ಕೊನೆವರೆಗೂ ಪತ್ತೆ ಆಗಲೇ ಇಲ್ಲ ಒಂದು ಮತ: ಬಾಕ್ಸ್ ಜಾಲಾಡಿದ್ರೂ ಸಿಗಲಿಲ್ಲ

ಕಲಬುರಗಿ-ಯಾದಗಿರಿ ಪರಿಷತ್ ಕ್ಷೇತ್ರದಲ್ಲಿ 7,070 ಮತಗಳು ಚಲಾವಣೆಯಾಗಿದೆ. ಆದ್ರೆ ಎಣಿಕೆ ವೇಳೆ ಅಧಿಕಾರಿಗಳಿಗೆ 7,069 ಮತಗಳು ಸಿಕ್ಕಿದ್ದವು. ಆದ್ರೆ ಒಂದು ಮತ ಮಾತ್ರ ಸಿಕ್ಕಿರಲಿಲ್ಲ.

ಇಡೀ ಬಾಕ್ಸ್ ಜಾಲಾಡಿದ್ರೂ ಆ ಒಂದು ಮತ ಅಧಿಕಾರಿಗಳಿಗೆ ಕೊನೆಗೂ ಸಿಕ್ಕಿರಲಿಲ್ಲ. ಹಾಕಿದ ವ್ಯಕ್ತಿಯೇ ತೆಗೆದುಕೊಂಡು ಹೋದನಾ ಅಥವಾ ಮತಪೆಟ್ಟಿಗೆಯಲ್ಲಿ ಹಾಕೋದು ಮರೆತನಾ ಅನ್ನೋ ಪ್ರಶ್ನೆಗಳು ಮೂಡಿವೆ.

ಫಲಿತಾಂಶದಲ್ಲಿ ಬಿಜೆಪಿಯ ಬಿ.ಜಿ.ಪಾಟೀಲ್ (BG Patil) ಗೆಲುವು ಕಂಡಿದ್ದಾರೆ. ಬಿಜೆಪಿ 3452, ಕಾಂಗ್ರೆಸ್ 3303 ಮತ್ತು ಪಕ್ಷೇತರ ಅಭ್ಯರ್ಥಿ 16 ಮತ ಪಡೆದುಕೊಂಡಿದ್ದಾರೆ. ಒಟ್ಟು 298 ಮತಗಳು ತಿರಸ್ಕೃತಗೊಂಡಿವೆ.

ಆ ಒಂದು ಮತವನ್ನು ಹೊರತುಪಡಿಸಿ ಚುನಾವಣಾ ಆಯೋಗ ಫಲಿತಾಂಶ ಪ್ರಕಟಿಸಿದೆ ಆದ್ರೆ ಆ ಒಂದು ಮತದ ಬಗ್ಗೆ ಗೆದ್ದವರು ಕೇಳಲಿಲ್ಲ ಸೋತವರು ಕೇಳಿಲ್ಲ. ಒಂದು ಮತ ಮಿಸ್ ಆದರೂ ಜಿಲ್ಲಾಡಳಿತ ಮಾತ್ರ ಮೌನಕ್ಕೆ ಜಾರಿದೆ. ಒಂದು ಮತ ಮಿಸ್ ಆಗಿದ್ದು ಹೇಗೆ ಅನ್ನೋದೆ ಯಕ್ಷ ಪ್ರಶ್ನೆಯಾಗಿದೆ.

25 ಸ್ಥಾನಗಳ ಪರಿಷತ್ ಚುನಾವಣೆಯಲ್ಲಿ 11 ಸ್ಥಾನಗಳನ್ನ ಗೆದ್ದ ಬಿಜೆಪಿ ಮೇಲ್ಮನೆಯಲ್ಲಿ ಹೊಂದಿರುವ ಸದಸ್ಯರ ಸಂಖ್ಯೆ 37ಕ್ಕೆ ಏರಿದೆ. ಸರಳ ಬಹುಮತಕ್ಕೆ ಕೇವಲ ಒಂದು ಸ್ಥಾನ ಕಡಿಮೆ ಬಿದ್ದಿದೆ. ಕಾಂಗ್ರೆಸ್ ಬಲ 26ಕ್ಕೆ ವೃದ್ಧಿಸಿದೆ. ಜೆಡಿಎಸ್ 11 ಸದಸ್ಯರನ್ನ ಹೊಂದಿದೆ