Karnataka Politics: ಕಾಂಗ್ರೆಸ್​ ಹೈಕಮಾಂಡ್​ಗೆ ಮತ್ತೊಂದು ತಲೆನೋವು: ಸಿದ್ದು, ಡಿಕೆಶಿ ಮತ್ತೆ ದೆಹಲಿಯತ್ತ!

ಹೌದು ಸಿದ್ದರಾಮಯ್ಯಗೆ ಸಿಎಂ ಹಾಗೂ ಡಿಕೆಶಿಗೆ ಡಿಸಿಎಂ ಸ್ಥಾನ ನೀಡಿದ ಕಾಂಗ್ರೆಸ್​ ಹೈಕಮಾಂಡ್​ಗೆ ಇಬ್ಬರ ಬಣದವರಿಗೆ ಮಂತ್ರಿ ಸ್ಥಾನ ನೀಡುವುದೇ ಸವಾಲಾಗಿದೆ.

ಈ ವಿಚಾರವಾಗಿ ಚರ್ಚಿಸಲು ಇಂದು ಸಿದ್ದರಾಮಯ್ಯ ಹಾಗೂ ಡಿ. ಕೆ. ಶಿವಕುಮಾರ್ ಇಬ್ಬರೂ ದೆಹಲಿಗೆ ತೆರಳುತ್ತಿದ್ದಾರೆ. ಅಲ್ಲದೇ ಇಬ್ಬರೂ ನಾಯಕರು ತಮ್ಮ ತಮ್ಮ ಬಣದವರಿಗೆ ಸಂಪುಟದಲ್ಲಿ ಹೆಚ್ಚು ಸ್ಥಾನ ಕೊಡಿಸಲು ಪಟ್ಟಿಯನ್ನೂ ಸಿದ್ದಪಡಿಸಿದ್ದಾರೆ.

ತಮ್ಮ ಬಣದಲ್ಲಿರುವ ಸಂಭಾವ್ಯ ಸಚಿವರ ಪಟ್ಟಿಯನ್ನು ಸಿದ್ದಪಡಿಸಿಕೊಂಡಿರುವ ನಾಯಕರು ಅವರಿಗೆ ಮಂತ್ರಿ ಸ್ಥಾನ ಕೊಡಿಸಲು ವರಿಷ್ಠರ ಬಳಿ ಇಂದು ಕಸರತ್ತು ನಡೆಸುತ್ತಿದ್ದಾರೆ.

ಈ ಹಿಂದೆ ಸಿದ್ದರಾಮಯ್ಯ ಹಾಗೂ ಡಿಕೆಶಿಗೆ ನಡುವೆ ಸಿಎಂ ಆಯ್ಕೆಯ ಸವಾಲು ಎದುರಿಸಿದ್ದ ಹೈಕಮಾಂಡ್​ಗೆ ಈಗ ಅವರ ಬಣದವರಿಗೆ ಮಂತ್ರಿ ಸ್ಥಾನ ಕೊಡಿಸಬೇಕಾದ ಸವಾಲು ಎದ್ದಿದೆ.

ಮತ್ತೊಂದೆಡೆ ನಾಳೆ ಸಿದ್ದರಾಮಯ್ಯ ಮುಖ್ಯಮಂತ್ರಿಯಾಗಿ ಪದಗ್ರಹಣ ಮಾಡುತ್ತಿದ್ದು, ಈ ನಿಟ್ಟಿನಲ್ಲಿ ಕಂಠೀರವ ಸ್ಟೇಡಿಯಂನಲ್ಲಿ ಭರದ ಸಿದ್ಧತೆ ಆರಂಭವಾಗಿದೆ.

ಫ್ಲೆಕ್ಸ್​ ಹಾಗೂ ಬ್ಯಾನರ್​ಗಳು ಈಗಾಗಲೃಏ ರಾರಾಜಿಸುತ್ತಿದ್ದು, ಬ್ಯಾನರ್​ಗಳಲ್ಲಿ ಸಿದ್ದರಾಮಯ್ಯ ಪೋಟೊ ಹಾಕಿ ಶುಭಾಶಯ ಕೋರಲಾಗಿದೆ.

ಮತ್ತೊಂದೆಡೆ ಲಾರಿಗಳಲ್ಲಿ ಬ್ಯಾರಿಕೇಡ್, ರೆಡ್ ಮ್ಯಾಟ್, ಹಾಗೂ ಸೌಂಡ್ ಸ್ಪೀಕರ್​ಗಳನ್ನೂ ರವಾನಿಸಲಾಗುತ್ತಿದೆ.