Traffic Fines Discount: ವಾಹನ ಸವಾರರಿಗೆ ಗುಡ್​​ನ್ಯೂಸ್​​; ರಿಯಾಯಿತಿ ದರದಲ್ಲಿ ದಂಡ ಕಟ್ಟಲು ಇನ್ನೂ ಇದೆ ಟೈಮ್!

ಬೆಂಗಳೂರು: ಸಂಚಾರ ನಿಯಮ ಉಲ್ಲಂಘನೆ ಪ್ರಕರಣಗಳ ಬಾಕಿ ಮೊತ್ತ ಪಾವತಿಗೆ ನೀಡಿದ್ದ ಗಡುವನ್ನು ರಾಜ್ಯ ಸರ್ಕಾರ ವಿಸ್ತರಣೆ ಮಾಡಿದೆ. ರಿಯಾಯಿತಿ ದರದಲ್ಲಿ ದಂಡ ಪಾವತಿ ಮಾಡಲು ಮೊದಲು ಸರ್ಕಾರ ನೀಡಿದ್ದ 9 ದಿನಗಳ ಅವಧಿ ಶನಿವಾರಕ್ಕೆ ಅಂತ್ಯವಾಗಿತ್ತು. ಈ ವೇಳೆ ಹಲವರು ದಂಡ ಪಾವತಿ ಮಾಡುವ ದಿನಾಂಕವನ್ನು ವಿಸ್ತರಣೆ ಮಾಡಬೇಕ ಎಂದು ಒತ್ತಾಯ ಮಾಡಿದ್ದರು. (ಸಾಂದರ್ಭಿಕ ಚಿತ್ರ)

ಸದ್ಯ ಈ ಕುರಿತಂತೆ ಮಾಹಿತಿ ನೀಡಿರುವ ಕಾನೂನು ಸೇವಾ ಪ್ರಾಧಿಕಾರದ ಅಧ್ಯಕ್ಷ, ಹೈಕೋರ್ಟ್ ನ್ಯಾಯಮೂರ್ತಿ ವೀರಪ್ಪ, ಸಂಚಾರಿ ಉಲ್ಲಂಘನಾ ದಂಡಕ್ಕೆ 50% ರಿಯಾಯಿತಿ ದರದಲ್ಲಿ ದಂಡ ಪಾವತಿ ಮಾಡುವ ಸಮಯವನ್ನು ವಿಸ್ತರಿಸಲಾಗಿದೆ. ಫೆಬ್ರವರಿ 14ರಿಂದ 28ರ ವರೆಗೂ ಎರಡು ವಾರಗಳ ಕಾಲ ದಂಡ ಪಾವತಿ ಮಾಡಲು ಕಾಲಾವಕಾಶ ನೀಡಲಾಗಿದೆ. ಕೆಎಸ್ಎಲ್ಎಸ್ಎ ನಾಳೆ ಅಧಿಕೃತವಾಗಿ ರೆಸಲ್ಯೂಷನ್ ಪಾಸ್ ಮಾಡಲಿದೆ. (ಸಾಂದರ್ಭಿಕ ಚಿತ್ರ)

ಇನ್ನು, ಕಳೆದ ಬಾರಿ 9 ದಿನಗಳ ಕಾಲ ನೀಡಿದ್ದ ರಿಯಾಯಿತಿ ಸೌಲಭ್ಯದಲ್ಲಿ ಬರೋಬ್ಬರಿ 131 ಕೋಟಿ ರೂಪಾಯಿ ಹಣ ಸಂಗ್ರಹವಾಗಿತ್ತು. ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಮಾತ್ರ 120 ಕೋಟಿ ರೂಪಾಯಿ ದಂಡ ಸಂಗ್ರವಾಗಿತ್ತು. (ಸಾಂದರ್ಭಿಕ ಚಿತ್ರ)

ಪೊಲೀಸ್ ಠಾಣೆಗಳು, ಟಿಎಂಸಿ ಕೇಂದ್ರ ಕಚೇರಿ ಹಾಗೂ ಪೇಟಿಎಂ ಹಾಗೂ ಪಿಡಿಎ ಮೂಲಕ ಲಕ್ಷಾಂತರ ಮಂದಿ ವಾಹನ ಸವಾರರು ದಂಡ ಪಾವತಿ ಮಾಡಿದ್ದರು. ಸವಾರರು ಸರತಿ ಸಾಲಿನಲ್ಲಿ ನಿಂತು ಹಳೇ ಕೇಸ್​ಗಳ ದಂಡ ಪಾವತಿ ಮಾಡಿದ ದೃಶ್ಯಗಳು ಹಲವು ಕಡೆ ಕಂಡು ಬಂದಿದ್ದವು. (ಸಾಂದರ್ಭಿಕ ಚಿತ್ರ)

