Traffic Fines Discount: 9 ದಿನದಲ್ಲಿ ಟ್ರಾಫಿಕ್​ ಪೊಲೀಸ್‌ ಅಕೌಂಟ್​​ಗೆ ಹರಿದು ಬಂತು ₹120 ಕೋಟಿ, ಇಂದು ಒಂದೇ ದಿನ ₹31.26 ಕೋಟಿ ಸಂಗ್ರಹ

ಬೆಂಗಳೂರು: ಟ್ರಾಫಿಕ್ ಫೈನ್ ಕಟ್ಟಲು ರಾಜ್ಯ ಸರ್ಕಾರ 9 ದಿನಗಳ ಕಾಲ ಶೇಕಡಾ 50 ಪರ್ಸೆಂಟ್​ ಡಿಸ್ಕೌಂಟ್ ಆಫರ್​ನಲ್ಲಿ ಅವಕಾಶ ಕೊಟ್ಟಿತ್ತು. ರಿಯಾಯ್ತಿ ದರದಲ್ಲಿ ಫೈನ್​ ಕಟ್ಟಲು ಇವತ್ತು ಕೊನೆ ದಿನವಾಗಿತ್ತು. ಪರಿಣಾಮ ಲಕ್ಷಾಂತರ ಸಂಖ್ಯೆಯಲ್ಲಿ ವಾಹನ ಸವಾರರು ಇಂದು ದಂಡ ಕಟ್ಟಲು ಮುಗಿಬಿದ್ದಿದ್ದರು. (ಸಾಂದರ್ಭಿಕ ಚಿತ್ರ)

ಪೊಲೀಸ್ ಠಾಣೆಗಳು, ಟಿಎಂಸಿ ಕೇಂದ್ರ ಕಚೇರಿ ಹಾಗೂ ಪೇಟಿಎಂ ಹಾಗೂ ಪಿಡಿಎ ಮೂಲಕ ಲಕ್ಷಾಂತರ ಮಂದಿ ವಾಹನ ಸವಾರರು ದಂಡ ಕಟ್ಟಿದ್ದಾರೆ. ದಂಡ ಕಟ್ಟಲು ಇವತ್ತು ಲಾಸ್ಟ್ ಡೇ ಅಂತ ತಿಳಿದ ಸವಾರರು ಸರತಿ ಸಾಲಿನಲ್ಲಿ ನಿಂತು ಹಳೇ ಕೇಸ್​ಗಳ ದಂಡ ಪಾವತಿ ಮಾಡಿದರು. (ಸಾಂದರ್ಭಿಕ ಚಿತ್ರ)

ಇದೇ ವೇಳೆ ಕೆಲವು ಸವಾರರು ಕಾಲಾವಕಾಶ ಸಾಕಾಗ್ತಿಲ್ಲ. ರಿಯಾಯಿತಿ ದಂಡ ಪಾವತಿಗೆ ಇನ್ನೂ ಒಂದು ವಾರ ಕಾಲಾವಕಾಶ ವಿಸ್ತರಣೆ ಮಾಡಬೇಕು ಅಂತ ಒತ್ತಾಯ ಮಾಡಿದ್ದಾರೆ.  ಕೆಲವರ ಬಳಿ ಹಣ ಇರುತ್ತೆ, ಇನ್ನೂ ಕೆಲವರ ಬಳಿ ಹಣ ಇರಲ್ಲ. ಇನ್ನು ಸರ್ವರ್ ಇವತ್ತು ಜಾಮ್ ಆಗಿದ್ದು, ದಂಡ ಕಟ್ಟಲು ಸಾಧ್ಯವಾಗುತ್ತಿಲ್ಲ ಇನ್ನು ಸ್ವಲ್ಪ ಸಮಯ ಕೊಡಬೇಕು ಅಂತ ಒತ್ತಾಯ ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಟ್ರಾಫಿಕ್ ಫೈನ್ ಕಟ್ಟಲು ರಿಯಾಯಿತಿ ಘೋಷಣೆ ಬಳಿಕ ಸರ್ಕಾರದ ಬೊಕ್ಕಸಕ್ಕೆ ಕೋಟಿ ಕೋಟಿ ಹಣ ಹರಿದು ಬಂದಿದೆ. ಫೆಬ್ರವರಿ 3 ರಿಂದ 41.20 ಲಕ್ಷ ಟ್ರಾಫಿಕ್ ಕೇಸ್​ಗಳು ಕ್ಲಿಯರ್​ ಆಗಿದ್ದು, 120 ಕೋಟಿ ದಂಡ ಸಂಗ್ರಹ ಆಗಿದೆ. (ಸಾಂದರ್ಭಿಕ ಚಿತ್ರ)

