Mangaluru: ನಿಶ್ಚಿತಾರ್ಥ ನಿಗದಿಯಾಗಿದ್ದ ಯುವಕ ಆತ್ಮಹತ್ಯೆಗೆ ಶರಣು

ಸುಳ್ಯಪದವು ನಿವಾಸಿ ರವಿರಾಜ್ ಆತ್ಮಹತ್ಯೆ ಮಾಡಿಕೊಂಡ ಯುವಕ. ರವಿರಾಜ್ ಬೆಂಗಳೂರಿನಲ್ಲಿ ಕೆಲಸ ಮಾಡಿಕೊಂಡಿದ್ದನು. ನವೆಂಬರ್ 25ರಂದು ನಿಶ್ಚಿತಾರ್ಥ ಹಿನ್ನೆಲೆ ಕೆಲ ದಿನಗಳ ಹಿಂದೆಯೇ ಊರಿಗೆ ಬಂದಿದ್ದನು.

ಬಂಟ್ವಾಳದ ಯುವತಿಯೊಂದಿಗೆ ರವಿರಾಜ್ ವಿವಾಹ ನಿಶ್ಚಿತಾರ್ಥ ನಿಗದಿಯಾಗಿತ್ತು. ಈ ನಡುವೆ ನಿನ್ನೆ ಕುಂದಾಪುರದಿಂದ ಮದುವೆ ದಿಬ್ಬಣ ರವಿರಾಜ್ ಮನೆಗೆ ಬಂದಿತ್ತು.

ರವಿರಾಜ್ ಕುಂದಾಪುರ ಮೂಲದ ಯುವತಿಯನ್ನು ಪ್ರೀತಿಸುತ್ತಿದ್ದನು. ಆದ್ರೆ ಈ ವಿಷಯನ್ನು ರವಿರಾಜ್ ಕುಟುಂಬಸ್ಥರಿಂದ ಮುಚ್ಚಿಟ್ಟಿದ್ದನು. ಇತ್ತ ನವೆಂಬರ್ 25ಕ್ಕೆ ನಿಶ್ಚಿತಾರ್ಥ ನಿಗದಿಯಾಗಿದ್ರೆ, ನಿನ್ನೆ ಕುಂದಾಪುರದಿಂದ ಮದುವೆ ದಿಬ್ಬಣ ಬಂದಿದ್ದರಿಂದ ರವಿರಾಜ್ ಆತಂಕಗೊಂಡಿದ್ದನು.

ಇಂದು ಏಕಾಏಕಿ ನಿರ್ಮಾಣ ಹಂತದಲ್ಲಿದ್ದ ಸಹೋದರನ ಮನೆಯಲ್ಲಿ ರವಿರಾಜ್ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಮೃತ ದೇಹವನ್ನು ಮರಣೋತ್ತರ ಶವ ಪರೀಕ್ಷೆಗಾಗಿ ಸಾರ್ವಜನಿಕ ಆಸ್ಪತ್ರೆಗೆ ರವಾನಿಸಿದ್ದಾರೆ.

ಕೆಲ ದಿನಗಳ ಹಿಂದೆ ಹುಬ್ಬಳ್ಳಿಯಲ್ಲಿ ಭಾವಿ ಪತಿಯ ಕಿರುಕುಳದಿಂದ ಹಸೆಮಣೆ ಏರಬೇಕಿದ್ದ ಯುವತಿ ಆತ್ಮಹತ್ಯೆಗೆ ಶರಣಾಗಿದ್ದಳು. ಸೆಪ್ಟೆಂಬರ್ 1ರಂದು ಹಾವೇರಿ ಮೂಲದ ಅಭಿನಂದನ್ ಜೊತೆ 25 ವರ್ಷದ ಪವಿತ್ರಾ ನಿಶ್ಚಿತಾರ್ಥ ನಡೆದಿತ್ತು.