Karnataka Election: ಆ್ಯಂಬುಲೆನ್ಸ್​ನಲ್ಲಿ ಬಂದು ಮತ ಚಲಾಯಿಸಿದ ವ್ಯಕ್ತಿ

ತುಮಕೂರಿನಲ್ಲಿ ಆಂಬ್ಯುಲೆನ್ಸ್ ನಲ್ಲಿ ಬಂದು ಮತ ಚಲಾವಣೆ ಮಾಡಿದ ಸಂಗತಿ ನಡೆದಿದೆ. ಇವರು ತಮ್ಮ ಮತ ಚಲಾಯಿಸಲು ಎಷ್ಟೊಂದು ಕಷ್ಟಪಟ್ಟಿದ್ದಾರೆ ನೋಡಿ.

ಸಂಪಗಿರಾಮು ಎಂಬುದು ಇವರ ಹೆಸರು ಇವರು ತುಮಕೂರಿನವರು ಹಿಂದೊಮ್ಮೆ ಇವರಿಗೆ ಅಪಘಾತವಾಗಿತ್ತು ಆಗಿನಿಂದ ಇವರು ಹಾಸಿಗೆಯಲ್ಲೇ ಮಲಗುವ ಪರಿಸ್ಥಿತಿ ಇದೆಯಂತೆ.

ಆದರೂ ಸಹ ತಾನು ತನ್ನ ಹಕ್ಕನ್ನು ಚಲಾಯಿಸಲೇ ಬೇಕು ಎಂಬ ಉದ್ದೇಶದಿಂದ ಇವರು ಮತ ಚಲಾವಣೆ ಮಾಡಿದ್ದಾರೆ.

ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ಸಂಪಗಿರಾಮು ಇದೀಗ ಸ್ವಲ್ಪಮಟ್ಟಿಗೆ ಚೇತರಿಸಿಕೊಂಡಿದ್ದರೂ ಸಹ ಸಂಪೂರ್ಣವಾಗಿ ಗುಣವಾಗಿಲ್ಲ.

ನಾಲ್ಕು ತಿಂಗಳಿನಿಂದ ಹಾಸಿಗೆಯಲ್ಲೇ ಮಲಗಿದ್ದ ಸಂಪಗಿರಾಮು ಇದೀಗ ಆ್ಯಂಬುಲೆನ್ಸ್​ ಮೂಲಕ ಬಂದು ಮತ ಚಲಾವಣೆ ಮಾಡಿದ್ದಾರೆ.

ತುಮಕೂರು ನಗರದ ರೈಲ್ವೇ ಸ್ಟೇಷನ್ ರಸ್ತೆಯ ಮತಗಟ್ಟೆ ಸಂಖ್ಯೆ 148ರಲ್ಲಿ ಇವರು ಬಂದು ಮತದಾನ ಮಾಡಿದ್ದಾರೆ ಇವರ ಜೊತೆ ಇವರ ಪತ್ನಿ ಕೂಡಾ ಆಗಮಿಸಿದ್ದರು.

ಚುನಾವಣಾ ಸಿಬ್ಬಂದಿಯ ಸಹಾಯದಿಂದ ಮತಚಲಾವಣೆ ಮಾಡಿದ್ದಾರೆ. ಹತ್ತಿರದಲ್ಲಿ ಮತಗಟ್ಟೆಯಲ್ಲಿ ಇರುವವರೆಲ್ಲಾ ಇವರಿಗೆ ಸಹಾಯ ಮಾಡಿದ್ದಾರೆ.