Karnataka Polls: ಚುನಾವಣೆಯಲ್ಲಿ ಗೆಲ್ತೀಯಾ; ನಾಗಾಸಾಧು ಭವಿಷ್ಯಕ್ಕೆ ಕಾಂಗ್ರೆಸ್ ಅಭ್ಯರ್ಥಿ ಖುಷ್  

ಚುನಾವಣೆಯಲ್ಲಿ ಜಾತಿ ಲೆಕ್ಕಾಚಾರವೂ ನಡೆಯುತ್ತದೆ. ಮತ್ತೊಂದೆಡೆ ಬಹುತೇಕ ಅಭ್ಯರ್ಥಿಗಳು ಗೆಲುವಿಗಾಗಿ ದೇವರ ಮೊರೆ ಹೋಗುತ್ತಿದ್ದಾರೆ. ಒಂದಿಷ್ಟು ಜನರು ಪ್ರಮುಖ ಸಮುದಾಯದ ಸ್ವಾಮೀಜಿಗಳನ್ನು ಭೇಟಿಯಾಗುತ್ತಿದ್ದಾರೆ.

ಕೆಆರ್ ಪೇಟೆ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ದೇವರಾಜು ಅವರಿಗೆ ನಾಗಾಸಾಧು ಒಬ್ರು ಚುನಾವಣೆ ಭವಿಷ್ಯ ಹೇಳಿದ್ದಾರೆ. ಈ ಭವಿಷ್ಯ ಕೇಳಿದ ಕಾಂಗ್ರೆಸ್ ಅಭ್ಯರ್ಥಿ ಫುಲ್ ಖುಷ್ ಆಗಿದ್ದಾರೆ.

ಹಿಮಾಲಯ ಪರ್ವತದಿಂದ ಕೆ‌.ಆರ್.ಪೇಟೆ ಪಟ್ಟಣಕ್ಕೆ ಪೂಜೆಗೆಂದು ನಾಗಾಸಾಧು ಬಂದಿದ್ದರು. ಈ ವೇಳೆ ನಾಗಾಸಾಧು ಅವರನ್ನು ಭೇಟಿ ಮಾಡಿದ ದೇವರಾಜು ಆಶೀರ್ವಾದ ಪಡೆದುಕೊಂಡರು.

ಕೈ ಅಭ್ಯರ್ಥಿಯ ದೇವರಾಜು ಮುಖಲಕ್ಷಣ ನೋಡಿ ಶಾಸಕನಾಗುವ ಯೋಗವಿದೆ ಎಂದು ನಾಗಾಸಾಧುಗಳು ಹರಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಹೊರಡುವ ವೇಳೆ ನಿನ್ನ ಪರಿಶ್ರಮಕ್ಕೆ ತಕ್ಕ ಗೌರವ ಸಿಗಲಿದೆ. ಆದರೆ ಎಚ್ಚರಿಕೆಯಿಂದ ಇರುವಂತೆ ಎಂಬ ಸಲಹೆಯನ್ನು ನಾಗಾಸಾಧು ನೀಡಿದ್ದಾರೆ ಎನ್ನಲಾಗಿದೆ.

ಕಾಂಗ್ರೆಸ್ ಅಭ್ಯರ್ಥಿ ದೇವರಾಜು ನಾಗಾಸಾಧು ಅವರ ಬಳಿ ಆಶೀರ್ವಾದ ಪಡೆದುಕೊಂಡಿರುವ ಫೋಟೋ ನ್ಯೂಸ್ 18ಗೆ ಲಭ್ಯವಾಗಿದೆ.

ಕೆಆರ್ ಪೇಟೆ ವಿಧಾನಸಭಾ ಕ್ಷೇತ್ರದಿಂದ ಬಿಜೆಪಿಯಿಂದ ಸಚಿವ ನಾರಾಯಣಗೌಡರು ಸ್ಪರ್ಧೆ ಮಾಡಿದ್ದಾರೆ. 2018ರಲ್ಲಿ ಇದೇ ನಾರಾಯಣಗೌಡರು ಜೆಡಿಎಸ್ ನಿಂದ ಸ್ಪರ್ಧಿಸಿ ಗೆದ್ದಿದ್ದರು.