Mysuru: ಮದುವೆಯಾದ ಪ್ರೇಮಿಗಳ ಮೇಲೆ ಮಾರಣಾಂತಿಕ ಹಲ್ಲೆ, ಮಗಳನ್ನು ಎಳೆದೊಯ್ದ ಪೋಷಕರು

ಮೈಸೂರು- ಪ್ರೀತಿಸಿ ಮದುವೆಯಾದ ಪ್ರೇಮಿಗಳ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿರುವ ಘಟನೆ ಮೈಸೂರಿನಲ್ಲಿ ನಡೆದಿದೆ.

ಮಂಡ್ಯ ಜಿಲ್ಲೆ ನಾಗಮಂಗಲ ತಾಲೂಕಿನ ಕದಬಹಳ್ಳಿಯ ಅಭಿಷೇಕ್ ಹಾಗೂ ಚೋಳೇನಹಳ್ಳಿಯ ಅನನ್ಯ ಎರಡು ವರ್ಷಗಳಿಂದ ಪ್ರೀತಿಸುತ್ತಿದ್ದರು.

ಮದುವೆ ಆಗಲು ಸಮ್ಮತಿ ನೀಡುವಂತೆ ಕೇಳಿದಾಗ ಯುವತಿ ಮನೆಯ ಪೋಷಕರು ತೀವ್ರ ವಿರೋಧ ವ್ಯಕ್ತಪಡಿಸಿದರು.

ಅನನ್ಯ ಮನೆಯವರು ಪ್ರೇಮ ವಿವಾಹಕ್ಕೆ ಒಪ್ಪದ ಕಾರಣ ಮದುವೆಯಾಗಲು ಇಬ್ಬರು ತೀರ್ಮಾನ ಮಾಡಿದರು.

ಈ ವೇಳೆ ಅಭಿಷೇಕ್ ಹಾಗೂ ಅನನ್ಯ ಪೋಲೀಸರ ಸಮ್ಮುಖದಲ್ಲಿ ಸರಳವಾಗಿ ದೇವಸ್ಥಾನದಲ್ಲಿ ಮದುವೆಯಾಗಿದ್ದರು.

ಮೈಸೂರಿನ ಹುಣಸೂರು ಕೆಫೆ ಕಾಫಿ ಡೇ ಬಳಿ ಬಂದಾಗ ಅನನ್ಯ ಕುಟುಂಬಸ್ಥರು ಅಟ್ಯಾಕ್ ಮಾಡಿದ್ದಾರೆ.

ಅಭಿಷೇಕ್ ಹಾಗೂ ಅನನ್ಯ ಇಬ್ಬರ ಮೇಲೂ ಮರಣಾಂತಿಕ ಹಲ್ಲೆ ನಡೆಸಿದ್ದಾರೆ. ಮಗಳು ಅನನ್ಯ ಳನ್ನು ಬಲವಂತವಾಗಿ ಎಳೆದೊಯ್ದಿದ್ದಾರೆ.

ಆಗ ತಾನೆ ಮದುವೆಯಾದ ಹೆಂಡತಿಯಿಂದ ದೂರವಾಗಿರುವ ಅಭಿಷೇಕ್ ಕಂಗಲಾಗಿದ್ದಾನೆ. ಈ ಸಂಬಂಧ ಹುಣಸೂರು ಪೋಲಿಸ್ ಸ್ಟೇಷನ್ ನಲ್ಲಿ ಅಭಿಷೇಕ್ ದೂರು ನೀಡಿದ್ದಾನೆ.