ವಿದೇಶದಿಂದ ಮರಳಿದ ಸಿಎಂ ಬಿಎಸ್​ ಯಡಿಯೂರಪ್ಪ; ಕಮಲ ನಾಯಕರಿಂದ ಅದ್ಧೂರಿ ಸ್ವಾಗತ

ಸ್ವಿಟ್ಜರ್​​ಲೆಂಡ್​​​​ನಲ್ಲಿ ನಡೆದ ವಿಶ್ವ ಆರ್ಥಿಕ ವಾರ್ಷಿಕ ಸಮ್ಮೇಳನವು ಮುಕ್ತಾಯವಾಗಿದ್ದು, ಇಂದು ಸಿಎಂ ಬಿ.ಎಸ್.ಯಡಿಯೂರಪ್ಪ ದಾವೋಸ್​ನಿಂದ ಭಾರತಕ್ಕೆ ವಾಪಸ್ ಆಗಿದ್ದಾರೆ.

ಜನವರಿ 20ರಿಂದ 24ರ ವರೆಗೆ ಸ್ವಿಟ್ಜರ್​ಲ್ಯಾಂಡ್​ ದಾವೋಸ್​ನಲ್ಲಿ ವಿಶ್ವ ಆರ್ಥಿಕ ವಾರ್ಷಿಕ ಸಮ್ಮೇಳನ ಏರ್ಪಡಿಸಲಾಗಿತ್ತು. ಈ ಸಭೆಗೆ ಎಲ್ಲಾ ರಾಜ್ಯದ ಮುಖ್ಯಮಂತ್ರಿಗಳು ಹಾಜರಾಗಿದ್ದರು.

ಅದರಂತೆ ಮಾನ್ಯ ಮುಖ್ಯಮಂತ್ರಿಗಳಾದ ಬಿಎಸ್​ ಯಡಿಯೂರಪ್ಪ ಅವರು ಕೂಡ ವಿಶ್ವ ಆರ್ಥಿಕ ಸಮ್ಮೆಳದಲ್ಲಿ ಭಾಗಿಯಾಗಿದ್ದರು.

ಇಂದು ಬೆಳಗ್ಗೆ ದಾವೋಸ್​ನಿಂದ ಬಿಎಸ್​ವೈ ಬೆಂಗಳೂರಿಗೆ ವಾಪಾಸ್​ ಆಗಿದ್ದಾರೆ.

ವಿದೇಶದಿಂದ ವಾಪಾಸ್ಸು ಆದ ಯಡಿಯೂರಪ್ಪ ಅವರನ್ನು ಕೈಗಾರಿಕಾ ಸಚಿವ ಜಗದೀಶ್​ ಶೆಟ್ಟರ್​, ಡಿಸಿಎಂ ಅಶ್ವತ್​ ನಾರಾಯಣ್​, ಗೃಹ ಸಚಿತ ಬಸವರಾಜ​ ಬೊಮ್ಮಾಯಿ, ಎಸ್​.ಆರ್​ ವಿಶ್ವನಾಥ್​ ಸೇರಿದಂತೆ ಅನೇಕರು ಸ್ವಾಗತ ಕೋರಿದರು.

ದಾವೋಸ್​ನಿಂದ ಆಗಮಿಸಿದ ಮುಖ್ಯಮಂತ್ರಿ ಬಿಎಸ್​ ಯಡಿಯೂರಪ್ಪ ಅವರನ್ನು ಸ್ವಾಗತಿಸಿದ ಬಿಜೆಪಿ ನಾಯಕರು

ಮುಖ್ಯಮಂತ್ರಿ ಯಡಿಯೂರಪ್ಪ ಅವರನ್ನು ಕರೆದುಕೊಂಡು ಬರುತ್ತಿರುವ ಕೈಗಾರಿಕ ಸಚಿವ ಜಗದೀಶ್​ ಶೆಟ್ಟರ್​

ಚಿತ್ರದಲ್ಲಿ (ಬಲಬದಿಯಿಂದ) ಡಿಸಿಎಂ ಅಶ್ವಥ್​ ನಾರಾಯಣ, ಜಗದೀಶ್​ ಶೆಟ್ಟರ್​, ಮುಖ್ಯಮಂತ್ರಿ ಯಡಿಯೂರಪ್ಪ, ಬಸವರಾಜ ಬೊಮ್ಮಾಯಿ