Mohammed Haris Nalapad: ಯಾವನೋ, ಗೀವನೋ ಅಂದ್ರೆ ಸರಿ ಇರಲ್ಲ; ಏಕವಚನ ಬಳಸಿದ್ದ ನಲಪಾಡ್​ಗೆ ರೈತನ ಎಚ್ಚರಿಕೆ

ಈ ವೇಳೆ ಯುವ ಕಾಂಗ್ರೆಸ್ ರಾಜ್ಯಾಧ್ಯಕ್ಷ ಹ್ಯಾರಿಸ್ ನಲಪಾಡ್ )Mohammed Haris Nalapad)​ ಮತ್ತು ರೈತರೊಬ್ಬರ ನಡುವೆ ಮಾತಿನ ಚಕಮಕಿ ನಡೆದಿದೆ.

ರೈತ ಸಂವಾದಲ್ಲಿ ಮಾತನಾಡುತ್ತಿದ್ದ ನಲಪಾಡ್, ಬಿಜೆಪಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸುತ್ತಿದ್ದರು. ಬಿಜೆಪಿ ಸರ್ಕಾರ 40 ಪರ್ಸೆಂಟ್ ಕಮಿಷನ್ ಪಡೆಯುತ್ತಿದೆ ಎಂಬ ಮಾತಿಗೆ ರೈತರೊಬ್ಬರು ವಿರೋಧ ವ್ಯಕ್ತಪಡಿಸಿದರು.

ಈ ವೇಳೆ ರೈತನಿಗೆ ಪ್ರತಿಕ್ರಿಯೆ ನೀಡುವ ಭರದಲ್ಲಿ ನಲಪಾಡ್ ಏಕವಚನದಲ್ಲಿಯೇ ಮಾತನಾಡಿದರು. ಇದರಿಂದ ಕೋಪಗೊಂಡ ರೈತ ಯಾವನೋ, ಗೀವನೋ ಅಂದ್ರೆ ಸರಿ ಇರಲ್ಲ ಮರು ಉತ್ತರ ನೀಡಿದರು.

ಬಿಜೆಪಿ ಸರ್ಕಾರ ಕಮಿಷನ್ ಪಡೆಯುತ್ತಿದೆ ಎಂದು ನಾವು ಹೇಳುತ್ತಿಲ್ಲ. ಹೀಗೆ ಹೇಳಿದ್ದು ಗುತ್ತಿಗೆದಾರ ಸಂಘದ ರಾಜ್ಯಾಧ್ಯಕ್ಷ ಕೆಂಪಣ್ಣ. 40 ಪರ್ಸೆಂಟ್ ಕಮಿಷನ್ ನಿಂದ ಜೀವ ಕಳೆದುಕೊಂಡಿದ್ದು ಬಿಜೆಪಿಯ ಕಾರ್ಯಕರ್ತ ಎಂದರು.

ಈ ಮಾತುಗಳಿಗೆ ಆಕ್ಷೇಪ ವ್ಯಕ್ತಪಡಿಸಿದ್ದಕ್ಕೆ, ಯಾವನೋ ಅವನು ಕುಡಿದು ಬಿಟ್ಟು ಹೇಳುವುದನ್ನು ಕೇಳಿ. ನೀವು ಟೆನ್ಷನ್ ತೆಗೆದುಕೊಳ್ಳಬೇಡಿ, ನಾನು ಹೇಳುವದನ್ನು ಕೇಳಿ ಎಂದು ಹೇಳುತ್ತಾರೆ.

ನಲಪಾಡ್ ಮಾತಿಗೆ ಸಂವಾದದಲ್ಲಿಯೇ ಕೋಪಗೊಂಡ ರೈತ ಯಾವನೋ ,ಗೀವನೋ ಅಂದ್ರೆ ಸರಿ ಇರಲ್ಲ ಎಂದು ತಿರುಗೇಟು ನೀಡಿದರು.

ನಲಪಾಡ್ ಮಾತಿಗೆ ಸಂವಾದದಲ್ಲಿಯೇ ಕೋಪಗೊಂಡ ರೈತ ಯಾವನೋ ,ಗೀವನೋ ಅಂದ್ರೆ ಸರಿ ಇರಲ್ಲ ಎಂದು ತಿರುಗೇಟು ನೀಡಿದರು.

ಈ ವೇಳೆ ಇತರರು ರೈತನನ್ನು ಸಮಾಧಾನ ಮಾಡಲು ಮುಂದಾದರು. ಕೊನೆಗೆ ಮಧ್ಯ ಪ್ರವೇಶಿಸಿದ ಪೊಲೀಸರು ರೈತನನ್ನು ವೇದಿಕೆಯಿಂದ ದೂರ ಕರೆದುಕೊಂಡು ಹೋದರು.