Iftar: ಉಪವಾಸದಲ್ಲಿರುವ ಮುಸ್ಲಿಂ ಗೆಳೆಯರಿಗಾಗಿ ಇಫ್ತಾರ್ ಆಯೋಜಿಸಿದ ವರ

ಸದ್ಯ ಮುಸ್ಲಿಮರ ಪವಿತ್ರ ರಂಜಾನ್ ಮಾಸ ಆರಂಭಗೊಂಡಿದೆ. ಮುಸ್ಲಿಮರು ಉಪವಾಸ, ನಮಾಜ್ ಗಳಲ್ಲಿ ತಮ್ಮನ್ನ ತಾವು ತೊಡಗಿಸಿಕೊಂಡಿದ್ದಾರೆ. ಹಿಂದೂಗಳ ಸಹ ಮುಸ್ಲಿಂ ಬಾಂಧವರಿಗಾಗಿ ಇಫ್ತಾರ್ ಕೂಟಗಳನ್ನು ಆಯೋಜನೆ ಮಾಡುತ್ತಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲೆಯ ಬಂಟ್ವಾಳ ತಾಲೂಕಿನ ವಿಟ್ಲ ಸಮೀಪದ ಬೈರಿಕಟ್ಟೆಯಲ್ಲಿ ಚಂದ್ರಶೇಖರ್ ಎಂಬವರು ಮಸೀದಿಯಲ್ಲಿ ಇಫ್ತಾರ್ ಕೂಟ ಆಯೋಜನೆ ಮಾಡಿದ್ದಾರೆ.  ಈ ಇಫ್ತಾರ್ ಕೂಟದ ಫೋಟೋಗಳು ಸೋಶಿಯಲ್ ಮೀಡಯಾದಲ್ಲಿ ಸ್ಥಳೀಯವಾಗಿ ವೈರಲ್ ಆಗಿವೆ.

ಬೈರಿಕಟ್ಟೆಯ ಗೆಳೆಯರ ಬಳಗದ ಸದಸ್ಯರಾಗಿರು ಚಂದ್ರಶೇಖರ್ ಮದುವೆ ಇದೇ ಏಪ್ರಿಲ್ 24ರಂದು ನಡೆದಿತ್ತು. ರಂಜಾನ್ ಹಿನ್ನೆಲೆ ಚಂದ್ರಶೇಖರ್ ಅವರ ಮುಸ್ಲಿಂ ಗೆಳೆಯರು ಉಪವಾಸವಿದ್ದ ಕಾರಣ ಔತಣಕೂಟದಲ್ಲಿ ಭಾಗಿಯಾಗಿರಲಿಲ್ಲ. (ಸಾಂದರ್ಭಿಕ ಚಿತ್ರ)

ಮದುವೆಗೆ ಆಗಮಿಸಿದ್ದ ಗೆಳೆಯರು ನವ ಜೋಡಿಗೆ ಶುಭಾಶಯ ತಿಳಿಸಿ ಹಿಂದಿರುಗಿದ್ದರು. ಈ ಹಿನ್ನೆಲೆ ಚಂದ್ರಶೇಖರ್ ಏಪ್ರಿಲ್ 26ರಂದು ಗೆಳೆಯರಿಗಾಗಿ ಮಸೀದಿಯಲ್ಲಿ ಇಪ್ತಾರ್ ಕೂಟ ಆಯೋಜಿಸಿದ್ದರು. (ಸಾಂದರ್ಭಿಕ ಚಿತ್ರ)

ಈ ರೀತಿಯ ವಿಶೇಷವಾದ ಇಪ್ತಾರ್ ಕೂಟ ಆಯೋಜಿಸಲಾಗಿದ್ದು ಇದೇ ಮೊದಲು. ಚಂದ್ರಶೇಖರ್ ಅವರ ಮನವಿಯಂತೆ ಮಸೀದಿಯಲ್ಲಿ ಇಫ್ತಾರ್ ಆಯೋಜಿಸಲಿ ಅವಕಾಶ ನೀಡಲಾಗಿತ್ತು. ಇದರಿಂದ ನಮಗೂ ಸಹ ಸಂತೋಷವಾಗಿದೆ ಎಂದು ಮಸೀದಿಯ ಮೊಹಿದ್ದಿನ್ ಕುಂಹಿ ಹೇಳಿದ್ದಾರೆ. (ಸಾಂದರ್ಭಿಕ ಚಿತ್ರ)

ಇನ್ನೂ ಚಂದ್ರಶೇಖರ್ ಅವರನ್ನು ಜಲಾಲಿಯಾ ಜುಮ್ಮಾ ಮಸೀದಿಯ ಪರವಾಗಿ ಸನ್ಮಾನಿಸಲಾಯ್ತು ಮತ್ತು ಅವರಿಗೆ ಪ್ರಾರ್ಥನೆ ಸಹ ಸಲ್ಲಿಸಲಾಯ್ತು. (ಸಾಂದರ್ಭಿಕ ಚಿತ್ರ)

ಈ ವೇಳೆ ಮಸೀದಿಯ ಕಾರ್ಯದರ್ಶಿಗಳು, ಮವೂತಲ್ ಇಸ್ಲಾಂ ಯುವಜನ ಕಮೀಟಿಯ ಅಧ್ಯಕ್ಷ ಮತ್ತು ಪದಾಧಿಕಾರಿಗಳು ಮತ್ತು ಮಸೀದಿಯ ಧರ್ಮಗುರುಗಳು ಸೇರಿದಂತೆ ಸ್ಥಳೀಯ ನಿವಾಸಿಗಳು ಉಪಸ್ಥಿತರಿದ್ದರು. (ಸಾಂದರ್ಭಿಕ ಚಿತ್ರ)

ಚಂದ್ರಶೇಖರ್ ಈ ನಡೆಗೆ ಗ್ರಾಮದಲ್ಲಿ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಚಂದ್ರಶೇಖರ್ ಅವರ ಬಗ್ಗೆ ಗೆಳೆಯರೆಲ್ಲರೂ ಸಂತಸ ವ್ಯಕ್ತಪಡಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)