ಯಾವ ದಿನ ಎಷ್ಟು ದಂಡ ಸಂಗ್ರಹ ಆಯ್ತು ಅನ್ನೋದನ್ನು ನೋಡುವುದಾದರೆ, ಫೆಬ್ರವರಿ 03 ರಂದು 2.24 ಲಕ್ಷ ಕೇಸ್​ನಿಂದ 7 ಕೋಟಿ ಸಂಗ್ರಹ ಆಗಿತ್ತು. ಇನ್ನುಳಿದಂತೆ ಫೆ.04 ರಂದು 3 ಲಕ್ಷ ಕೇಸ್​ ₹9 ಕೋಟಿ ದಂಡ, ಫೆ.05 ರಂದು 2.87 ಲಕ್ಷ ಕೇಸ್​ ₹7.49 ಕೋಟಿ ದಂಡ, ಫೆ.06ಕ್ಕೆ 3.34 ಲಕ್ಷ ಕೇಸ್​, ₹9.57 ಕೋಟಿ ದಂಡ, ಫೆ.07 ರಂದು 3.45 ಲಕ್ಷ ಕೇಸ್​ ₹9.70 ಕೋಟಿ ದಂಡ, ಫೆ.08 ರಂದು 3.87 ಲಕ್ಷ ಕೇಸ್​ ₹10 ಕೋಟಿ ದಂಡ, ಫೆ.09ರಂದು 5.51 ಲಕ್ಷ ಕೇಸ್​ ₹14.64 ಕೋಟಿ ದಂಡ, ಫೆ.10ರಂದು 6.70 ಲಕ್ಷ ಕೇಸ್​ನಿಂದ ₹17.61 ಕೋಟಿ ದಂಡ ಸಂಗ್ರಹವಾಗಿದೆ. (ಸಾಂದರ್ಭಿಕ ಚಿತ್ರ)

ಉಳಿದಂತೆ ಇಂದು ರಿಯಾಯಿತಿ ದರದಲ್ಲಿ ದಂಡ ಪಾವತಿ ಮಾಡಲು ಕೊನೆಯ ದಿನವಾಗಿದ್ದರಿಂದ ಇಂದು 9.45 ಲಕ್ಷ ಕೇಸ್ ಗಳಿಂದ ದಾಖಲೆಯ 31.26 ಕೋಟಿ ರೂಪಾಯಿ ದಂಡ ಸಂಗ್ರಹ ಮಾಡಲಾಗಿದೆ. ಒಟ್ಟಾರೆ 9 ದಿನದಲ್ಲಿ 41.20 ಲಕ್ಷ ಕೇಸ್​​ಗಳಿಂದ ಒಟ್ಟು 120 ಕೋಟಿ ದಂಡವನ್ನು ಟ್ರಾಫಿಕ್ ಪೊಲೀಸರು ಕಲೆ ಹಾಕಿದ್ದಾರೆ. (ಸಾಂದರ್ಭಿಕ ಚಿತ್ರ)

ಟ್ರಾಫಿಕ್ ಫೈನ್ ಕಟ್ಟಲು 9 ದಿನಗಳ ಕಾಲಾವಕಾಶ ನೀಡಲಾಗಿತ್ತು. ಆದರೆ ಕಾಲಾವಧಿ ವಿಸ್ತರಣೆ ಮಾಡಲು ಮನವಿ ಬಂದಿದೆ. ಕಾಲಾವಧಿ ವಿಸ್ತರಣೆ ಬಗ್ಗೆ ಇನ್ನೂ ಯಾವುದೇ ಅಧಿಕೃತ ಆದೇಶ ಹೊರಬಿದ್ದಿಲ್ಲ. ಆದರೆ ಅವಧಿ ವಿಸ್ತರಣೆ ಆಗುವ ಸಾಧ್ಯತೆಗಳಿವೆ ಎನ್ನಲಾಗಿದೆ. (ಸಾಂದರ್ಭಿಕ ಚಿತ್ರ)