ದಸರಾ ಸಂಭ್ರಮ: ಆಯುಧ ಪೂಜೆಯಂದು ಸಾರಿಗೆ ಬಸ್​ಗಳಿಗೆ ಪೂಜೆಗೆ ಸಚಿವರ ಆದೇಶ

ಆಯುಧ ಪೂಜೆಯಂದು ನಿಗಮಗಳ ಪ್ರಯಾಣಿಕ ವಾಹನಗಳು ಮತ್ತು ಯಂತ್ರೋಪಕರಣಗಳನ್ನು ಸುಸ್ಥಿತಿಯಲ್ಲಿಟ್ಟುಕೊಂಡು ಸಂಪ್ರದಾಯದಂತೆ ಪೂಜಿಸುವಂತೆ ಅವರು ಸೂಚನೆ ನೀಡಿದ್ದಾರೆ.

ಆಯುಧ ಪೂಜೆಯಂದು ನಡೆಸುವ ಬಸ್​ಗಳ ಪೂಜೆಗೆ ಪ್ರತಿ ವಾಹನ ಪೂಜೆಗೆ 100 ರೂ ಮತ್ತು ಪ್ರತಿ ವಿಭಾಗೀಯ ಕಾರ್ಯಾಗಾರಕ್ಕೆ 1000 ರೂ ಮುಂಗಡ ನಗದು ಪಡೆದು ಈ ಪೂಜಾ ಕಾರ್ಯಕ್ಕೆ ಎಂದಿನಂತೆ ವಿನಿಯೋಗಿಸುವಂತೆ ಆದೇಶ ಹೊರಡಿಸಿದ್ದಾರೆ.

ದಸರಾ ಸಂದರ್ಭದಲ್ಲಿ ಸಾರಿಗೆ ಸಂಸ್ಥೆ ಬಸ್ ಗಳನ್ನೂ ಸಹ ಈ ಸಂದರ್ಭದಲ್ಲಿ ನವವಧುವನಿಂತೆ ಸಿಂಗರಿಸಿ ಪೂಜೆ ಮಾಡುವುದು ಮೊದಲಿನಂದಲೂ ಬಂದಿದೆ.

ಬಿಎಂಟಿಸಿಯಲ್ಲಿ 6,500 ಬಸ್ ಗಳು, ಕೆಎಸ್​ ಯಲ್ಲಿ 8000 ಬಸ್ ಗಳು ಸೇರಿ ಎಲ್ಲಾ ನಿಗಮಗಳಿಂದ ಒಟ್ಟು 24 ಸಾವಿರ ಬಸ್ ಗಳಿವೆ. ಎಲ್ಲಾ ಬಸ್​​ಗಳಿಗೂ ಪೂಜೆ ಸಲ್ಲಿಸುವಂತೆ ಆದೇಶ ನೀಡಲಾಗಿದೆ. ಜೊತೆಗೆ ಯಂತ್ರೋಪಕರಣಕ್ಕೂ ಪೂಜೆ ಸಲ್ಲಿಸಲಾಗುವುದು

ಈಗಾಗಲೇ ನಷ್ಟದಲ್ಲಿರುವ ಸಾರಿಗೆ ಇಲಾಖೆ ಬಸ್​​ ಅಲಂಕಾರಕ್ಕೆ 100 ರೂ ಮಾತ್ರ ಬಿಡುಗಡೆ ಮಾಡಿದೆ. ಈ ಹಣದಲ್ಲಿ ಬಸ್​ ಸಿಂಗಾರಿಸುವುದು ಅಸಾಧ್ಯ. ಈ ಹಿನ್ನಲೆ ಬಸ್​ ನಿರ್ವಹಕರು ಮತ್ತು ಚಾಲಕರೇ ತಮ್ಮ ಕಿಸೆಯಿಂದ ಹಣ ಸೇರಿಸಿ ಅಲಂಕಾರ ಮಾಡುವುದು ಅನಿವಾರ್ಯವಾಗಲಿದೆ