಮತ್ತು ಎಸ್​ಎಮ್​ಎಸ್​ ಸೇವೆಯ ಜೊತೆಗೆ, ಜಿಯೋ ಗ್ರಾಹಕರು ಈ ಯೋಜನೆಯಲ್ಲಿ ಜಿಯೋ ಟಿವಿ, ಜಿಯೋ ಸಿನೆಮಾ, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋ ಕ್ಲೌಡ್‌ಗೆ ಉಚಿತ ಚಂದಾದಾರಿಕೆಯನ್ನು ಸಹ ಪಡೆಯುತ್ತಾರೆ.

ಜಿಯೋದ ಈ ವಾರ್ಷಿಕ ಯೋಜನೆಯಲ್ಲಿ ನೀಡಲಾಗುವ 2.5 ಜಿಬಿ ದೈನಂದಿನ ಡೇಟಾ ಮುಗಿದ ನಂತರ, ಇಂಟರ್ನೆಟ್ ವೇಗವು 64Kbps ಗೆ ಇಳಿಯುತ್ತದೆ

ಜಿಯೋ ಮಾತ್ರವಲ್ಲದೇ ಇದೇ ರೀತಿಯ ಆಫರ್ ಅನ್ನು ಏರ್​ಟೆಲ್​ ಗ್ರಾಹಕರು ಸಹ ಪಡೆಯಬಹುದಾಗಿದೆ. ಏರ್​ಟೆಲ್​ನಲ್ಲೂ ಇದೇ ರೀತಿ ವಾರ್ಷಿಕ ರೀಚಾರ್ಜ್​ ಯೋಜನೆಯಲ್ಲಿ 23 ದಿನಗಳ ಹೆಚ್ಚುವರಿ ವ್ಯಾಲಿಡಿಟಿ ಅವಧಿಯನ್ನು ಪಡೆಯಬಹುದು.