Haveri: ಮಗಳ ಮದ್ವೆ ಸಾಲವೇ ಉರುಳಾಯ್ತು; ನೇಣಿಗೆ ಶರಣಾದ ದಂಪತಿ, ಹೆತ್ತವರನ್ನ ಹಿಂಬಾಲಿಸಿದ ಪುತ್ರಿ

ಸವಣೂರು ತಾಲೂಕಿನ ತೊಂಡೂರು ಗ್ರಾಮದ ನಿವಾಸಿಗಳಾದ ಹನುಮಂತಗೌಡ ಪಾಟೀಲ್ (54), ಲಲಿತಾ ಪಾಟೀಲ್ (50) ಮತ್ತು ನೇತ್ರಾ ಪಾಟೀಲ್ ಆತ್ಮಹತ್ಯೆಗೆ ಶರಣಾದವರು.

ಹನುಮಂತಗೌಡ ಮತ್ತು ಲಲಿತಾ ಮೊದಲಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಶರಣಾಗಿದ್ದಾರೆ. ತಂದೆ ಮತ್ತು ತಾಯಿಯ ಆತ್ಮಹತ್ಯೆ ಸುದ್ದಿ ತಿಳಿದ ಮಗಳು ನೇತ್ರಾ ಸಹ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.

ಕೆಲ ವರ್ಷಗಳ ಹಿಂದೆ ಹನುಮಂತಗೌಡ ಪಾಟೀಲ್ ದಂಪತಿ ಸುಮಾರು 25 ಲಕ್ಷ ರೂಪಾಯಿ ಸಾಲ ಮಾಡಿ ಮಗಳ ಮದುವೆಯನ್ನು ಅದ್ಧೂರಿಯಾಗಿ ಮಾಡಿದ್ದರು. ಅದರೆ ಸಾಲ ಮರುಪಾವತಿಸಲು ಅಶಕ್ತರಾಗಿದ್ದರು.

ಸಾಲಬಾಧೆ ತಾಳಲಾರದೇ ಇಂದು ಹನುಮಂತಗೌಡ ಮತ್ತು ಲಲಿತಾ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ನನ್ನಿಂದಲೇ ನನ್ನ ಅಪ್ಪ-ಅಮ್ಮ ಸತ್ತರು ಎಂದು ನೇತ್ರಾ ಅವರನ್ನೇ ಅನುಸರಿಸಿದ್ದಾಳೆ.

ಒಂದೇ ಕುಟುಂಬದ ಮೂವರ ಸಾವಿನಿಂದ ತೊಂಡೂರು ಗ್ರಾಮದಲ್ಲಿ ಸೂತಕದ ಛಾಯೆ ಆವರಿಸಿದೆ. ಪಾಟೀಲ್ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿದೆ. (ಸಾಂದರ್ಭಿಕ ಚಿತ್ರ)

ಇನ್ನು ವಿಷಯ ತಿಳಿದು ಸ್ಥಳಕ್ಕಾಗಮಿಸಿದ ಪೊಲೀಸರು ಮೂರು ಮೃತದೇಹಗಳನ್ನು ಮರಣೋತ್ತರ ಶವ ಪರೀಕ್ಷೆಗಾಗಿ ರವಾನಿಸಿದ್ದಾರೆ. ಘಟನೆ ಬಗ್ಗೆ ಸ್ಥಳೀಯರು ಮತ್ತು ಕುಟುಂಬಸ್ಥರಿಂದ ಪೋಷಕರು ಮಾಹಿತಿ ಕಲೆ ಹಾಕುತ್ತಿದ್ದಾರೆ. (ಸಾಂದರ್ಭಿಕ ಚಿತ್ರ)

ಈ ಸಂಬಂಧ ಸವಣೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಈ ಹಿಂದೆಯೂ ದಂಪತಿ ಆತ್ಮಹತ್ಯೆಗೆ ಯತ್ನಿಸಿದ್ದರು. (ಸಾಂದರ್ಭಿಕ ಚಿತ್ರ)