PM Modi Roadshow: ಸಿಲಿಕಾನ್ ಸಿಟಿಯಲ್ಲಿ ‘ನಮೋ’ ಸಂಚಾರ; ಜೈಶ್ರೀರಾಮ, ಭಜರಂಗಬಲಿ ಘೋಷಣೆ

ಪ್ರಧಾನಿ ಮೋದಿ ಅವರನ್ನು ಕಣ್ತುಂಬಿಕೊಳ್ಳಲು ಮಕ್ಕಳಿಂದ ಹಿಡಿದು ವೃದ್ಧರು ಸಹ ಆಗಮಿಸಿದ್ದರು. ಬನಶಂಕರಿಯಿಂದ ಬಂದಿದ್ದ ಸುಮಾರು 82 ವರ್ಷದ ಅಜ್ಜಿ ಮೋದಿ ರೋಡ್ಶೋ ಮಾರ್ಗದ ಪಕ್ಕದಲ್ಲಿಯೇ ಕುರ್ಚಿ ಹಾಕಿಕೊಂಡು ಕುಳಿತಿದ್ದರು.

ಬನಶಂಕರಿಯಿಂದ ಬಂದು ರಸ್ತೆ ಬದಿ ಚೇರ್ ಹಾಕ್ಕೊಂಡು ಅಜ್ಜಿ ಕುಳಿತಿದ್ದಾರೆ. ಮೋದಿ ನೋಡೋದು ಒಂದು ಸೌಭಾಗ್ಯ. ಮೋದಿ ಅಂತಹ ನಾಯಕರು ನಮಗೆ ಬೇಕು. ನಮ್ಮ ಸಪೋರ್ಟ್ ಯಾವಗಾಲೂ ಮೋದಿಗೆ ಇರುತ್ತೆ ಎಂದು ಅಜ್ಜಿ ಹೇಳಿದ್ದಾರೆ.

ತೆರೆದ ವಾಹನದಲ್ಲಿ ಪ್ರಚಾರ ಆರಂಭಿಸಿದ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಸಂಸದರಾದ ತೇಜಸ್ವಿ ಸೂರ್ಯ ಮತ್ತು ಪಿಸಿ ಮೋಹನ್ ಸಾಥ್ ನೀಡಿದರು.

ರಸ್ತೆಯ ಇಕ್ಕೆಲಗಳಲ್ಲಿ ನೆರೆದಿದ್ದ ಜನರು ಪ್ರಧಾನಿಗಳ ಮೇಲೆ ಹೂಮಳೆಯನ್ನು ಸುರಿಸುತ್ತಿದ್ದಾರೆ. ಒಟ್ಟು 26 ಕಿಲೋಮೀಟರ್ ರೋಡ್​ಶೋ ಇದಾಗಿದೆ.

26 ಕಿಮೀ ರೋಡ್​ಶೋ ಮೂಲಕ 13 ವಿಧಾನಸಭಾ ಕ್ಷೇತ್ರಗಳ ಮೇಲೆ ಪ್ರಧಾನಿ ನರೇಂದ್ರ ಮೋದಿ ಕಣ್ಣೀರಿಸಿದ್ದಾರೆ. ರೋಡ್​ಶೋ ಮಾರ್ಗದುದ್ದಕ್ಕೂ ಪೊಲೀಸರ ಸರ್ಪಗಾವಲು ನಿಯೋಜನೆ ಮಾಡಲಾಗಿದೆ.

ಅಭಿಮಾನಿಗಳು ಮೋದಿ ಮೋದಿ ಎಂದು ಘೋಷಣೆ ಕೂಗುವ ಮೂಲಕ ತಮ್ಮ ಸಂತಸವನ್ನು ವ್ಯಕ್ತಪಡಿಸುತ್ತಿದ್ದಾರೆ. ಚಿಕ್ಕ ಚಿಕ್ಕ ಮಕ್ಕಳು ಮೋದಿ ಮುಖ ಕವಚ ಧರಿಸಿ ಬಂದಿರೋದು ಆಕರ್ಷಕವಾಗಿತ್ತು.

ಸಾವಿರಾರು ಸಂಖ್ಯೆಯಲ್ಲಿ ಜನರು ಮೋದಿ ರೋಡ್ ಶೋ ನೋಡಲು ಆಗಮಿಸಿದ್ದಾರೆ. ಬಿಸಿಲು ಹೆಚ್ಚಾಗಿದ್ದರ ಪರಿಣಾಮ ಮಹಿಳೆಯೊಬ್ಬರು  ತಲೆಸುತ್ತು ಬಂದು ಕುಸಿದರು. ಕೂಡಲೇ ಅವರನ್ನು ಉಪಚರಿಸಲಾಗಿದೆ.

ರೋಡ್​ಶೋ ಬಳಿಕ ಮಲ್ಲೇಶ್ವರಂನಲ್ಲಿರುವ ಕಾಡುಮಲ್ಲೇಶ್ವರ ದೇವಸ್ಥಾನಕ್ಕೆ ತೆರಳಿ ಪ್ರಧಾನಿಗಳು ವಿಶೇಷ ಪೂಜೆ ಸಲ್ಲಿಸಲಿದ್ದಾರೆ.

ಬೆಂಗಳೂರು ರೋಡ್​ಶೋ ಬಳಿಕ ಸಂಜೆ ಹಾವೇರಿಗೆ ಪ್ರಧಾನಿ ನರೇಂದ್ರ ಮೋದಿ ತೆರಳಲಿದ್ದಾರೆ.

ಹಾವೇರಿ ನಗರದ ಹೊರವಲಯದಲ್ಲಿ ಏರ್ಪಡಿಸಲಾಗಿರುವ ಬೃಹತ್ ಬಿಜೆಪಿ ಸಮಾವೇಶದಲ್ಲಿ ಭಾಗಿಯಾಗಲಿರುವ ಪ್ರಧಾನಿಗಳು ಬಿಜೆಪಿ ಅಭ್ಯರ್ಥಿ ಪರ ಕ್ಯಾಂಪೇನ್ ಮಾಡಲಿದ್ದಾರೆ. ಸಮಾವೇಶದಲ್ಲಿ ಮೂರು ಲಕ್ಷ ಜನರು ಸೇರುವ ಸಾಧ್ಯತೆಗಳಿವೆ.

ಚುನಾವಣಾ ಅಧಿಕಾರಿಗಳು ಸಂಪಿಗೆ ರಸ್ತೆಯಲ್ಲಿ ಅಳವಡಿಸಿದ್ದ ಬಿಜೆಪಿ ಬಾವುಟಗಳ ತೆರವು ಮಾಡಿಸಿದ್ದಾರೆ.

ಸಂಪಿಗೆ ರಸ್ತೆ ತುಂಬೆಲ್ಲಾ ಬಿಜೆಪಿ ಬಾವುಟಗಳನ್ನ ರಸ್ತೆಗೆ ಕಟ್ಟಲಾಗಿತ್ತು. ನೀತಿ ಸಂಹಿತೆ ಪ್ರಕಾರ ಬಾವುಟ ಕಟ್ಟುವಂತಿಲ್ಲ ಎಂದು ತೆರವು ಮಾಡಿಸಲಾಗಿದೆ.