ಮಂತ್ರಿ ಮಾಲ್​ನಲ್ಲಿ 'The Kashmir Files' ಸಿನಿಮಾ ವೀಕ್ಷಣೆಗೆ ವ್ಯವಸ್ಥೆ; ಆಡಳಿತ, ವಿಪಕ್ಷ ನಾಯಕರಿಗೆ Speaker​ ಆಹ್ವಾನ

ಕಾಶ್ಮೀರದಲ್ಲಿ ಪಂಡಿತರ ಮೇಲೆ ನಡೆದ ದೌರ್ಜನ್ಯದ ಕುರಿತ ಚಿತ್ರಕಥಾ ಹಂದರವನ್ನು ಹೊಂದಿದೆ. ಈ ಸಿನಿಮಾ ವೀಕ್ಷಣೆಗೆ ನಾಳೆ ವಿಧಾನಸಭಾ ಸದಸ್ಯರಿಗೆ ವ್ಯವಸ್ಥೆ ಮಾಡಲಾಗಿದೆ.

ಇಂದು ವಿಧಾನಸಭಾ ಕಲಾಪದಲ್ಲೂ ಈ ದಿ ಕಾಶ್ಮೀರಿ ಫೈಲ್ಸ್​ ಚಿತ್ರಕ್ಕೆ ಸ್ಪೀಕರ್​ ಬಸವರಾಜ ಹೊರಟ್ಟಿ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಇದು ಎಲ್ಲರೂ ನೋಡುವಂತ ಸಿನಿಮಾವಾಗಿದೆ.

ಸದಾಭಿರುಚಿಯ ಇಂತಹ ಚಿತ್ರವನ್ನು ನಾವೆಲ್ಲರು ಒಟ್ಟಿಗೆ ಕೂತು ನೋಡಬೇಕಿದೆ. ಈ ಹಿನ್ನಲೆ ವಿಧಾನಸಭಾ ಸದಸ್ಯರಿಗೆ ನಾಳೆ ಈ ಚಿತ್ರ ವೀಕ್ಷಣೆಗೆ ಅವಕಾಶ ಮಾಡಿಕೊಡಲಾಗಿದೆ. ನಾಳೆ ಸಂಜೆ ಮಂತ್ರಿ ಮಾಲ್​ನಲ್ಲಿ 6. 45ಕ್ಕೆ ಎಲ್ಲೂ ಒಟ್ಟಿಗೆ ಹೋಗೋಣ ಎಂದು ತಿಳಿಸಿದ್ದಾರೆ.

ವಿಪಕ್ಷ ನಾಯಕರು, ಆಡಳಿತ ಪಕ್ಷದ ನಾಯಕರು ಎಲ್ಲರೂ ಒಟ್ಟಿಗೆ ಕುಳಿತು ಈ ಸಿನಿಮಾ ವೀಕ್ಷಣೆ ನಡೆಸೋಣ ಎಂದು ಮುಕ್ತ ಆಹ್ವಾನ ನೀಡಿದ್ದಾರೆ.

ಸದ್ಯ ದೇಶಾದ್ಯಂತ ಸುದ್ದಿ ಮಾಡುತ್ತಿರುವ ಈ ಚಿತ್ರದಲ್ಲಿ ಕನ್ನಡ ನಟ ಪ್ರಕಾಶ್​ ಬೆಳವಾಡಿ, ಅನೂಪಮ್​ ಖೇರ್​ ಸೇರಿದಂತೆ ಅನೇಕ ಪ್ರಮುಖ ನಟ-ನಟಿಯರು ನಟಿಸಿದ್ದಾರೆ. ವಿಶೇಷ ಎಂದರೆ, ಈ ಸಿನಿಮಾದಲ್ಲಿ ಕಾಶ್ಮೀರದಿಂದ ಬಲವಂತವಾಗಿ ದೌರ್ಜನ್ಯಕ್ಕೆ ಒಳಗಾಗಿ ರಾಜ್ಯ ಬಿಟ್ಟು ಹೊರ ಬಂದ ಅನೇಕರು ಚಿತ್ರಕಥೆಗೆ ರೂಪಿಸಿದ್ದಾರೆ.

90ರ ದಶಕದಲ್ಲಿ ಕಾಶ್ಮೀರದ ಪಂಡಿತರನ್ನು ಹೇಗೆ ಅಲ್ಲಿನ ಮೂಲ ನಿವಾಸಿಗಳನ್ನು ಬೆದರಿಸಿ, ರಾತ್ರೋ ರಾತ್ರಿ ಮನ ಬಿಟ್ಟು ಹೋಗುವಂತೆ ಮಾಡಿದರು ಎಂಬ ನೈಜ ಘಟನೆಗಳಾಧರಿತ ದೃಶ್ಯ ಸಾಕಷ್ಟು ಮನಕಲಕುತ್ತದೆ.

ಇನ್ನು ಈ ಚಿತ್ರಕ್ಕೆ ಗುಜರಾತ್ ಸರ್ಕಾರ, ಮಧ್ಯ ಪ್ರದೇಶ ಸರ್ಕಾರ ಕೂಡ ತೆರಿಗೆ ವಿನಾಯಿತಿ ಘೋಷಿಸಿದೆ.