ಇದೇ ವೇಳೆ ಕೆಲವು ಸವಾರರು ಕಾಲಾವಕಾಶ ಸಾಕಾಗ್ತಿಲ್ಲ. ರಿಯಾಯಿತಿ ದಂಡ ಪಾವತಿಗೆ ಇನ್ನೂ ಒಂದು ವಾರ ಕಾಲಾವಕಾಶ ವಿಸ್ತರಣೆ ಮಾಡಬೇಕು ಅಂತ ಒತ್ತಾಯ ಮಾಡಿದ್ದರು. ಕೆಲವರ ಬಳಿ ಹಣ ಇರುತ್ತೆ, ಇನ್ನೂ ಕೆಲವರ ಬಳಿ ಹಣ ಇರಲ್ಲ. ಸರ್ವರ್ ಜಾಮ್ ಆಗಿತ್ತು, ದಂಡ ಕಟ್ಟಲು ಸಾಧ್ಯವಾಗುತ್ತಿಲ್ಲ. ಇನ್ನು ಸ್ವಲ್ಪ ಸಮಯ ಕೊಡಬೇಕು ಅಂತ ಒತ್ತಾಯ ಮಾಡಿದ್ದರು. (ಸಾಂದರ್ಭಿಕ ಚಿತ್ರ)

ಯಾವ ದಿನ ಎಷ್ಟು ದಂಡ ಸಂಗ್ರಹ ಆಯ್ತು ಅನ್ನೋದನ್ನು ನೋಡುವುದಾದರೆ, ಫೆಬ್ರವರಿ 03 ರಂದು 2.24 ಲಕ್ಷ ಕೇಸ್​ನಿಂದ 7 ಕೋಟಿ ಸಂಗ್ರಹ ಆಗಿತ್ತು. ಇನ್ನುಳಿದಂತೆ ಫೆ.04 ರಂದು 3 ಲಕ್ಷ ಕೇಸ್​ ₹9 ಕೋಟಿ ದಂಡ, ಫೆ.05 ರಂದು 2.87 ಲಕ್ಷ ಕೇಸ್​ ₹7.49 ಕೋಟಿ ದಂಡ, ಫೆ.06ಕ್ಕೆ 3.34 ಲಕ್ಷ ಕೇಸ್​, ₹9.57 ಕೋಟಿ ದಂಡ, ಫೆ.07 ರಂದು 3.45 ಲಕ್ಷ ಕೇಸ್​ ₹9.70 ಕೋಟಿ ದಂಡ, ಫೆ.08 ರಂದು 3.87 ಲಕ್ಷ ಕೇಸ್​ ₹10 ಕೋಟಿ ದಂಡ, ಫೆ.09ರಂದು 5.51 ಲಕ್ಷ ಕೇಸ್​ ₹14.64 ಕೋಟಿ ದಂಡ, ಫೆ.10ರಂದು 6.70 ಲಕ್ಷ ಕೇಸ್​ನಿಂದ ₹17.61 ಕೋಟಿ, ಫೆ.11ರಂದು 9.45 ಲಕ್ಷ ಕೇಸ್​ನಿಂದ ₹31.26 ಕೋಟಿ ದಂಡ ದಂಡ ಸಂಗ್ರಹವಾಗಿತ್ತು. (ಸಾಂದರ್ಭಿಕ ಚಿತ್ರ)

ಬೆಂಗಳೂರು ಮಾತ್ರವಲ್ಲದೆ ಮೈಸೂರು, ಹುಬ್ಬಳ್ಳಿ, ಧಾರವಾಡ, ಬೆಳಗಾವಿ ಸೇರಿದಂತೆ ಹಲವು ಪ್ರಮುಖ ನಗರಗಳಲ್ಲಿ ಕೋಟಿ ಕೋಟಿ ಹಣ ಟ್ರಾಫಿಕ್ ಪೊಲೀಸ್​ ಇಲಾಖೆಯ ಖಾತೆಗೆ ಹರಿದು ಬಂದಿತ್ತು. ಸದ್ಯ ವಾಹನ ಸವಾರರ ಮನವಿಯನ್ನು ಪರಿಗಣಿಸಿ ದಂಡ ಪಾವತಿಗೆ ರಿಯಾರಿತಿ ನೀಡಿ ದಿನಾಂಕವನ್ನು ವಿಸ್ತರಿಸಲಾಗಿದೆ. (ಸಾಂದರ್ಭಿಕ ಚಿತ್ರ)