SSLC Exam: ಪರೀಕ್ಷೆ ಬರೆಯುವ ಎಸ್ಎಸ್ಎಲ್​​​ಸಿ ವಿದ್ಯಾರ್ಥಿಗಳ ಬ್ಯಾಗ್​ನಲ್ಲಿರಲಿ ಈ ವಸ್ತುಗಳು

ಕರ್ನಾಟಕದಲ್ಲಿ ನಾಳೆಯಿಂದ ಎಸ್ಎಸ್ಎಲ್​ಸಿ ಪರೀಕ್ಷೆ ನಡೆಯಲಿದೆ. ವಿದ್ಯಾರ್ಥಿಗಳು ಈಗಾಗಲೇ ಪರೀಕ್ಷೆ ಬರೆಯಲು ತುದಿಗಾಲಿನಲ್ಲಿ ನಿಂತಿದ್ದಾರೆ.

ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲು ಬೇಕಾಗುವ ವಸ್ತುಗಳನ್ನು ಈಗಲೇ ಬ್ಯಾಗ್​ನಲ್ಲಿಡಿ. ನಾಳೆ ಪರೀಕ್ಷೆ ಬೇಕಾಗುವ ಮುಖ್ಯವಾದ ಪೆನ್ನು ಇನ್ನಿತರ ವಸ್ತುಗಳನ್ನು ನೆನಪಿಸಿ ಇಟ್ಟುಕೊಳ್ಳಿ.

ಪರೀಕ್ಷೆ ಬರೆಯಲು ಪ್ರವೇಶ ಪತ್ರ ಬೇಕು. ಹಾಗಾಗಿ ಒಂದು ಬಾರಿ ಸರಿಯಾಗಿ ಪ್ರವೇಶ ಪತ್ರವನ್ನ ನೋಡಿ. ಯಾವ ಕೇಂದ್ರವೆಂದು ತಿಳಿಯಿರಿ ನಂತರ ಬ್ಯಾಗ್​ನ ಸರಿಯಾದ ಜಾಗದಲ್ಲಿ ಅಂದರೆ ಮಳೆಗೆ ಒದ್ದೆಯಾಗದಂತೆ ಪ್ಲಾಸ್ಟಿಕ್ ಕವರ್ ಒಂದರಲ್ಲಿ ಹಾಲ್ ಟಿಕೆಟ್ ಇಟ್ಟಿರಿ.

ಪರೀಕ್ಷೆ ಬರೆಯಲು ಮುಖ್ಯವಾಗಿ ಪೆನ್ನು ಬೇಕು. ಹಾಗಾಗಿ ನೀಲಿ ಬಣ್ಣದ ಅಥವಾ ಕಪ್ಪು ಬಣ್ಣದ ಪೆನ್ನು ಇಟ್ಟುಕೊಂಡಿರಿ. ಸರಿಯಾಗಿ ಪೆನ್ನು ಬರೆಯುತ್ತದೆಯೇ ಎಂದು ಇಂದೇ ಪರೀಕ್ಷಿಸಿಕೊಳ್ಳಿ.

ಸ್ಮಾರ್ಟ್​ವಾಚ್​ ಬಳಕೆ ಬೇಡ. ಈಗಾಗಲೇ ಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳಿಗೆ ಕೆಲವು ಸೂಚನೆಗಳನ್ನು ನೀಡಲಾಗಿದೆ. ಅದರಲ್ಲಿ ವಿದ್ಯಾರ್ಥಿಗಳು ಸ್ಮಾರ್ಟ್​​ವಾಚ್​ ಬಳಕೆ ಮಾಡಬಾರದು ಎಂದು ಹೇಳಲಾಗಿದೆ.

ಪರೀಕ್ಷೆ ಬರೆಯುವ ಸಮಯದ ಬಗ್ಗೆ ಸರಿಯಾಗಿ ಗಮನಿಸಿ. ಆತಂಕ ಗೊಂದಲವಿಲ್ಲದೆ ಪರೀಕ್ಷೆಗೆ ಬರೆಯಿರಿ.

ಮಳೆಗಾಲವಾದ್ದರಿಂದ ಪರೀಕ್ಷಾ ಕೇಂದ್ರಕ್ಕೆ ಸರಿಯಾದ ಸಮಯಕ್ಕೆ ತೆರಳಲು ಪ್ರಯತ್ನಿಸಿ. ವಾಹನ ವ್ಯವಸ್ಥೆ ಬಗ್ಗೆ ಪೋಷಕರ ಬಳಿ ವಿಚಾರಿಸಲು ಹೇಳಿ

ಮಳೆಗಾಲವಾದ್ದರಿಂದ ಬ್ಯಾಗ್​ನಲ್ಲೊಂದು ಛತ್ರಿ ಇಟ್ಟುಕೊಂಡಿರಿ, ಮಳೆಗಾಲವಾದ್ದರಿಂದ ಜ್ವರ, ಕೆಮ್ಮು ಬಾರದಂತೆ ಮತ್ತು ಒದ್ದೆಯಾಗದಂತೆ ಗಮನಹರಿಸಿ.