Traffic Fines: ಭಾರೀ ಡಿಸ್ಕೌಂಟ್ ಆಫರ್​; ಟ್ರಾಫಿಕ್ ಪೊಲೀಸರ ಖಜಾನೆಗೆ ಒಂದೇ ದಿನ ಹರಿದು ಬಂತು ₹5 ಕೋಟಿ ಹಣ!

ಬೆಂಗಳೂರು: ಜನರು ಸಂಚಾರಿ ನಿಯಮಗಳನ್ನು ಪಾಲಿಸಬೇಕು ಅಂತಾ ಸಂಚಾರಿ ಪೊಲೀಸರು ಏನೇನೋ ಕಸರತ್ತು ಮಾಡುತ್ತಾರೆ. ಆದರೆ ಜನ ಮಾತ್ರ ಕ್ಯಾರೇ ಅನ್ನಲ್ಲ. ಸಂಚಾರಿ ನಿಯಮ ಪಾಲಿಸ್ತಿಲ್ಲ, ದಂಡ ಕೂಡಾ ಪಾವತಿ ಮಾಡ್ತಿಲ್ಲ. ಹೀಗಾಗಿ ಸಂಚಾರಿ ಪೊಲೀಸರು ಬೇಸತ್ತು ಹೋಗಿದ್ದರು. ಇದೀಗ ಸೂಪರ್​ ಡಿಸ್ಕೌಂಟ್​ ಕೊಟ್ಟಿದ್ದಾರೆ. (ಸಾಂದರ್ಭಿಕ ಚಿತ್ರ)

ಜನರು ಡಿಸ್ಕೌಂಟ್​ ಅಂದರೆ ಮುಗಿ ಬೀಳ್ತಾರೆ ಅನ್ನೋದನ್ನೇ ಎನ್​ಕ್ಯಾಷ್​ ಮಾಡಿಕೊಂಡ ಟ್ರಾಫಿಕ್ ಪೊಲೀಸರು, 50 ಪರ್ಸೆಂಟ್​ ಡಿಸ್ಕೌಂಟ್​ ಕೊಟ್ಟಿದ್ದಾರೆ. ಇದರೊಂದಿಗೆ ಇಂದು ಒಂದೇ ದಿನ ಬರೋಬ್ಬರಿ 2.1 ಲಕ್ಷ ಕೇಸ್​​ಗಳಿಂದ 5 ಕೋಟಿ ರೂಪಾಯಿಗೂ ಅಧಿಕ ಮೊತ್ತದ ಹಣ ಸಂಗ್ರಹವಾಗಿದೆ. ಹೌದು, ಡಿಸ್ಕೌಂಟ್​ ಆಫರ್ ಕೊಟ್ಟ ಮೊದಲ ದಿನವೇ 2,01,828 ಲಕ್ಷ ಪ್ರಕರಣಗಳಲ್ಲಿ ವಾಹನ ಸವಾರರು ದಂಡ ಪಾವತಿ ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಸಿಲಿಕಾನ್​ ಸಿಟಿ ವಾಹನ ಸವಾರರು ಇಂದು ಸಂಜೆ 5 ಗಂಟೆ ವೇಳೆಗೆ ಐದು ಕೋಟಿ ರೂಪಾಯಿ ಅಧಿಕ ದಂಡ ವಸೂಲಿ ಮಾಡಿದ್ದರು. ಆ್ಯಪ್ ಹಾಗೂ ಬೇರೆ ಬೇರೆ ರೀತಿಯಲ್ಲಿ ವಾಹನ ಸವಾರರು ದಂಡ ಪಾವತಿ ಮಾಡಿದ್ದಾರೆ. ಪಿಡಿಎಯಲ್ಲಿ 61,174 ಕೇಸ್​​, ಪೇಟಿಎಂ ಆ್ಯಪ್ ನಿಂದ 75,185 ಕೇಸ್​​, ಟಿಎಂಸಿ ಕೇಂದ್ರದಲ್ಲಿ 337 ಕೇಸ್, ಬೆಂಗಳೂರು ಓನ್ ನಲ್ಲಿ 6,161 ಕೇಸ್ ಸೇರಿದಂತೆ ವಿವಿಧ ರೀತಿಯಲ್ಲಿ 2 ಲಕ್ಷ ಕ್ಕೂ ಅಧಿಕ ಕೇಸ್​ಗಳಿಂದ ಹಣ ವಸೂಲಿ ಆಗಿದೆ. (ಸಾಂದರ್ಭಿಕ ಚಿತ್ರ)

