Traffic Fines: ₹50 ಕೋಟಿ ದಾಟಿದ ಸಂಚಾರಿ ಪೊಲೀಸರ ದಂಡ ಸಂಗ್ರಹ; ನಕಲಿ ನಂಬರ್ ಪ್ಲೇಟ್ ಪತ್ತೆಗೆ ಟಾಸ್ಕ್‌ಫೋರ್ಸ್‌

ಬೆಂಗಳೂರು: ಡಿಸೌಂಟ್​ ದರದಲ್ಲಿ ಟ್ರಾಫಿಕ್​ ನಿಯಮಗಳ ಉಲ್ಲಂಘನೆ ಪ್ರಕರಣದಲ್ಲಿ ದಂಡ ಪಾವತಿ ಮಾಡಲು ವಾಹನ ಚಾಲಕರು ಮುಂದಾಗುತ್ತಿದ್ದು, 5 ದಿನದಲ್ಲಿ ಟ್ರಾಫಿಕ್ ದಂಡ ಸಂಗ್ರಹ 50 ಕೋಟಿ ರೂಪಾಯಿಯನ್ನು ದಾಟಿದೆ. (ಸಾಂದರ್ಭಿಕ ಚಿತ್ರ)

ಇಂದು ಒಂದೇ ದಿನ 3 ಲಕ್ಷದ 23 ಸಾವಿರ ಪ್ರಕರಣಗಳಲ್ಲಿ 9 ಕೋಟಿ‌ 6 ಲಕ್ಷ ರೂಪಾಯಿ ದಂಡ ಸಂಗ್ರಹವಾಗಿದೆ. ಒಟ್ಟಾರೆ ಇದುವರೆಗೂ 18 ಲಕ್ಷ 26 ಸಾವಿರ ಪ್ರಕಣಗಳಲ್ಲಿ ವಾಹನ ಸವಾರರು ದಂಡ ಪಾವತಿ ಮಾಡಿದ್ದಾರೆ. ಇದುವರೆಗೆ ಒಟ್ಟು 51 ಕೋಟಿ 85 ಲಕ್ಷ ರೂಪಾಯಿ ದಂಡದ ಹಣ ಸಂಗ್ರಹವಾಗಿದೆ. (ಸಾಂದರ್ಭಿಕ ಚಿತ್ರ)

ಮೊದಲ ದಿನದಿಂದಲೂ ದಂಡ ಪಾವತಿ ಮಾಡಲು ಸಾರ್ವಜನಿಕರು ಸಾಲು ಗಟ್ಟಿ ನಿಂತಿದ್ದರು. ಒಮ್ಮೆಗೆ ಟ್ರಾಫಿಕ್ ದಂಡ ಪಾವತಿ ಮಾಡಲು ಜನರು ಮುಗಿಬಿದ್ದ ಕಾರಣ ಮೊದಲ ಎರಡು ದಿನ ಇಲಾಖೆಯ ಸರ್ವರ್​ ಕೂಡ ಕೈಕೊಟ್ಟಿತ್ತು. ಆ ಬಳಿಕ ಇಲಾಖೆ ಸರ್ವರ್ ಸ್ಲೋ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಕ್ರಮಗೊಂಡಿತ್ತು. (ಸಾಂದರ್ಭಿಕ ಚಿತ್ರ)

ಬೆಂಗಳೂರುಟ್ರಾಫಿಕ್‌ ನಿಯಮ ಉಲ್ಲಂಘನೆ ಮಾಡಿರುವ ವಾಹನಗಳಿಗೆ ಶೇಕಡಾ 50ರಷ್ಟು ರಿಯಾಯಿತಿ ಕೊಟ್ಟ ಬೆನ್ನಲ್ಲೇ ನಕಲಿ ನಂಬರ್ ಪ್ಲೇಟ್ ಹಾವಳಿ ಇರೋದು ಬಯಲಾಗಿದೆ. (ಸಾಂದರ್ಭಿಕ ಚಿತ್ರ)

ಬೇರೆ ಬೇರೆ ವಾಹನಗಳಿಗೆ ಫೇಕ್ ನಂಬರ್ ಪ್ಲೇಟ್​ ಬಳಸಿ ಕೆಲವರು ಸಂಚಾರ ಮಾಡುತ್ತಿರುವ ಬಗ್ಗೆ ಪೊಲೀಸರಿಗೆ ಸಾಕಷ್ಟು ದೂರುಗಳು ಬಂದಿದ್ದವು. ಈ ವಿಚಾರವನ್ನು ಪೊಲೀಸ್ ಇಲಾಖೆ ಗಂಭೀರವಾಗಿ ತೆಗೆದುಕೊಂಡಿದೆ. (ಸಾಂದರ್ಭಿಕ ಚಿತ್ರ)

ನಕಲಿ ನಂಬರ್ ಪ್ಲೇಟ್​​ ಪ್ರಕರಣಗಳ ಪತ್ತೆ ಹಾಗೂ ಈ ಕುರಿತಂತೆ ಕ್ರಮಕೈಗೊಳ್ಳಲು ಟ್ರಾಫಿಕ್‌ ಸ್ಪೆಷಲ್ ಕಮಿಷನರ್ ಸಲೀಂ ಅವರು ಟಾಸ್ಕ್​ಫೋರ್ಸ್​ ರಚಿಸಿ ದೂರುದಾರರ ದಾಖಲೆ ಪರಿಶೀಲನೆಗೆ ಸೂಚನೆ ನೀಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಸವಾರರಿಗೆ ಕರ್ನಾಟಕ ಒನ್ ವೆಬ್ ಸೈಟ್, ಪೇಟಿಎಂ, ಹತ್ತಿರದ ಸಂಚಾರಿ ಪೊಲೀಸ್ ಠಾಣೆಗಳಲ್ಲಿ ದಂಡ ಪಾವತಿಗೆ ಅವಕಾಶ ಮಾಡಿಕೊಟ್ಟಿದ್ದು, ಫೆಬ್ರವರಿ 11 ರವರೆಗೆ ಈ ಡಿಸ್ಕೌಂಟ್​ ನಿಯಮ ಜಾರಿಯಲ್ಲಿರಲಿದೆ. (ಸಾಂದರ್ಭಿಕ ಚಿತ್ರ)