KRS Water Level: KRS​​ನಲ್ಲಿ 5 ವರ್ಷದಲ್ಲೇ ಕಡಿಮೆ ಮಟ್ಟಕ್ಕೆ ಕುಸಿದ ನೀರಿನ ಮಟ್ಟ; ಬೆಂಗಳೂರಿನಲ್ಲಿ ತೀವ್ರಗೊಳ್ಳುತ್ತಾ ನೀರಿನ ಬರ!

ಬೆಂಗಳೂರು: ಒಂದು ಕಡೆ ರಾಜ್ಯಾದ್ಯಂತ ಮಳೆ ಆರ್ಭಟ. ಇತ್ತ ಕೆಆರ್​ಎಸ್​​​ನ ಒಡಲು ಬರಿದಾಗುತ್ತಿದೆ. ಯಾಕ್ ಹೀಗೆ ಅನ್ನೋದಕ್ಕೆ ಉತ್ತರ ರಾಜ್ಯದ ವಿವಿಧ ಭಾಗದಲ್ಲಿ ಮಳೆಯಾಗಿದ್ದರೂ, ಕಾವೇರಿ ಜಲಾನಯನ ಪ್ರದೇಶದಲ್ಲಿ ಮಳೆಯಾಗುತ್ತಿಲ್ಲ. ಪರಿಣಾಮ ಮಂಡ್ಯಾದಲ್ಲಿರೋ ಕೃಷ್ಣರಾಜಸಾಗರ ಜಲಾಶಯದ ನೀರಿನ ಮಟ್ಟ ಕಳೆದ ಐದು ವರ್ಷದಲ್ಲೇ ಕಡಿಮೆ ಮಟ್ಟಕ್ಕೆ ತಲುಪಿದೆ. (ಸಾಂದರ್ಭಿಕ ಚಿತ್ರ)

ಸರಿಯಾದ ಪ್ರಮಾಣದಲ್ಲಿ ಮುಂಗಾರು ಬೀಳದಿದ್ದರೆ ಕೆಆರ್​ಎಸ್ ಡ್ಯಾಂ ಬರಿದಾಗುವ ಸಾಧ್ಯತೆ ಇದೆ. ಆಗ ಸಹಜವಾಗಿ ಬೆಂಗಳೂರಿನ ಜನರಿಗೆ ಕುಡಿಯುವ ನೀರಿಗೆ ಸಮಸ್ಯೆಯಾಗಲಿದೆ. (ಸಾಂದರ್ಭಿಕ ಚಿತ್ರ)

ಸದ್ಯ ಕೆಆರ್​​ಎಸ್​ ಒಳಹರಿವು 583 ಕ್ಯೂಸೆಕ್​​ ಇದ್ದು, ಹೊರಹರಿವು 3987 ಕ್ಯೂಸೆಕ್​ ಇದೆ. ಡೆಡ್​ ಸ್ಟೋರೇಜ್​ ತಲುಪಲು ಕೇವಲ 7 ಟಿಎಂಸಿ ಅಂದರೆ 60 ಅಡಿಗೆ ಕುಸಿದರೆ ನೀರಿನ ಲಭ್ಯಪ್ರಮಾಣ ಕಡಿಮೆಯಾಗಲಿದೆ. (ಸಾಂದರ್ಭಿಕ ಚಿತ್ರ)

KRS ನೀರಿನ ಮಟ್ಟ:
KRS ಗರಿಷ್ಠ ಮಟ್ಟ 124.80 ಅಡಿ ಇದ್ದು, 2022ರ ಮೇ ಅಂತ್ಯದ ವೇಳೆಗೆ ನೀರಿನಮಟ್ಟ 104 ಅಡಿ ನೀರು ಸಂಗ್ರಹವಾಗಿತ್ತು. ಆದರೆ ಸದ್ಯ 81.80 ಅಡಿ ನೀರು ಸಂಗ್ರಹವಿದೆ. (ಸಾಂದರ್ಭಿಕ ಚಿತ್ರ)

ನೀರಿನ ಮಟ್ಟ ಕುಸಿಯಲು ಕಾರಣಳೇನು? ಜಲಾಶಯಕ್ಕೆ ನೀರಿನ ಒಳಹರಿವಿನಲ್ಲಿ ತೀವ್ರ ಇಳಿಕೆಯಾಗಿದ್ದು, ಡ್ಯಾಂನಲ್ಲಿ ಹೂಳು ಹೆಚ್ಚು ಸಂಗ್ರವಾಗಿದೆ. ಇದರೊಂದಿಗೆ ನೀರು ಹರಿವಿನ ಮಾರ್ಗ ಬದಲಾಗಿದ್ದು, ಪ್ರಕೃತಿ ವಿಕೋಪ-ಅರಣ್ಯನಾಶ ಹಾಗೂ ರಸ್ತೆ ಅಗಲಿಕೆ ಮತ್ತು ಒತ್ತುವರಿಗಳು ನೀರಿನ ಮಟ್ಟ ಕುಸಿಯಲು ಕಾರಣವಾಗಿದೆ. (ಸಾಂದರ್ಭಿಕ ಚಿತ್ರ)

ಸಾಮಾನ್ಯವಾಗಿ ಮುಂಗಾರು ಮಳೆ ಮೇ ಕೊನೆಯ ವಾರ ಅಥವಾ ಜೂನ್ ತಿಂಗಳ ಮೊದಲ ವಾರದಲ್ಲಿ ಪ್ರಾರಂಭವಾಗಲಿದ್ದು, ನಿರೀಕ್ಷೆಯಂತೆ ಮುಂಗಾರು ಆರಂಭವಾಗದಿದ್ದರೆ ಬೆಂಗಳೂರಿನಲ್ಲಿ ನೀರನ ಅಭಾವ ತೀವ್ರವಾಗುವ ನಿರೀಕ್ಷೆ ಇದೆ. (ಸಾಂದರ್ಭಿಕ ಚಿತ್ರ)

ಇನ್ನು, ಜಲಾಶಯದಲ್ಲಿ ನೀರಿನ ಪ್ರಮಾಣ ಕುಸಿತಗೊಂಡಿರುವುದರಿಂದ ಶತಮಾನದ ಹಿಂದಿನ ನಾರಾಯಣಸ್ವಾಮಿ ದೇವಾಲಯ ಬರೋಬ್ಬರಿ ಐದು ವರ್ಷಗಳ ಬಳಿಕ ಗೋಚರವಾಗಿದೆ. (ಸಾಂದರ್ಭಿಕ ಚಿತ್ರ)