Mangaluru Trains: ಮಂಗಳೂರಿನಿಂದ ದೇಶದ ಪ್ರಮುಖ ನಗರಕ್ಕೆ ರೈಲು ಸೇವೆ ಆರಂಭ

ಬೇಸಿಗೆ ರಜೆ ಆರಂಭವಾಗಿದೆ. ರೈಲು ಪ್ರಯಾಣಿಕರ ಸಂಖ್ಯೆಯೂ ಹೆಚ್ಚಾಗಿದೆ. ಶಾಲೆ, ಕಾಲೇಜಿಗೆ ರಜೆ ಇರುವುದರಿಂದ ರಾಜ್ಯದಿಂದ ಇತರೆ ರಾಜ್ಯಕ್ಕೆ ಪ್ರವಾಸಕ್ಕೋ, ತವರು ಮನೆಗೋ ಹೋಗುವವರ ಸಂಖ್ಯೆಯು ಹೆಚ್ಚಾಗಿದೆ. (ಸಾಂದರ್ಭಿಕ ಚಿತ್ರ)

ಹೀಗಾಗಿ ಮಂಗಳೂರಿನಿಂದ ಗುಜರಾತ್​ಗೆ ತೆರಳುವವರಿಗೆ ಒಂದು ಸಿಹಿಸುದ್ದಿ. ಮಂಗಳೂರು ಜಂಕ್ಷನ್​ನಿಂದ ಗುಜರಾತ್​ನ ಉದ್ನಾ ಹಾಗೂ ಉದ್ನಾದಿಂದ ಮಂಗಳೂರು ಜಂಕ್ಷನ್​ಗೆ ವಿಶೇಷ ರೈಲಿನ ಓಡಾಟ ಆರಂಭಗೊಂಡಿದೆ. (ಸಾಂದರ್ಭಿಕ ಚಿತ್ರ)

ಮಂಗಳೂರು ಜಂಕ್ಷನ್​ನಿಂದ ಹೊರಡುವ ರೈಲು ಜೂನ್ 8ರವರೆಗೂ ಹಾಗೂ ಉದ್ನಾದಿಂದ ಆಗಮಿಸುವ ರೈಲು ಜೂನ್ 7ರ ತನಕ ಸೇವೆಯನ್ನು ಒದಗಿಸಲಿದೆ. (ಸಾಂದರ್ಭಿಕ ಚಿತ್ರ)

ಉದ್ನಾದಿಂದ ಮಂಗಳೂರು ಜಂಕ್ಷನ್ ಗೆ ಆಗಮಿಸುವ ರೈಲಿನ ಓಡಾಟ ಈಗಾಗಲೇ ಆರಂಭಗೊಂಡಿದೆ. ಜೂನ್ 7 ರವರೆಗೆ ಈ ವಿಶೇಷ ರೈಲಿನ ಓಡಾಟವಿರಲಿದೆ. ಈ ರೈಲು ಉದ್ನಾದಿಂದ ರಾತ್ರಿ 8 ಗಂಟೆಗೆ ಹೊರಟು ಮರುದಿನ ರಾತ್ರಿ 7.40ಕ್ಕೆ ಮಂಗಳೂರು ಜಂಕ್ಷನ್ ತಲುಪಲಿದೆ. (ಸಾಂದರ್ಭಿಕ ಚಿತ್ರ)

ಇನ್ನು ಮಂಗಳೂರು ಜಂಕ್ಷನ್​ನಿಂದ ರಾತ್ರಿ 9.10ಕ್ಕೆ ಹೊರಡುವ ರೈಲು ಮರುದಿನ ರಾತ್ರಿ 9.05 ನಿಮಿಷಕ್ಕೆ ಉದ್ನಾ ತಲುಪಲಿದೆ. ಈ ಸೇವೆಯು ಜೂನ್ 8ರ ವರೆಗೆ ಇರುತ್ತದೆ. (ಸಾಂದರ್ಭಿಕ ಚಿತ್ರ)

ಈ ವಿಶೇಷ ರೈಲು ಗುಜರಾತ್ ಉದ್ನಾದಿಂದ ಹೊರಟು ಮಂಗಳೂರು ಜಂಕ್ಷನ್​ವರೆಗೆ ಹಲವು ನಿಲುಗಡೆ ಹೊಂದಿದ್ದು ಪ್ರಯಾಣಿಕರು ಇದರ ಲಾಭವನ್ನು ಪಡೆಯಬಹುದಾಗಿದೆ. (ಸಾಂದರ್ಭಿಕ ಚಿತ್ರ)

ಮಹಾರಾಷ್ಟ್ರದ ವಾದ್, ವಾಫಿ, ಪಾಲ್ಕರ್, ವಸಾಯಿ ರಸ್ತೆ, ಪನ್ನೆಲ್, ರೋಹಾ, ಮಂಗಾಂವ್, ಖೇಡ್, ಚಿಪ್ಪುನ್, ಸವಾರ್ದಾ, ಸಂಗಮೇಶ್ವರ ರಸ್ತೆ, ರತ್ನಗಿರಿ, ರಾಜಾಪುರ ರಸ್ತೆ, ಕಂಕಾವಲಿ, ಸಿಂಧುದುರ್ಗ, ಕುಡಾಲ್, ಸಾವಂತವಾಡಿ ರಸ್ತೆ, ಗೋವಾ ರಾಜ್ಯದ ಥಿವಿಮ್, ಕರ್ಮಾಲಿ, ಮಡಗಾಂವ್, ಕ್ಯಾನಕೋನಾ ಹಾಗೂ ಕರ್ನಾಟಕದ ಅಂಕೋಲಾ ಗೋಕರ್ಣ ರಸ್ತೆ, ಕುಮಟಾ, ಮುರ್ಡೇಶ್ವರ, ಭಟ್ಕಳ, ಮೂಕಾಂಬಿಕಾ ರಸ್ತೆ/ಬೈಂದೂರು, ಕುಂದಾಪುರ, ಉಡುಪಿ, ಮುಲ್ಕಿ ಮತ್ತು ಸುರತ್ಕಲ್ ನಿಲುಗಡೆಯನ್ನು ಹೊಂದಿದೆ. (ಸಾಂದರ್ಭಿಕ ಚಿತ್ರ)

ವಿಶೇಷ ರೈಲು ಪ್ರಥಮ ದರ್ಜೆ ಕಮ್ ಎಸಿ 2- ಟೈರ್ ಕೋಚ್ – 1, ಎಸಿ 2- ಟೈರ್ ಕೋಚ್ಗಳು- 2, ಎಸಿ 3-ಟೈರ್ ಕೋಚ್ಗಳು -6, ಸ್ಲೀಪರ್ ಕ್ಲಾಸ್ ಕೋಚ್ಗಳು- 8, ಸೆಕೆಂಡ್ ಕ್ಲಾಸ್ ಸಿಟ್ಟಿಂಗ್ ಕೋಚ್ಗಳು-3, ಸೆಕೆಂಡ್ ಕ್ಲಾಸ್ ಕಮ್ ಲಗೇಜ್/ಬ್ರೇಕ್ ವ್ಯಾನ್ ಜೊತೆಗೆ ವಸತಿ ಸೌಲಭ್ಯ ದಿವ್ಯಾಂಗಜನ ಕೋಚ್ -1 ಮತ್ತು ಲಗೇಜ್ ಕಮ್ ಬ್ರೇಕ್ ವ್ಯಾನ್ ಕೋಚ್ – 1 ಹೊಂದಿರಲಿದೆ. (ಸಾಂದರ್ಭಿಕ ಚಿತ್ರ)