Success Story: ಮೈಸೂರು ಮಹಿಳೆಯ ಐಡಿಯಾ, ಗಂಡನನ್ನೇ ಮೀರಿಸಿದ ಹೆಂಡತಿ!

ಮಹಿಳೆಯರು ಮನಸು ಮಾಡಿದರೆ ಏನು ಬೇಕಾದ್ರೂ ಸಾಧಿಸಬಹುದು ಅನ್ನೋದಕ್ಕೆ ಆಗಾಗ ಸಖತ್ ಉದಾಹರಣೆಗಳು ಸಿಗುತ್ತಲೇ ಇರುತ್ತವೆ. ಅದ್ರಲ್ಲೂ ಯೂಟ್ಯೂಬ್ನಿಂದ ಸಹ ಜೀವನವೇ ಬದಲಾಗುವಂತಹ ಬೆಳವಣಿಗೆ ಆಗಬಲ್ಲದು ಎಂಬುದಕ್ಕೆ ಈ ಮಹಿಳೆಯೇ ಸಾಕ್ಷಿ! (ಸಾಂದರ್ಭಿಕ ಚಿತ್ರ)

ಹೌದು, ಮೈಸೂರಿನ ಇಬ್ಬರು ಚಿಕ್ಕ ಮಕ್ಕಳ ತಾಯಿ ಶ್ವೇತಾ ತಿಲಕ್ ಕುಮಾರ್ ಎಂಬುವವರೇ ಈ ಸ್ಟೋರಿಯ ಹೀರೋ. ಮಕ್ಕಳು ಚಿಕ್ಕವರಿರುವ ಕಾರಣ ಇವರ ಬಳಿ ಯಾವುದೇ ಕೆಲಸಕ್ಕೆ ಹೋಗಲು ಆಗ್ತಿರಲಿಲ್ಲ. (ಸಾಂದರ್ಭಿಕ ಚಿತ್ರ)

ಶ್ವೇತಾ ಅವರ ಗಂಡ ತಿಲಕ್ ಕುಮಾರ್ ಟೀ-ಕಾಫಿ ಅಂಗಡಿ ಇಟ್ಟುಕೊಂಡಿದ್ದರು. ಆದ್ರೆ ಬೇಸಿಗೆಯಲ್ಲಿ ಟೀ-ಕಾಫಿಗೆ ಬೇಡಿಕೆ ಕಡಿಮೆಯಿರುತ್ತೆ. ಹೀಗಾಗಿ ಆದಾಯ ಕಡಿಮೆಯಾಗುತ್ತೆ. ಆದರೆ ಶ್ವೇತಾ ಅವರ ಉಪಾಯವೊಂದು ಒಳ್ಲೆ ಹಣ ಹುಡುಕಿ ಬರುವಂತೆ ಮಾಡಿತು. (ಸಾಂದರ್ಭಿಕ ಚಿತ್ರ)

ಯೂಟ್ಯೂಬ್ನಲ್ಲಿ ಮಿನರಲ್ ವಾಟರ್ ಬಳಸಿ ರಾಗಿ ಅಂಬಲಿ ಮತ್ತು ಮಜ್ಜಿಗೆ ತಯಾರಿಸುವ ವಿಡಿಯೋ ನೋಡಿ ನನಗೂ ಇದನ್ನೇ ಮಾಡುವ ಯೋಚನೆ ಮಾಡಿದ್ರು ಶ್ವೇತಾ ತಿಲಕ್ ಕುಮಾರ್. (ಸಾಂದರ್ಭಿಕ ಚಿತ್ರ)

ರಾಗಿ ಅಂಬಲಿ ಮತ್ತು ಮಜ್ಜಿಗೆ ಮಾರಾಟ ಮಾಡಿ ಗಂಟೆಗಳಲ್ಲಿ ಕೆಲವೇ ಗಂಟೆಗಳಲ್ಲಿ ನಾನು 700 ರಿಂದ 750 ರೂ. ಗಳವರೆಗೆ ಗಳಿಸಲು ಸಾಧ್ಯವಾಯಿತು. ಅದರಲ್ಲಿ ಖರ್ಚನ್ನು ತೆಗೆದ ನಂತರ ಸುಮಾರು 500 ರೂ. ಲಾಭ ಸಿಗುತ್ತದೆ ಅಂತಾರೆ ಶ್ವೇತಾ. (ಸಾಂದರ್ಭಿಕ ಚಿತ್ರ)

ಅಷ್ಟೇ ಅಲ್ಲ, ಯಾವುದೇ ಉದ್ಯೋಗಕ್ಕೆ ಸೇರಿದ್ರೆ ಸುಮಾರು 8-10 ಗಂಟೆ ಆಫೀಸಲ್ಲಿ ಕುಳಿತಿರಬೇಕು. ಆದರೆ ನಾನೇ ರಾಗಿ ಅಂಬಲಿ, ಮಜ್ಜಿಗೆ ಮಾರಾಟ ಮಾಡಿದ್ರೆ ನನಗೆ ಬೇಕಾದ ಸಮಯದಲ್ಲಷ್ಟೇ ಕೆಲಸ ಮಾಡುವ ಸ್ವಾತಂತ್ರ್ಯ ಸಿಗುತ್ತದೆ ಎಂದು ಅವರು ಖುಷಿ ವ್ಯಕ್ತಪಡಿಸುತ್ತಾರೆ. (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಮೈಸೂರಿನ ಮಹಿಳೆ ತನ್ನ ಗಂಡನ ಆದಾಯ ಕಡಿಮೆ ಇರುವ ದಿನಗಳಲ್ಲಿ ಮಾಡಿದ ಉಪಾಯದಿಂದ ಸಖತ್ ಆದಾಯ ಗಳಿಸ್ತಿದ್ದಾರೆ. ಅಲ್ಲದೆ, ಸ್ವಾವಲಂಬಿ ಜೀವನವನ್ನು ಸಹ ಕಟ್ಟಿಕೊಂಡಿದ್ದಾರೆ. (ಸಾಂದರ್ಭಿಕ ಚಿತ್ರ)