PM Modi: ಪ್ರಧಾನಿ ಮೋದಿ ಮತ್ತೆ ಬೆಂಗಳೂರಿಗೆ; ಈ ಸಮಯದಿಂದ ಏರ್ಪೋರ್ಟ್ ಫ್ಲೈಓವರ್ ಮೇಲೆ ನಿರ್ಬಂಧ

ಇಂದು ಸಂಜೆ 7.45ಕ್ಕೆ ಬೆಂಗಳೂರಿಗೆ ಆಗಮಿಸುವ ಪ್ರಧಾನಿಗಳು ರಾಜಭವನದಲ್ಲಿ ವಾಸ್ತವ್ಯ ಹೂಡಲಿದ್ದಾರೆ. ಸೋಮವಾರ ಏರ್​ ಶೋ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದ್ದಾರೆ.

ಪ್ರಧಾನಿ ಮೋದಿ ಆಗಮನ ಹಿನ್ನೆಲೆ ಏರ್ಪೋರ್ಟ್ ರಸ್ತೆ ಎಲಿವೇಟೆಡ್ ಫ್ಲೈ ಓವರ್ ಮೇಲೆ ಸಾರ್ವಜನಿಕರ ವಾಹನಗಳಿಗೆ ನಿಷೇಧ ಹಾಕಲಾಗಿದೆ.

ಹೆಬ್ಬಾಳ ಎಸ್ಟಿಮ್ ಮಾಲ್​​ನಿಂದ ಯಲಹಂಕವರೆಗೆ ಬೆಳಗ್ಗೆ 8 ಗಂಟೆಯಿಂದ ಬೆಳಗ್ಗೆ 11 ಗಂಟೆಯವರೆಗೆ ಪ್ಲೈಓವರ್ ಮೇಲೆ ಸಾರ್ವಜನಿಕ ಸಂಚಾರ ನಿರ್ಬಂಧಿಸಲಾಗಿದೆ.

ಏರ್ ಶೋಗೆ ತೆರಳುವ ವಾಹನ ಸವಾರರು ನಿಗದಿತ ಪಾಸ್ ತೋರಿಸಿ ಫ್ಲೈ ಓವರ್ ಮೇಲೆ ತೆರಳಬಹುದು.

ಬದಲಿ ಮಾರ್ಗ

ಯಲಹಂಕ, ಕೊಡಿಗೆಹಳ್ಳಿ , ಬ್ಯಾಟರಾಯನಪುರ ಸುತ್ತಮುತ್ತಲಿನ ಸಾರ್ವಜನಿಕರು ಫ್ಲೈ ಓವರ್ ಕೆಳಭಾಗದ ಸರ್ವಿಸ್ ರಸ್ತೆ ಬಳಸಲು ಸಾರ್ವಜನಿರಿಗೆ ಸೂಚಿಸಲಾಗಿದೆ. ಏರ್ಪೋರ್ಟ್ ಗೆ ತೆರಳುವ ಪ್ರಯಾಣಿಕರು ಹೆಣ್ಣೂರು ಜಂಕ್ಷನ್ ಮುಖಾಂತರ ತೆರಳಬೇಕು.

ಬೆಳಗ್ಗೆ 11 ಗಂಟೆಯ ನಂತ್ರ ಎಂದಿನಂತೆ ಫ್ಲೈಓವರ್ ಬಳಸಿ ಸಂಚಾರ ನಡೆಸಬಹುದು.

14ನೇ ಆವೃತ್ತಿಯ ಏರೋ ಇಂಡಿಯಾದಲ್ಲಿ 41 ಯುದ್ಧ ವಿಮಾನಗಳು ಪಾಲ್ಗೊಳ್ಳಲಿವೆ. ಈಗಾಗಲೇ ವೈಮಾನಿಕ ಪ್ರದರ್ಶನ ನೀಡೋದಕ್ಕೆ ಕೊನೆಯ ಹಂತದ ತಾಲೀಮು ನಡೆದಿದೆ.