Vaccination ಬಳಿಕ ಒಂದೂವರೆ ತಿಂಗಳ ಮಗು ಸಾವು ಆರೋಪ; ಈ 3 ಲಸಿಕೆ ಒಟ್ಟಿಗೆ ಹಾಕಿಸಿದರೆ ಅಪಾಯವೇ?

ಶ್ರೀರಂಗಪಟ್ಟಣ ತಾಲೂಕಿನ ಪಾಲಹಳ್ಳಿಯಲ್ಲಿ ತೇಜಸ್ವಿನಿ & ಸೋಮಚಾರಿ ದಂಪತಿಯ ಹೆಣ್ಣು ಮಗು ಮೃತಪಟ್ಟಿದೆ. ಒಂದೇ ಸಲ 3 ವ್ಯಾಕ್ಸಿನ್ ಹಾಕಿದ್ದೇ ಮಗುವಿನ ಸಾವಿಗೆ ಕಾರಣ ಎಂದು ಪೋಷಕರ ಆರೋಪಿಸುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಕಳೆದ ಗುರುವಾರ ಮಗುವಿಗೆ ಪಾಲಹಳ್ಳಿಯ ಆರೋಗ್ಯ ಕೇಂದ್ರದಲ್ಲಿ ವ್ಯಾಕ್ಸಿನ್ ನೀಡಲಾಗಿತ್ತು. ವೈದ್ಯ ಸುರೇಶ್ ಎಂಬುವರು ಒಂದೂವರೆ ತಿಂಗಳಿಗೆ ನೀಡುವ ಐಪಿವಿ, ಪೆಂಡಾ ಜತೆಗೆ ನೀಮೊಕಾಕಲ್ ಲಸಿಕೆ ಹಾಕಿದ್ದರು. (ಸಾಂದರ್ಭಿಕ ಚಿತ್ರ)

ಕಳೆದ ವಾರದಿಂದಷ್ಟೇ ನೀಮೊಕಾಕಲ್ ವ್ಯಾಕ್ಸಿನ್ ನೀಡಲಾಗುತ್ತಿದೆ. ಈ ಹಿಂದೆ ಒಂದೂವರೆ ತಿಂಗಳು ತುಂಬಿದ ಮಗುವಿಗೆ ಐಪಿವಿ, ಪೆಂಡಾ ಲಸಿಕೆ ಮಾತ್ರ ನೀಡಲಾಗುತ್ತಿತ್ತು. (ಸಾಂದರ್ಭಿಕ ಚಿತ್ರ)

ಇಂಜೆಕ್ಷನ್ ನೀಡುವ ಮೊದಲು ಆರೋಗ್ಯವಾಗಿಯೇ ಇತ್ತು. ಇಂಜೆಕ್ಷನ್ ಹಾಕಿಕೊಂಡು ಬಂದ ಬಳಿಕ ಆರೋಗ್ಯದಲ್ಲಿ ಏರುಪೇರು ಕಾಣಿಸಿಕೊಂಡಿದೆ. (ಸಾಂದರ್ಭಿಕ ಚಿತ್ರ)

ಮಗು ತೀವ್ರ ಅನಾರೋಗ್ಯಕ್ಕೆ ತುತ್ತಾಗಿದ್ದರಿಂದ ಮೈಸೂರಿನ ಕೆ.ಆರ್. ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೇ ನಿನ್ನೆ ಮಗು ಮೃತಪಟ್ಟಿದೆ. ಮಗು ಸಾವಿಗೆ ವೈದ್ಯರೇ ಕಾರಣವೆಂದು ಪೋಷಕರ ಆರೋಪಿಸುತ್ತಿದ್ದಾರೆ. (ಪ್ರಾತಿನಿಧಿಕ ಚಿತ್ರ)