Mandya; ಸಕ್ಕರೆ ನಾಡಿನಲ್ಲೊಂದು ಅಪರೂಪದ ದುಬಾರಿ ಟಗರು; ಫೋಟೋಗಳಲ್ಲಿ ನೋಡಿ

ಒಂದು ಟಗರು ಬರೋಬ್ಬರಿ 1 ಲಕ್ಷದ 91 ಸಾವಿರಕ್ಕೆ ಮಾರಾಟವಾಗತ್ತೆ ಅಂದ್ರೆ ಅದು ಯಾರಿಗೆ ತಾನೆ ಆಶ್ಚರ್ಯ ಆಗಲ್ಲ ಹೇಳಿ. ಹೌದು, ಇಂತಾದ್ದೊಂದು ಘಟನೆ ನಡೆದಿರೋದು ಸಕ್ಕರೆನಾಡು ಮಂಡ್ಯ ಜಿಲ್ಲೆಯ ಮಳವಳ್ಳಿ ತಾಲ್ಲೂಕಿನ ದೇವಿಪುರ ಗ್ರಾಮದಲ್ಲಿ.

ಈ ಗ್ರಾಮದ ಸಣ್ಣೆಗೌಡ ಎಂಬವರು ಕಳೆದ ಎರಡು ವರ್ಷಗಳ ಹಿಂದೆ ಮಂಡ್ಯದ ಮದ್ದೂರು ತಾಲೂಕಿನ ವಳಗೆರಹಳ್ಳಿ ಗ್ರಾಮದ ಸೋಮಣ್ಣ ಎಂಬುವವರ ಹತ್ತಿರ ಒಂದು ಲಕ್ಷದ  ಐದು ಸಾವಿರ ಕೊಟ್ಟು ಈ ವಿಶೇಷ ಬಂಡೂರು ತಳಿಯ ಟಗರನ್ನ ಖರೀದಿಸಿದ್ದರು. ಅಂದಿನಿಂದ ಇಂದಿನ ವರೆಗೂ ಸಣ್ಣಪ್ಪನವರು ವಿಶೇಷ ಕಾಳಜಿಯಿಂದ ಈ ಟಗರನ್ನ ಸಾಕಿದ್ದರು. ಈಗಾಗಿ ಎರಡು ವರ್ಷಗಳ ಬಳಿಕ ಈಗ ಈ ಟಗರು ದುಬಾರಿ ಬೆಲೆಗೆ ಮಾರಾಟವಾಗಿದೆ.

ಇನ್ನು ಈ ವಿಶೇಷ ಟಗರನ್ನ ಮಂಡ್ಯ ತಾಲೂಕಿನ ಬಿದರಕೋಟೆ ಗ್ರಾಮದ ಕೃಷ್ಣೇಗೌಡ ಅತಿ ಹೆಚ್ಚು ಹಣ ನೀಡಿ ಖರೀದಿಸಿದ್ರು‌. ಹಿಗಾಗಿ ಅತಿ ಹೆಚ್ಚು ಬೆಲೆಗೆ ಮಾರಾಟವಾದ ಹಿನ್ನೆಲೆ ಇಂದು ದೇವಿಪುರ ಗ್ರಾಮದಲ್ಲಿ ಟಗರಿಗೆ ವಿಶೇಷ ಪೂಜೆ ಮಾಡಲಾಯ್ತು. ಬಳಿಕ ಟಗರು ಸಾಕಿದ್ದ ಸಣ್ಣಪ್ಪ ಹಾಗೂ ಟಗರು ಖರೀದಿಸಿದ ಕೃಷ್ಣೇಗೌಡ ಇಬ್ಬರು ಪರಸ್ಪರ ಹೋವಿನ ಹಾರ ಬದಲಾಯಿಸಿಕೊಂಡ್ರು.

ಕಳಶದ ತಟ್ಟೆ ಹಿಡಿದ ಮಹಿಳೆಯರ ಜೊತೆಗೆ ದೇವಿಪುರ ಗ್ರಾಮ ಸೇರಿದಂತೆ ಸುತ್ತಮುತ್ತಲ ಐದಾರು ಗ್ರಾಮಗಳಲ್ಲಿ ತಮಟೆ, ನಗಾರಿಗಳೊಂದಿಗೆ ವಿಶೇಷ ಟಗರಿನ ಜೊತೆ ಮೆರವಣಿಗೆ ಮಾಡಲಾಯ್ತು. ಈ ಸಂದರ್ಭ ಸುತ್ತಮುತ್ತಲ ಗ್ರಾಮದ ಜನ್ರು ಈ ವಿಶೇಷ ಟಗರನ್ನ ನೋಡಲು ತಂಡೋಪ ತಂಡವಾಗಿ ಆಗಮಿಸಿ. ಮೆರವಣಿಗೆಯಲ್ಲಿ ಭಾಗಿಯಾಗಿದ್ದರು.

ಹಲವು ವರ್ಷಗಳ ಹಿಂದೆ ಸರ್ಕಾರ ಮಂಡ್ಯದ ಮಳವಳ್ಳಿ ತಾಲೂಕಿನ ಬಂಡೂರು ಗ್ರಾಮದಲ್ಲಿ ಕುರಿ ಸಂವರ್ಧನಾ ಕೇಂದ್ರ ಒಂದನ್ನ ಸ್ಥಾಪಿಸಿತ್ತು. ಹಿಗಾಗಿ ಬಂಡೂರಿನ ಕುರಿ ಸಂವರ್ಧನಾ ಕೇಂದ್ರದಲ್ಲಿ ಈ ಒಂದು ತಳಿಯನ್ನ ಅಭಿವೃದ್ದಿಪಡಿಸಲಾಯ್ತು‌. ಇದಾದ ಬಳಿಕ ಈ ತಳಿ ಉಳಿದ ಸಾಮಾನ್ಯ ಕುರಿಗಿಂತ ವಿಭಿನ್ನವಾಗಿ ಕಂಡು ಬಂತು.

ನೋಡಲು ಅತ್ಯಂತ ಆಕರ್ಷಣೀಯವಾಗಿ. ಹಾಗೂ ಸಾಮಾನ್ಯ ಕುರಿಗಿಂತ ಗಿಡ್ಡನೆಯ ಕಾಲು, ಉದ್ದವಾದ ದೇಹವನ್ನ ಹೊಂದಿದೆ. ಅಲ್ಲದೆ ಈ ಕುರಿಯ ಮಾಂಸ ಸಾಮಾನ್ಯ ಕುರಿ ಹಾಗೂ ಮೇಕೆಗಳಿಗಿಂತ ಅತ್ಯುತ್ತಮ ರುಚಿ ನೀಡಲಿದೆ. ಅಲ್ಲದೆ ಈ ಒಂದು ತಳಿಯ ಕುರಿಗಳು ಇರುವುದು ಕೂಡ ಬೆರಳೆಣಿಕೆಯಷ್ಟು ಹಿಗಾಗಿ ಈ ಕುರಿಗಳಿಗೆ ಬೇಡಿಕೆ ಹೆಚ್ಚಾಗಿದ್ದು, ಇದರ ಬೆಲೆ ದುಬಾರಿಯಾಗಿದೆ.