Interesting Fact: 1970ರಲ್ಲೇ ಶಿವಮೊಗ್ಗಕ್ಕೆ ವಿಮಾನ ಬರ್ತಿತ್ತು! ಇಲ್ಲಿದೆ ಅಚ್ಚರಿಯ ಮಾಹಿತಿ

ಶಿವಮೊಗ್ಗದಲ್ಲಿ ಇತ್ತೀಚಿಗಷ್ಟೇ ವಿಮಾನ ನಿಲ್ದಾಣ ಅದ್ದೂರಿಯಾಗಿ ಆರಂಭವಾಗಿದೆ. ಆದರೆ ಮಲೆನಾಡಿನ ಹೆಬ್ಬಾಗಿಲು ಎಂದೇ ಫೇಮಸ್ ಆದ ಶಿವಮೊಗ್ಗಕ್ಕೆ ಬರೋಬ್ಬರಿ 50 ವರ್ಷಗಳ ಹಿಂದೆಯೇ ವಿಮಾನಗಳು ಬಂದಿಳಿಯುತ್ತಿತ್ತು ಎಂದರೆ ನಂಬಲು ಸಾಧ್ಯವೇ!? (ಸಾಂದರ್ಭಿಕ ಚಿತ್ರ)

ಹೌದು, ಶಿವಮೊಗ್ಗದಲ್ಲಿ ಒಂದಲ್ಲಾ ಒಂದು ಕಾಲದಲ್ಲೇ ವಿಮಾನಗಳು ಬಂದಿಳಿಯುತ್ತಿದ್ದವು. ಶಿವಮೊಗ್ಗ ಜಿಲ್ಲೆಯಲ್ಲಿ ಆಗಲೇ ರನ್ ವೇ ಸಹ ಇತ್ತು! (ಸಾಂದರ್ಭಿಕ ಚಿತ್ರ)

ಈ ಕುರಿತು ಶಿವಮೊಗ್ಗ Live ವರದಿ ಮಾಡಿದೆ. ಶಿವಮೊಗ್ಗದ ಭದ್ರಾವತಿಯ ಹೊಸ ನಂಜಾಪುರದ ಬಳಿ 1970 ರ ದಶಕದಲ್ಲೇ ವಿಮಾನಗಳು ಬಂದಿಳಿಯುತ್ತಿದ್ದವಂತೆ. ಇಲ್ಲೇ ರನ್ ವೇಯನ್ನು ಸಹ ನಿರ್ಮಿಸಲಾಗಿತ್ತಂತೆ. (ಸಾಂದರ್ಭಿಕ ಚಿತ್ರ)

ಆ ಕಾಲದಲ್ಲೇ ವಿಮಾನಗಳು ಇಳಿಯುತ್ತಿದ್ದ ಈ ರನ್ ವೇ ಶಿವಮೊಗ್ಗದ ಭದ್ರಾವತಿಯ ವಿಶ್ವೇಶ್ವರಯ್ಯ ಕಬ್ಬಿಣ ಮತ್ತು ಉಕ್ಕು ಕಾರ್ಖಾನೆಗೆ ಸೇರಿತ್ತು. (ಸಾಂದರ್ಭಿಕ ಚಿತ್ರ)

ದೇಶ ವಿದೇಶಗಳಿಂದ ಆಗಮಿಸಿದ ವಿಮಾನಗಳು ನೇರವಾಗಿ ಭದ್ರಾವತಿಯ ಈ ರನ್ ವೇಯಲ್ಲಿ ಬಂದಿಳಿಯುತ್ತಿದ್ದವು. ಈ ರನ್ ವೇ ಭದ್ರಾವತಿಯ ವಿಶ್ವೇಶ್ವರಯ್ಯ ಕಬ್ಬಿಣ ಮತ್ತು ಉಕ್ಕು ಕಾರ್ಖಾನೆಗೆ ಆಗಮಿಸುವ ವಿವಿಧ ಅಧಿಕಾರಿಗಳಿಗೆ ಭಾರೀ ಸಹಕಾರ ನೀಡುತ್ತಿತ್ತು. (ಸಾಂದರ್ಭಿಕ ಚಿತ್ರ)

ಭದ್ರಾವತಿ ಕಾರ್ಖಾನೆಯಿಂದಾಗಿ ಶಿವಮೊಗ್ಗದ ನಾಗರಿಕರು 1970ರ ದಶಕದಲ್ಲೇ ವಿಮಾನ ಬಂದಿಳಿಯುವುದನ್ನು ನೋಡುತ್ತಿದ್ದರು. ವಿಮಾನ ಇಳಿಯುವುದು, ಹಾರುವುದನ್ನು ಹತ್ತಿರದಿಂದ ನೋಡು ಅಚ್ಚರಿಗೊಳ್ಳುತ್ತಿದ್ದರು ಎಂದು ಶಿವಮೊಗ್ಗ ಲೈವ್ ವರದಿ ಮಾಡಿದೆ. (ಸಾಂದರ್ಭಿಕ ಚಿತ್ರ)

ಸುಮಾರು 660 ಎಕರೆ ಪ್ರದೇಶದಲ್ಲಿ 220 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗಿರೋ ಶಿವಮೊಗ್ಗ ವಿಮಾನ ನಿಲ್ದಾಣ 45 ಮೀಟರ್ ಅಗಲದ 3,200 ಮೀಟರ್ ಉದ್ದದ ರನ್ ವೇ ಹೊಂದಿದೆ. ಆದರೆ ಸುಮಾರು 50 ವರ್ಷಗಳ ಹಿಂದೆಯೇ ಶಿವಮೊಗ್ಗ ವಿಮಾನ ಹಾರಾಟ ಕಂಡಿತ್ತು ಎಂಬ ವಿಷಯ ನಿಜಕ್ಕೂ ಅಚ್ಚರಿ ಮೂಡಿಸುವಂತಿದೆ. (ಸಾಂದರ್ಭಿಕ ಚಿತ್ರ)