Mangaluru Mobile Theft Helpline: ಮೊಬೈಲ್ ಕಳ್ಳತನವಾದ್ರೆ ಈ ನಂಬರ್​ಗೆ ಮೆಸೇಜ್ ಮಾಡಿ

ನಿಮ್ಮ ಮೊಬೈಲ್ ಕಳೆದುಹೋಗಿದೆಯೇ? ಕಳ್ಳರು ನಿಮ್ಮ ಮೊಬೈಲ್ ಅಪಹರಿಸಿದ್ದಾರಾ? ಮುಂದೇನು ಮಾಡ್ಬೇಕು? ಕಳುವಾದ ಮೊಬೈಲ್ ಮತ್ತೆ ಸಿಗೋದಿಲ್ಲ ಎಂದು ತಲೆಬಿಸಿ ಮಾಡ್ಕೊಂಡಿದ್ದೀರಾ? ನಿಮ್ಮ ತಲೆಬಿಸಿ ಬಿಟ್ಬಿಡಿ. (ಸಾಂದರ್ಭಿಕ ಚಿತ್ರ)

ಮಂಗಳೂರು ಪೊಲೀಸ್ ಕಳುವಾದ ಮೊಬೈಲ್ ಪತ್ತೆಹಚ್ಚಲು ವಾಟ್ಸ್ಆ್ಯಪ್ ಸಹಾಯವಾಣಿ ಆರಂಭಿಸಿದೆ. ಸಾರ್ವಜನಿಕರು ಕಳುವಾದ ಮೊಬೈಲ್ ಪತ್ತೆಹಚ್ಚಲು ಈ ಸಹಾಯವಾಣಿಗೆ ದೂರು ಸಲ್ಲಿಸಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ದಕ್ಷಿಣ ಕನ್ನಡ ಜಿಲ್ಲೆಯ 230 ನಾಗರಿಕರು ಕಳೆದ ಮೂರು ದಿನಗಳಲ್ಲಿ ತಮ್ಮ ಕಳೆದುಹೋದ ಮೊಬೈಲ್​ಗಳನ್ನು ಪತ್ತೆ ಹಚ್ಚಲು ಪೊಲೀಸರು ರಚಿಸಿರುವ ವಾಟ್ಸ್​ಆ್ಯಪ್ ಸಹಾಯವಾಣಿಯನ್ನು ಸಂಪರ್ಕಿಸಿದ್ದಾರೆ ಎಂದು ನಗರ ಪೊಲೀಸ್ ಕಮಿಷನರ್ ಕುಲದೀಪ್ ಆರ್ ಜೈನ್ ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಕಳೆದುಹೋದ ಮೊಬೈಲ್ ಅನ್ನು ಪತ್ತೆಹಚ್ಚಲು ಈಗಾಗಲೇ ಬಳಕೆಯಲ್ಲಿರುವ CEIR ಪೋರ್ಟಲ್ ಅನ್ನು ಸರಳಗೊಳಿಸುವ ಸಲುವಾಗಿ ಈ ವಾಟ್ಸ್ಆ್ಯಪ್ ಸಹಾಯವಾಣಿಯನ್ನು ಮಂಗಳೂರು ಪೊಲೀಸರು ಶುರು ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಕಳ್ಳತನವಾದ ಮೊಬೈಲ್ ಪತ್ತೆಹಚ್ಚಲುಮಂಗಳೂರು ನಗರ ಪೊಲೀಸರು ಆರಂಭಿಸಿದ WhatsApp ಸಹಾಯವಾಣಿ 8277949183ಯನ್ನು ಸಂಪರ್ಕಿಸಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಮೊಬೈಲ್ ಫೋನ್ ಕಳೆದುಕೊಂಡವರು ವಾಟ್ಸ್ಆ್ಯಪ್ ಸಂಖ್ಯೆ +918277949183 ಕ್ಕೆ HI ಎಂದು ಮೆಸೇಜ್ ಕಳುಹಿಸಬಹುದು. ಈ ಮೆಸೇಜ್ ಕಳುಹಿಸಿದ ನಂತರ ನಿಮಗೆ ಅಗತ್ಯ ಮಾಹಿತಿಯನ್ನು ಭರ್ತಿ ಮಾಡಬೇಕಾದ ಫಾರ್ಮ್ ಒಂದರ ಲಿಂಕ್ ಬರುತ್ತದೆ. (ಸಾಂದರ್ಭಿಕ ಚಿತ್ರ)

ಈ ಪ್ರಕ್ರಿಯೆಯಲ್ಲಿ ನೀವು ಪೊಲೀಸ್ ಸ್ಟೇಷನ್​ಗೆ ಸಹ ಹೋಗಬೇಕಂತಿಲ್ಲ. ನಿಮಗೆ ಕಳ್ಳತನವಾದ ಮೊಬೈಲ್ IMEI ನಂಬರ್ ಒಂದು ತಿಳಿದಿದ್ದರೆ ಸಾಕು. ನಿಮ್ಮ ಮನೆಯಿಂದಲೇ ದೂರು ನೀಡಿ ಮೊಬೈಲ್ ವಾಪಸ್ ಪಡೆಯಬಹುದಾಗಿದೆ. (ಸಾಂದರ್ಭಿಕ ಚಿತ್ರ)