Ramya: ತಮ್ಮ ಜೀವನಾಧಾರಿತ ಸಿನಿಮಾಗೆ ಟೈಟಲ್ ಹೇಳಿ ನಕ್ಕ ಸ್ಯಾಂಡಲ್​ವುಡ್​ ಕ್ವೀನ್

ನ್ಯೂಸ್ 18ಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ, ಒಂದು ವೇಳೆ ತಮ್ಮ ಜೀವನಾಧರಿತ ಕಥೆ ಸಿನಿಮಾ ಆದ್ರೆ ಅದಕ್ಕೆ ಏನು ಹೆಸರಿಡಬೇಕು ಎಂದು ಹೇಳಿದ್ದಾರೆ.

ಈ ಬಗ್ಗೆ ಪ್ರಶ್ನೆ ಕೇಳುತ್ತಿದ್ದಂತೆ ತುಂಬಾ ಸಮಯ ಯೋಚಿಸಿದ ರಮ್ಯಾ, ಸಂದರ್ಶನದ ಕೊನೆಗೆ ಫನ್ನಿ ಟೈಟಲ್ ಹೇಳಿ ಜೋರಾಗಿ ನಕ್ಕಿದ್ದಾರೆ. ಹಾಗಾದ್ರೆ ರಮ್ಯಾ ಹೇಳಿದ ಟೈಟಲ್ ಏನು ಅನ್ನೋದನ್ನು ನಾವು ನಿಮಗೆ ಹೇಳುತ್ತೇವೆ.

ಸಿನಿಮಾ ಅಂದ್ರೆ ಅದೊಂದು ಮಾಯಲೋಕ. ಅಲ್ಲಿ ನಾವು ಕ್ಯಾಮೆರಾ ಮುಂದೆ ಒಂದು ಪಾತ್ರದಲ್ಲಿ ನಾವು ನಟಿಸುತ್ತೇವೆ. ಆದರೆ ರಾಜಕೀಯ ಹಾಗಲ್ಲ. ಅಲ್ಲಿ ನಾವು ನಾವಾಗಿರಬೇಕು ಎಂದರು.

ನಾನು ಸಂಸದೆಯಾದಾಗ ಮಂಡ್ಯದ ಜನತೆಯಿಂದ ತುಂಬಾನೇ ಕಲಿತಿದ್ದೇನೆ. ಸಿನಿಮಾ ಉದ್ಯಮದಿಂದ ಬಂದ ನನಗೆ ರಾಜಕೀಯ ಗೊತ್ತಿರಲ್ಲ ಎಂದು ಹೇಳಿದರು.

ರಾಜಕೀಯಕ್ಕೆ ರೀ ಎಂಟ್ರಿ ಯಾವಾಗ?

ನನ್ನ ಆರೋಗ್ಯದ ಕಾರಣ ಸಿನಿಮಾ ಮತ್ತು ರಾಜಕೀಯದಿಂದ ದೂರ ಇಳಿದು ಒಂದು ಬ್ರೇಕ್ ತೊಗೊಂಡೆ. ಈ ಮತ್ತೆ ರೀ ಎಂಟ್ರಿ ಬಗ್ಗೆ ನಾನು ಯೋಚನೆ ಮಾಡಿಲ್ಲ ಎಂಬ ವಿಷಯವನ್ನು ತಿಳಿಸಿದರು.

ಸಿನಿಮಾ ಟೈಟಲ್ ಏನು?

ನಿಮ್ಮ ಜೀವನಾಧರಿತ ಚಿತ್ರಕ್ಕೆ ಯಾವ ಹೆಸರು ಸೂಚಿಸುತ್ತೀರಿ ಎಂದು ಕೇಳಿದಾಗ, ಗಮ್ಮತ್ತಿನ ಗೌಡ್ತಿ ಎಂದು ಹೇಳಿ ರಮ್ಯಾ ನಕ್ಕರು.

ನಮ್ಮ ವ್ಯವಸ್ಥೆ ತುಂಬಾನೇ ಚೆನ್ನಾಗಿದೆ. ಆದರೆ ಅಲ್ಲಿರೋದು ಅದನ್ನು ದುರ್ಬಳಕೆ ಮಾಡಿಕೊಳ್ಳುತ್ತಾರೆ. ಹಾಗಾಗಿ ಜನರ ಕೆಲಸಗಳು ಆಗಲ್ಲ. ಇಂದು ಎಲ್ಲವನ್ನು ತೋರಿಸಿಕೊಳ್ಳೋದು ಅನಿವಾರ್ಯವಾಗಿದೆ ಎಂದು ಬೇಸರ ಹೊರ ಹಾಕಿದರು.

ಇಂದು ನಾವು ಯಾವುದೇ ಕೆಲಸ ಮಾಡಿದರೂ ಅದನ್ನು ಜನರ ಜೊತೆ ಹಂಚಿಕೊಳ್ಳಬೇಕು. ಇಲ್ಲವಾದಲ್ಲಿ ನಾವೇನು ಮಾಡುತ್ತಿಲ್ಲ ಎಂದು ಜನರು ತಿಳಿದುಕೊಳ್ಳುತ್ತಾರೆ ಎಂದು ಹೇಳಿದರು.