Election Fun: ಮತಗಟ್ಟೆಗಳಲ್ಲಿ ಬೆಳಿಗ್ಗೆಯಿಂದ ಏನೆಲ್ಲಾ ಫನ್ ನಡೀತು ನೋಡಿ!

ಕರ್ನಾಟಕದಲ್ಲಿ ಇಂದು ವಿಧಾನಸಭಾ ಚುನಾವಣೆ ನಡೆಯಿತು. ಆರು ಗಂಟೆಯವರೆಗೂ ಮತದಾನ ಮಾಡಲು ಅವಕಾಶ ನೀಡಲಾಗಿತ್ತು. ಆದರೆ ಇದರ ನಡುವೆಯೇ ಕೆಲವೊಂದಿಷ್ಟು ಫನ್​​ ಘಟನೆಗಳು ನಡೆದಿವೆ.

ಮತ ಹಾಕುವ ವೇಳೆ ಪ್ರಾಣಿಗಳು ಮತಗಟ್ಟೆಯಲ್ಲಿ ಹಾಜರಿದ್ದು ತಾವೂ ವೋಟ್​ ಹಾಕುತ್ತೇವೆ ಎಂಬ ರೀತಿ ಸರತಿ ಸಾಲಲ್ಲಿ ಕುಳಿತ ಘಟನೆಯೂ ಸಹ ನಡೆದಿದೆ.

ಮಂಗಗಳ ಗುಂಪೊಂದು ಮತಗಟ್ಟೆಗೆ ಮುತ್ತಿಗೆ ಹಾಕಿ ಥೇಟ್​ ಮತಜಾಗೃತಿ ಮೂಡಿಸುವಂತೆ ಬೋರ್ಡ್​ ಮೇಲೆ ಹತ್ತಿ ಕೂತ ದೃಷ್ಯ ಕಂಡು ಬಂದಿದ್ದು ಹೀಗೆ. ಪಿಂಕ್​ ಬೂತ್​ನ ಪೆಂಡಾಲ್​ಗಳ ಮೇಲೂ ಕೋತಿಗಳ ಗುಂಪು ಕೂತಿತ್ತು.

ಮತಗಟ್ಟೆಯಲ್ಲಿ ಬೆಳ್ಳಂಬೆಳಿಗ್ಗೆಯೇ ಹಾಜರಾದ ಬುಸ್​ ಬುಸ್​ ನಾಗಪ್ಪಾ. ಹಡೆಯೆತ್ತಿ ಮತಗಟ್ಟೆಯ ಗೋಡೆಯ ಅಂಚಿಗೆ ಕೂತಿತ್ತು. ಶಿವಮೊಗ್ಗದ ತೀರ್ಥಹಳ್ಳಿ ಪಟ್ಟಣದ ಕುವೆಂಪು ಶಾಲೆಯ ಮತಗಟ್ಟೆ ಕೇಂದ್ರದಲ್ಲಿ ನಾಗರಾಜ ಕಾಣಿಸಿಕೊಂಡದ್ದು ವಿಶೇಷ.

ಹುಬ್ಬಳ್ಳಿಯ ಮತಗಟ್ಟೆಯಲ್ಲಿ ವಿಶೇಷವಾಗಿ ಕಾಣಿಸಿಕೊಂಡಿದ್ದು ಬೆಕ್ಕು. ಇದು ಲ್ಯಾಮಿಂಗ್ಟನ್ ಶಾಲೆಯ ಮತಗಟ್ಟೆಯಲ್ಲಿ ನಡೆದ ಘಟನೆ. ಮತದಾರರಿಗೆ ಕುಳಿತುಕೊಳ್ಳಲು ಕುರ್ಚಿಗಳ ವ್ಯವಸ್ಥೆ ಮಾಡಲಾಗಿತ್ತು. ಈ ಬೆಕ್ಕು ಬಂದು ಈ ಕುರ್ಚಿಯ ಮೇಲೆ ಕುಳಿತಿತು ನಾಗರಿಕರಂತೆ ತಾನೂ ಮತದಾನ ಮಾಡುತ್ತೇನೆ ಎಂದಹಾಗಿತ್ತು.

ಚುನಾವಣೆ ಸ್ಪರ್ಧೆ ಮಾಡಿ ಭರ್ಜರಿ ಪ್ರಚಾರವನ್ನು ನಡೆಸಿದ್ದ ವಾಟಾಳ್​ ನಾಗರಾಜ್​ ಅವರೇ ಚುನಾವಣೆಯನ್ನು ಬಹಿಷ್ಕಾರ ಮಾಡಿದ್ದಾರೆ. ಚಾಮರಾಜನಗರ ವಿಧಾನಸಭೆ ಪಕ್ಷೇತರವಾಗಿ ವಾಟಾಳ್ ನಾಗರಾಜ್ ಸ್ಪರ್ಧಿಸಿದ್ದರು. ಆದರೆ ಈಗ ಅವರೇ ಚುನಾವಣೆ ಭಹಿಷ್ಕಾರ ಮಾಡಿದ್ದಾರೆ.

ಇವಿಯಂ ಮಷಿನ್​ ಹಾಗೂ ಮತಗಟ್ಟೆಗೆ ಪೂಜೆ ಮಾಡಲು ಆರತಿ ಬಟ್ಟಲು ಹಿಡಿದು ಆರತಿ ಮಾಡಲು ಒಬ್ಬ ಮಹಿಳೆ ಬಂದಿದ್ದರು ಇವರನ್ನು ಅಧಿಕಾರಿಗಳು ಹೊರಹಾಕಿದ್ದಾರೆ.