Bengaluru Roads: ರಾತ್ರಿ ಹಾಕಿದ್ದ ರಸ್ತೆ ಬೆಳಗ್ಗೆ ಕಿತ್ತು ಹೋಯ್ತು; ಭಯದಲ್ಲಿಯೇ ಸವಾರರ ಸಂಚಾರ

ಸೋಮವಾರ ರಾತ್ರಿ ಅಗ್ರಹಾರ ದಾಸರಹಳ್ಳಿ ಮಾಗಡಿ‌ ಮುಖ್ಯ ರಸ್ತೆಯಲ್ಲಿ ಡಾಂಬಾರು ಹಾಕಲಾಗಿತ್ತು. ಬೆಳಗ್ಗೆ ವೇಳೆಗೆ ಪಾಲಿಕೆಯ ಗುಣಮಟ್ಟ ಬೆಳಕಿಗೆ ಬಂದಿದೆ.

ಕೇವಲ ಒಂದು ರಾತ್ರಿಗೆ ಡಾಂಬಾರು ಹಾಕಿದ ರಸ್ತೆಯ ಜೆಲ್ಲಿಗಳು ಕಿತ್ತು ಬಂದಿವೆ. ಸ್ವಲ್ಪ ಯಾಮಾರಿದ್ರೆ, ದ್ವಿಚಕ್ರ ವಾಹನ ಸವಾರರಿಗೆ ಅಪಾಯ ಕಟ್ಟಿಟ್ಟ ಬುತ್ತಿ ಎಂಬಂತೆ ರಸ್ತೆ ನಿರ್ಮಾಣವಾಗಿದೆ.

ಜೆಲ್ಲಿ ಕಿತ್ತು ಬಂದ ಹಿನ್ನೆಲೆಯಲ್ಲಿ​ ಸವಾರರು ಭಯದಲ್ಲಿಯೇ ಬೈಕ್ ಚಲಾಯಿಸುತ್ತಿದ್ದಾರೆ. ಮತ್ತೊಂದೆಡೆ ಇಡೀ ರಸ್ತೆ ಧೂಳು ಧೂಳು ಆಗಿದೆ.

ಒಂದೇ ದಿನಕ್ಕೆ ಹೊಸ ರಸ್ತೆ ಸಂಪೂರ್ಣ ಧೂಳುಮಯ ಆಗಿದೆ ಎಂದು ಪಾಲಿಕೆಯ ಕೆಲಸಕ್ಕೆ ಸಾರ್ವಜನಿಕರು ವ್ಯಾಪಕ ಆಕ್ರೋಶ ಹೊರಹಾಕಿದ್ದಾರೆ.

ಸಿಲಿಕಾನ್‌ ಸಿಟಿ ಬೆಂಗಳೂರಿನ (Bengaluru) ರಸ್ತೆ ಗುಂಡಿಗಳು ಯಮರೂಪಿ ಗುಂಡಿಗಳೆಂದೇ (Potholes) ಕುಖ್ಯಾತಿ ಪಡೆದಿವೆ. ರಾಜಧಾನಿಯಲ್ಲಿ ಹತ್ತಾರು ಸಾವು-ನೋವುಗಳಿಗೆ ಕೇವಲ ಈ ಸಣ್ಣ ಗುಂಡಿಗಳೇ ಕಾರಣವಾಗುತ್ತಿವೆ. (ಸಾಂದರ್ಭಿಕ ಚಿತ್ರ)

ಪ್ರತಿದಿನ ನಾಗರೀಕರು ಗುಂಡಿಗಳನ್ನು ದೂಷಿಸುತ್ತಾ ಬಿಬಿಎಂಪಿ(BBMP) ಮತ್ತು ಸರ್ಕಾರಕ್ಕೆ(Government) ಹಿಡಿಶಾಪ ಹಾಕುತ್ತಲೇ ಇರುತ್ತಾರೆ. ಈಗ ಹೊಸ ರಸ್ತೆಗಳು ಒಂದೇ ದಿನಕ್ಕೆ ಕಿತ್ತುಕೊಂಡು ಹೋಗುತ್ತಿವೆ. (ಸಾಂದರ್ಭಿಕ ಚಿತ್ರ)

ಕಳೆದ ವರ್ಷ ಪ್ರಧಾನಿ ನರೇಂದ್ರ ಮೋದಿ ಆಗಮನದ ಹಿನ್ನೆಲೆ ಬಿಬಿಎಂಪಿ ರಾತ್ರೋರಾತ್ರಿ ರಸ್ತೆಗೆ ಡಾಂಬಾರು ಹಾಕಿತ್ತು. ಆದರೆ ಮೂರೇ ದಿನಕ್ಕೆ ರಸ್ತೆ ಕಿತ್ತು ಬಂದಿತ್ತು. (ಸಾಂದರ್ಭಿಕ ಚಿತ್ರ)