Bengaluru Traffic: ಎಲೆಕ್ಷನ್​​ ಟೈನಲ್ಲಿ ಟ್ರಾಫಿಕ್​ ಪೊಲೀಸ್ ಹಿಡಿಯಲ್ಲ ಅಂತ ರೂಲ್ಸ್​ ಬ್ರೇಕ್, 25 ದಿನದಲ್ಲಿ ಬೆಂಗಳೂರಿಗರಿಗೆ ₹23 ಕೋಟಿ ದಂಡದ ಶಾಕ್!

ಬೆಂಗಳೂರು: ಒಂದು ಕಡೆ ಪೊಲೀಸರು (Police) ಎಲೆಕ್ಷನ್​ ಡ್ಯೂಟಿಯಲ್ಲಿ (Election Duty) ಫುಲ್ ಬ್ಯುಸಿ. ಸಂಚಾರಿ ಪೊಲೀಸರು (Traffic Police) ಟ್ರಾಫಿಕ್ ಆಗದಂತೆ ನೋಡುವುದರಲ್ಲಿ ಬ್ಯುಸಿ, ಇದರ ನಡುವೆ ವಾಹನ ಸವಾರರು (Vehicle Owners) ಪೊಲೀಸರು ಇಲ್ಲ ಅಂತೇಳಿ ಟ್ರಾಫಿಕ್ ರೂಲ್ಸ್‌ ಬ್ರೇಕ್‌ ಮಾಡುತ್ತಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಸಂಚಾರಿ ಪೊಲೀಸರು ರಸ್ತೆಯಲ್ಲಿ ನಿಂತು ವಾಹನಗಳನ್ನು ತಡೆಯದೆ ಇರುವುದರಿಂದ ಪೊಲೀಸರು ಇಲ್ಲ ಅಂತೇಳಿ ಸಿಕ್ಕ ಸಿಕ್ಕ ಕಡೆಗಳಲ್ಲಿ ಸಿಕ್ಕ ಸಿಕ್ಕ ಹಾಗೆ ವಾಹನ ಸವಾರರು ಓಡಾಡಿಸುತ್ತಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಪೊಲೀಸರು ಇಲ್ಲ ಎಂದು ವಾಹನಗಳನ್ನು ಹಿಗ್ಗಾಮುಗ್ಗಾ ಓಡಿಸುತ್ತಿದ್ದವರಿಗೆ ಟ್ರಾಫಿಕ್​ ಪೊಲೀಸ್​ ಇಲಾಖೆ ಅಳವಡಿಸಿರುವ ಕ್ಯಾಮೆರಾಗಳು ಶಾಕ್ ನೀಡುತ್ತಿವೆ. ನಿಯಮ ಉಲ್ಲಂಘಟನೆ ಮಾಡಿ ವಾಹನ ಚಲಾಯಿಸುವ ವಾಹನಗಳ ಮೇಲೆ ಕೇಸ್​​ಗಳು ದಾಖಲಿಸಿ ಮನೆಗೆ ನೋಟಿಸ್​ ನೀಡಲಾಗುತ್ತಿದೆ.  (ಸಾಂದರ್ಭಿಕ ಚಿತ್ರ)

ಚುನಾವಣೆ ನೀತಿ ಸಂಹಿತೆ ವೇಳೆ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಸಂಚಾರಿ ನಿಯಮ ಉಲ್ಲಂಘನೆ ಆಗಿದೆ. ಬೆಂಗಳೂರಿನಲ್ಲಿ ಕಳೆದ 25 ದಿನದಲ್ಲಿ 4 ಲಕ್ಷಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿದೆ. 4.12 ಲಕ್ಷ ಪ್ರಕರಣಗಳಿಗೆ ಒಟ್ಟು 22 ಕೋಟಿ 89 ಲಕ್ಷ ದಂಡವನ್ನು ಸಂಚಾರಿ ಪೊಲೀಸರು ಹಾಕಿದ್ದಾರೆ.  (ಸಾಂದರ್ಭಿಕ ಚಿತ್ರ)

ನೀತಿ ಸಂಹಿತೆ ವೇಳೆ ಬಿರುಸಿನ ಪ್ರಚಾರ ನಡೆಸಿದ್ದ ರಾಜಕೀಯ ಪಕ್ಷದ ಕಾರ್ಯಕರ್ತರು ರೋಶ್ ಶೋ, ಬೈಕ್, ರ್ಯಾಲಿ ನಡೆಸಿದ್ದರು. ಈ ವೇಳೆ ಬಹುತೇಕ ಕಾರ್ಯಕರ್ತರು ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದ್ದಾರೆ.  (ಸಾಂದರ್ಭಿಕ ಚಿತ್ರ)

ನಂಬರ್ ಪ್ಲೇಟ್ ಆಧರಿಸಿ ಸಂಚಾರಿ ಪೊಲೀಸರು ದಂಡ ವಿಧಿಸಿದ್ದಾರೆ. ಕೆಲ ವಾಹನ ಮಾಲೀಕರ ಮೊಬೈಲ್​ಗಳಿಗೆ ಈಗಾಗಲೇ ದಂಡದ ಸಂದೇಶ ರವಾನೆ ಮಾಡಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಅತಿವೇಗದ ಚಾಲನೆ, ಸಿಗ್ನಲ್ ಜಂಪ್, ಜೀಬ್ರಾ ಕ್ರಾಸಿಂಗ್, ತ್ರಿಬಲ್ ರೈಡಿಂಗ್, ಹೆಲ್ಮೇಟ್ ರಹಿತ ಚಾಲನೆ, ಮೊಬೈಲ್ ಬಳಕೆಗೆ ದಂಡ ಹಾಕಲಾಗಿದೆ. 250ಕ್ಕೂ ಹೆಚ್ಚು ಜಂಕ್ಷನ್​ನಲ್ಲಿ ಅಳವಡಿಸಿದ್ದ ಕ್ಯಾಮೆರಾದಲ್ಲಿ ಉಲ್ಲಂಘನೆ ಮಾಡಿದ್ದು ಬಯಲಾಗಿದೆ.  (ಸಾಂದರ್ಭಿಕ ಚಿತ್ರ)