Karnataka CM Race: ಸಿದ್ದರಾಮಯ್ಯಗೆ ಸಿಎಂ ಪಟ್ಟ ಸಿಗದಿದ್ರೆ ಏನು ಆಗಬಹುದು? ಹೈಕಮಾಂಡ್​ಗೆ ಎದುರಾಗಿರುವ ಆತಂಕವೇನು?

ಡಿಕೆ ಶಿವಕುಮಾರ್ ಮತ್ತು ಸಿದ್ದರಾಮಯ್ಯ ನಡುವೆ ಸಿಎಂ ಸ್ಥಾನಕ್ಕಾಗಿ ನೇರ ಸ್ಪರ್ಧೆ ಏರ್ಪಟ್ಟಿದೆ. ಇಬ್ಬರೂ ರಾಜ್ಯದ ಪ್ರಮುಖ ನಾಯಕರು. ಹಾಗಾಗಿ ಯಾರಿಗೆ ಸಿಎಂ ಪಟ್ಟ ಅನ್ನೋದು ಕುತೂಹಲ ಮನೆ ಮಾಡಿದೆ.

ಒಂದು ವೇಳೆ ಸಿದ್ದರಾಮಯ್ಯ ಅವರಿಗೆ ಸಿಎಂ ಪಟ್ಟ ನೀಡದಿದ್ದರೆ ರಾಜ್ಯದಲ್ಲಿ ಯಾವ ಸಂದೇಶ ರವಾನೆ ಆಗುತ್ತೆ? ಪಕ್ಷದ ಮೇಲೆ ಉಂಟಾಗುವ ಪರಿಣಾಮಗಳೇನು ಎಂಬುದರ ಬಗ್ಗೆ ಹೈಕಮಾಂಡ್ ಚರ್ಚೆ ನಡೆಸುತ್ತಿದೆ.

ಸಿಎಂ ಆಗದಿದ್ದರೆ ಸಿದ್ದರಾಮಯ್ಯನವರು ಸಂಪುಟದಲ್ಲಿ ಸಚಿವರಂತೂ ಆಗಲ್ಲ. ಕೇಂದ್ರದಲ್ಲಿ ಸ್ಥಾನಮಾನ ನೀಡಲು ಕಾಂಗ್ರೆಸ್ ಸರ್ಕಾರ ಇಲ್ಲ. ಹಾಗಾಗಿ ಹೈಕಮಾಂಡ್ ಟೆನ್ಷನ್ ಹೆಚ್ಚಾಗಿದೆ.

ಸಿದ್ದರಾಮಯ್ಯಗೆ ಸಿಎಂ ಪಟ್ಟ ಸಿಗದಿದ್ರೆ ಏನಾಗಬಹುದು?

1.ಸಿಎಂ ಪಟ್ಟ ಕೊಡದಿದ್ದರೆ ಬೇರೆ ಯಾವ ಸ್ಥಾನಮಾನವೂ ನಿರರ್ಥಕ ಎಂದು ಹೇಳಿ ಸಿದ್ದರಾಮಯ್ಯ ಪಕ್ಷದ ಚಟುವಟಿಕೆಗಳಿಂದ ದೂರ ಉಳಿಯಬಹುದು. ಸಿದ್ದರಾಮಯ್ಯ ಅವರ ಈ ನಡೆ ಲೋಕಸಭಾ ಚುನಾವಣೆ ಮೇಲೆ ಪರಿಣಾಮ ಬೀರಬಹುದು.

2.ಎಷ್ಟೇ ಪಕ್ಷ ಸಂಘಟನೆ ಮಾಡಿದ್ರೂ ಬೆಂಬಲ ಸಿಗೋದು ಕಷ್ಟ. ಸಿದ್ದರಾಮಯ್ಯಗೆ ಸ್ಥಾನಮಾನ ಇಲ್ಲ ಅಂದ್ಮೇಲೆ ಯಾಕೆ ಬೆಂಬಲಿಸಬೇಕು ಎಂದು ಮಾಜಿ ಸಿಎಂ ಬೆಂಬಲಿಗರು ತಟಸ್ಥರಾಗಿ ಉಳಿಯಬಹುದು ಅನ್ನೋ ಆತಂಕ.

3.ಬಿಜೆಪಿಯಲ್ಲಿ ಯಡಿಯೂರಪ್ಪರಿಗಾದ ಸ್ಥಿತಿ ಸಿದ್ದರಾಮಯ್ಯ ಅವರಿಗೆ ಆಗಿದೆ.  ಮುಖ ತೋರಿಸಿ ಮತ ಪಡೆದು, ಕೈಬಿಟ್ರು ಅನ್ನೋ ಸಂದೇಶ ರಾಜ್ಯ ಮತ್ತು ಪಕ್ಷದಲ್ಲಿ ರವಾನೆ ಆಗುವ ಆತಂಕ.

4.ಅಹಿಂದ ಮತಗಳು ಸಂಪೂರ್ಣ ವಿಭಜನೆ ಆಗಬಹುದು. ಬಹುತೇಕ ಶಾಸಕರು ಕಾಂಗ್ರೆಸ್ ಸರ್ಕಾರಕ್ಕೆ ಸಹಕಾರ ಕೊಡದೇ ಅಸಮಾಧಾನ ಹೊರ ಹಾಕಬಹುದು.

5.ಸಿಎಂ ಪಟ್ಟ ಕೊಡದಿದ್ದರೆ ಸುಮ್ಮನೆ ಕೂರುವ ಜಾಯಮಾನ ಸಿದ್ದರಾಮಯ್ಯ ಅವರದಲ್ಲ. ಸಿದ್ದರಾಮಯ್ಯ ಅವರನ್ನು ನಿರ್ಲಕ್ಷ್ಯ ಮಾಡಿದ್ದನ್ನೇ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಅಸ್ತ್ರವಾಗಿ ಮಾಡಿಕೊಳ್ಳಬಹುದು.