50 ಪರ್ಸೆಂಟ್​ ಡಿಸ್ಕೌಂಟ್​ ವಿಚಾರ ಗೊತ್ತಾಗ್ತಿದ್ದೇ ತಡ ಜನರು ತಂಡೋಪ ತಂಡವಾಗಿ ಬಂದು ಸಂಚಾರಿ ನಿಯಮ ಉಲ್ಲಂಘನೆಯ ಫೈನ್ ಕಟ್ಟಿದ್ದಾರೆ. ಒಂದೇ ದಿನ ಸಾವಿರಾರು ಮಂದಿ ದಂಡ ಪಾವತಿ ಮಾಡಲು ಮುಂದಾದ ಕಾರಣ ಸಾರಿಗೆ ಇಲಾಖೆಯ ಸರ್ವರ್​​ ಕೂಡ ಡೌನ್​ ಆಗಿ ಸಮಸ್ಯೆ ಎದುರಾಗಿತ್ತು. (ಸಾಂದರ್ಭಿಕ ಚಿತ್ರ)

ಇನ್ನು ಸವಾರರಿಗೆ ಕರ್ನಾಟಕ ಒನ್ ವೆಬ್ ಸೈಟ್, ಪೇಟಿಎಂ, ಹತ್ತಿರದ ಸಂಚಾರಿ ಪೊಲೀಸ್ ಠಾಣೆಗಳಲ್ಲಿ ದಂಡ ಪಾವತಿಗೆ ಅವಕಾಶ ಮಾಡಿಕೊಟ್ಟಿದ್ದು, ಫೆಬ್ರವರಿ 11 ರವರೆಗೆ ಈ ಡಿಸ್ಕೌಂಟ್​ ನಿಯಮ ಜಾರಿಯಲ್ಲಿರಲಿದೆ. (ಸಾಂದರ್ಭಿಕ ಚಿತ್ರ)

ಫುಟ್ ಪಾತ್ ಪಾರ್ಕಿಂಗ್, ಡಿಫೆಕ್ಟೀವ್ ನಂಬರ್ ಪ್ಲೇಟ್, ಸಿಗ್ನಲ್ ಜಂಪ್​, ಓವರ್ ಸ್ಪೀಡ್, ಯೂಸಿಂಗ್ ಮೊಬೈಲ್, ನೋ ಹೆಲ್ಮೆಟ್ ಸೇರಿ ಬರೋಬ್ಬರಿ 44 ರೀತಿಯ ಕೇಸ್​ಗಳಿಗೆ ಡಿಸ್ಕೌಂಟ್​ ನೀಡಲಾಗಿದ್ದು, ಜನರಿಗೆ ಫೆಬ್ರವರಿ ಧಮಾಕ ಎನ್ನುವಂತಾಗಿದೆ. (ಸಾಂದರ್ಭಿಕ ಚಿತ್ರ)

ನಿಮ್ಮ ವಾಹನದ ಮೇಲೂ ದಂಡ ಇದ್ದರೆ ಕಟ್ಕೊಂಡು ಬಿಡಿ. ಏಕೆಂದರೆ ಮತ್ತೆ ಇನ್ನೆಲ್ಲಾದರೂ ಸಿಕ್ಕಿ ಬಿದ್ದಾಗ ಪೂರ್ತಿ ಹಣ ಕಟ್ಟಬೇಕಾಗುತ್ತೆ! (ಸಾಂದರ್ಭಿಕ ಚಿತ್ರ)