Janardhana Reddy: ಕೊಪ್ಪಳದಲ್ಲಿ ಜನಾರ್ದನ ರೆಡ್ಡಿ ವಾಸ್ತವ್ಯಕ್ಕೆ ರೆಡಿಯಾಗಿದೆ ಭವ್ಯ ಬಂಗಲೆ

ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲೂಕಿನ ಅಂಜನಾದ್ರಿ ಪರ್ವತದಲ್ಲಿ ಭಕ್ತರು ಹಾಗೂ ಬೆಂಬಲಿಗರ ಜೊತೆ ಮಾಜಿ ಸಚಿವ ಜನಾರ್ದನ ರೆಡ್ಡಿ ಭಜನೆ ಮಾಡಿದ್ರು.

ಹನುಮಮಾಲೆ ಧರಿಸಿ ಬೆಟ್ಟವನ್ನು ಏರಿದ ಜನಾರ್ದನ ರೆಡ್ಡಿ ಅವರು ಆಂಜನೇಯನ ದರ್ಶನ ಪಡೆದ್ರು. ಬಳಿಕ ಭಜನೆ ಮಾಡಿದ್ರು. ಭಜನೆ ಮಾಡುತ್ತಿದ್ದ ತಂಡ ಸೇರಿಕೊಂಡು ಭಜನೆಯಲ್ಲಿ ಜನಾರ್ದನ ರೆಡ್ಡಿ ಕೂಡ ತಾಳ ಹಾಕಿದ್ರು.

ಮಾಜಿ ಸಚಿವ, ಗಣಿ ಉದ್ಯಮಿ ಗಾಲಿ ಜನಾರ್ದನ ರೆಡ್ಡಿ ಅವರ ತಾತ್ಕಾಲಿಕ ವಾಸ್ತವ್ಯಕ್ಕೆ ಗಂಗಾವತಿಯಲ್ಲಿ ಭವ್ಯ ಬಂಗಲೆ ಸಿದ್ಧವಾಗಿದೆ.

ಕನಕಗಿರಿ ರಸ್ತೆಯಲ್ಲಿ ಈ ಭವ್ಯ ಬಂಗಲೆ ನಿರ್ಮಾಣವಾಗಿದ್ದು, ರೆಡ್ಡಿ ಅವರ ಅಲ್ಲೇ ವಾಸ್ತವ್ಯ ಹೂಡಿಲಿದ್ದಾರೆ.

ಇಲ್ಲಿನ ಕನಕಗಿರಿ ರಸ್ತೆಯ ರೈಲ್ವೆ ಮೇಲ್ಸೆತುವೆ ದಾಟಿದ ಬಳಿಕ ಇರುವ ಹೊಸ ಲೇಔಟ್ನಲ್ಲಿ ಉದ್ಯಮಿ ವಿನೋದ್ ಸುರಾನಾ ಎಂಬುವವರಿಗೆ ಸೇರಿದ ಹೊಸ ಬಂಗಲೆಯೊಂದನ್ನು ರೆಡ್ಡಿ ಆಪ್ತರು ಜನಾರ್ದನ ರೆಡ್ಡಿ ಅವರಿಗಾಗಿ ಮೀಸಲಿಟ್ಟಿದ್ದಾರೆ.

ಸೋಮವಾರ ಬೆಳಗ್ಗೆ ನಗರಕ್ಕೆ ಆಗಮಿಸಿರುವ ಜನಾರ್ದನ ರೆಡ್ಡಿ, ಇಡೀ ದಿನ ಹನುಮ ಮಾಲೆ ನಿಮಿತ್ತ ನಗರದಲ್ಲಿ ನಡೆದ ಸಂಕೀರ್ತನಾ ಯಾತ್ರೆ, ಅಂಜನಾದ್ರಿ ಬೆಟ್ಟಕ್ಕೆ ಭೇಟಿ, ಪಂಪಾಸರೋವರ ದರ್ಶನ ಸೇರಿದಂತೆ ವಿವಿಧ ಧಾರ್ಮಿಕ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು.

ಸೋಮವಾರ ರಾತ್ರಿ ಪಂಪಾ ಸರೋವರಕ್ಕೆ ತೆರಳಿ ಅಲ್ಲೇ ವಾಸ್ತವ್ಯ ಹೂಡಲಿದ್ದಾರೆ. ಮಂಗಳವಾರ ಕೊಪ್ಪಳದ ಗಂಗಾವತಿಯಲ್ಲಿರೋ ತಾತ್ಕಾಲಿಕ ನಿವಾಸಕ್ಕೆ ಭೇಟಿ ನೀಡಲಿದ್ದಾರೆ. ಬಳಿಕವಷ್ಟೇ ಅಲ್ಲಿ ವಾಸ ಮಾಡುವುದರ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಳ್ಳಲಿದ್ದಾರೆ.