Namma Metro: ಮೆಟ್ರೋ ಟ್ರ್ಯಾಕ್ ಮೇಲೆ ಇಳಿದ ಇಬ್ಬರು; ಸಂಚಾರದಲ್ಲಿ ವ್ಯತ್ಯಯ

ಶನಿವಾರ ಮಹಾಕವಿ ಕುವೆಂಪು ಮೆಟ್ರೋ ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ಈ ಹಿಂದೆ ನಾಯಿ, ಬೆಕ್ಕು, ಪಕ್ಷಿಗಳು ಮೆಟ್ರೋ ಟ್ರ್ಯಾಕ್ ಮೇಲೆ ಹೋಗಿರುವ ಘಟನೆಗಳು ನಡೆದಿದ್ದವು. (ಸಾಂದರ್ಭಿಕ ಚಿತ್ರ)

ಗೃಹ ರಕ್ಷಕರು ಮತ್ತು ಮೆಟ್ರೋ ನಿಲ್ದಾಣದ ಸಿಬ್ಬಂದಿ ಫ್ಲಾಟ್​​ಫಾರ್ಮ್​​​ನ ಎಚ್ಚರಿಕೆ ಹಳದಿ ಪಟ್ಟಿಯನ್ನು ದಾಟಲು ಯಾರಿಗೂ ಬಿಡಲ್ಲ. ಹಾಗಾಗಿ ಇಂತಹ ಘಟನೆಗಳು ನಡೆದಿರಲಿಲ್ಲ. ಇದೇ ಮೊದಲ ಬಾರಿಗೆ ಇಬ್ಬರು ರೈಲು ಹಳಿಯಂತೆ ಮೆಟ್ರೋ ಟ್ರ್ಯಾಕ್ ದಾಟಲು ಮುಂದಾಗಿ ಎಡವಟ್ಟು ಮಾಡಿಕೊಂಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಗ್ರಾಮೀಣ ಪ್ರದೇಶದಿಂದ ಬಂದ ಇಬ್ಬರು ಒಂದು ಬದಿಯ ಫ್ಲಾಟ್​​ಫಾರ್ಮ್​​ಗೆ ಬಂದಿದ್ದಾರೆ. ಈ ವೇಳೆ ತಾವು ಆ ಬದಿಗೆ ಬರಬೇಕಿತ್ತು ಅನ್ನೋದು ಗೊತ್ತಾಗಿದೆ. ಕೂಡಲೇ ಇಬ್ಬರು ಮೆಟ್ರೋ ಟ್ರ್ಯಾಕ್ ಮೇಲೆ ಜಿಗಿದಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇಬ್ಬರು ಟ್ರ್ಯಾಕ್ ಮೇಲೆ ಇಳಿಯುತ್ತಿದ್ದಂತೆ ಎಚ್ಚೆತ್ತ ಸಿಬ್ಬಂದಿ ಟ್ರಿಪ್ ತುರ್ತು​ ಸಿಸ್ಟಮ್ ಸಕ್ರಿಯಗೊಳಿಸಿ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಿದ್ದಾರೆ. ನಂತರ ಇಬ್ಬರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇಬ್ಬರ ವಿರುದ್ಧ ಮೆಟ್ರೋ ಸುರಕ್ಷತಾ ಕಾಯಿದೆಯ ಸೆಕ್ಷನ್ 64ರ ಅಡಿ ಪ್ರಕರಣ ದಾಖಲಿಸಲಾಗಿದೆ. ಇಬ್ಬರಿಗೂ ತಲಾ 250 ರೂಪಾಯಿ ದಂಡ ವಿಧಿಸಿ ಎಚ್ಚರಿಕೆ ನೀಡಿ ಕಳುಹಿಸಲಾಗಿದೆ ಎಂದು ಬಿಎಂಆರ್​​​ಸಿಲ್ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಬಿ.ಎಸ್.ಯಶವಂತ್ ಚವಾಣ್ ಹೇಳಿದ್ದಾರೆ. (ಸಾಂದರ್ಭಿಕ ಚಿತ್ರ)

ಈ ಘಟನೆಯಿಂದ ಮೆಟ್ರೋ ಸಂಚಾರದಲ್ಲಿ 10 ನಿಮಿಷ ವ್ಯತ್ಯಯ ಉಂಟಾಗಿತ್ತು. ಈ ಸಮಯದಲ್ಲಿ ನಾಲ್ಕು ರೈಲುಗಳ ಸಂಚಾರಕ್ಕೆ ವಿಳಂಬವಾಯ್ತು ಎಂದು ಚವಾಣ್ ಮಾಹಿತಿ ನೀಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಮೆಟ್ರೋ ಟ್ರ್ಯಾಕ್ 750 ವಿ ಡೈರಕ್ಟ್ ಕರೆಂಟ್ ವೋಲ್ಟೇಜ್ ಅನ್ನು ಥರ್ಡ್​ ರೈಲ್, ಮೆಟ್ರೋ ರೈಲುಗಳು ಮೆಟ್ರೋ ನೆಟ್​​ವರ್ಕ್​​ನಾದ್ಯಂತ ಟ್ರ್ಯಾಕ್​ಗಳಿಗೆ ಸಮಾನಾಂತರವಾಗಿ ಚಲಿಸುತ್ತವೆ. ಟ್ರ್ಯಾಕ್​ಗಳಲ್ಲಿ ವಿದ್ಯುತ್ ಪ್ರವಹಿಸುವಿಕೆ ಇರೋದರಿಂದ ಹಳದಿ ಪಟ್ಟಿ ದಾಟಲು ಯಾರಿಗೂ ಬಿಡಲ್ಲ. (ಸಾಂದರ್ಭಿಕ ಚಿತ್ರ)