Bengaluru: ಉಂಡ ಮನೆಗೆ ಕನ್ನ ಹಾಕಿ ನೇಪಾಳಕ್ಕೆ ಜೋಡಿ ಜೂಟ್​; ಸೆಕ್ಯುರಿಟಿಯಿಂದಲೇ ಕಳ್ಳತನ

ರಾಜಧಾನಿ ಬೆಂಗಳೂರಿನಲ್ಲಿ ನೇಪಾಳಿ ಮೂಲದವರೇ ಸೆಕ್ಯುರಿಟಿ ಸಿಬ್ಬಂದಿಯಾಗಿರುತ್ತಾರೆ. ಆದರೆ ಇವರು ನೇಪಾಳಕ್ಕೆ ಹೊರಡುವ ಮುನ್ನ ತಾವು ಕೆಲಸ ಮಾಡುತ್ತಿದ್ದ ಸ್ಥಳದಲ್ಲಿಯೇ ಕಳ್ಳತನ ಮಾಡಿ ಎಸ್ಕೇಪ್ ಆಗುತ್ತಾರೆ.

ಇದೀಗ ಇಂತಹುವುದೇ ಒಂದು ಘಟನೆ ಬೆಳಕಿಗೆ ಬಂದಿದೆ. ಜಾಲಹಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಯ ಗೋಲ್ಡನ್ ಬೆಲ್ ಅಪಾರ್ಟ್​​ಮೆಂಟ್​​ನಲ್ಲಿ ಕಳ್ಳತನ ನಡೆದಿದೆ.

ಕಳೆದ 9 ವರ್ಷಗಳಿಂದ ಗೋಲ್ಡನ್ ಬೆಲ್ ಅಪಾರ್ಟ್​​ಮೆಂಟ್​​ನಲ್ಲಿ ನೇಪಾಳ ಮೂಲದ ಶಿವರಾಜ್ ಮತ್ತು ಜಯಂತಿ ದಂಪತಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡಿಕೊಂಡಿದ್ದರು.

ಕಳೆದ 9 ವರ್ಷಗಳಿಂದ ಒಂದೇ ಕಡೆ ಕೆಲಸ ಮಾಡಿಕೊಂಡಿರುವ ಕಾರಣ ಅಪಾರ್ಟ್​​ಮೆಂಟ್​ ನಿವಾಸಿಗಳ ವಿಶ್ವಾಸವನ್ನು ಶಿವರಾಜ್ ಮತ್ತು ಜಯಂತಿ ಗಳಿಸಿದ್ದರು.

ಅಪಾರ್ಟ್​​ಮೆಂಟ್​​ನಲ್ಲಿಯ ನಿವಾಸಿಗಳ ಮಾಹಿತಿ ದಂಪತಿಗೆ ಗೊತ್ತಿತ್ತು. ಇದನ್ನೇ ಬಂಡವಾಳ ಮಾಡಿಕೊಂಡ ದಂಪತಿ ಫ್ಲ್ಯಾಟ್​​ಗೆ ನುಗ್ಗಿ ಕಳ್ಳತನಗೈದು ಜೂಟ್ ಆಗಿದ್ದಾರೆ.

ಫ್ಲ್ಯಾಟ್​​ವೊಂದರ ನಿವಾಸಿಗಳು ಮೂರು ದಿನಕ್ಕಾಗಿ ಕೊಡಗಿಗೆ ತೆರಳಿದ್ದರು. ಈ ವಿಷಯ ಅರಿತ ಶಿವರಾಜ್ ಮತ್ತು ಜಯಂತಿ ಮನೆಗೆ ಕನ್ನ ಹಾಕಿದ್ದಾರೆ.

ಹಣ, 230 ಗ್ರಾಂ ಚಿನ್ನಾಭರಣ 2 ಲ್ಯಾಪ್ ಟಾಪ್ ಕದ್ದು ಎಸ್ಕೇಪ್ ಶಿವರಾಜ್ ದಂಪತಿ ಜೂಟ್ ಆಗಿದ್ದಾರೆ. ದಂಪತಿ ಹಣ ಮತ್ತು ನಗದು ಜೊತೆ ನೇಪಾಳಕ್ಕೆ ಎಸ್ಕೇಪ್ ಆಗಿರುವ ಶಂಕೆ ವ್ಯಕ್ತವಾಗಿವೆ.

ಈ ಸಂಬಂಧ ಜಾಲಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.