ಮದುವೆ ಪತ್ರಿಕೆಯಲ್ಲಿ ವಿಶ್ವದ ಅತ್ಯಂತ ಅಪಾಯಕಾರಿ ಮಾದಕವಸ್ತು ಸಾಗಣೆ; ಬೆಂಗಳೂರು ಏರ್​ಪೋರ್ಟ್​ನಲ್ಲಿ 5 ಕಿಲೋ ಡ್ರಗ್ಸ್ ವಶಕ್ಕೆ

): ಮಧುರೈನಿಂದ ಆಸ್ಟ್ರೇಲಿಯಾಗೆ ಅಕ್ರಮವಾಗಿ ಸಾಗಿಸುತ್ತಿದ್ದ ಎಫಿಡ್ರಿನ್ ಎಂಬ 5 ಕೆ.ಜಿ. ಡ್ರಗ್ಸ್​ ಅನ್ನು ಬೆಂಗಳೂರು ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಜಪ್ತಿ ಮಾಡಲಾಗಿದೆ.

ಮಧುರೈನಿಂದ ಆಸ್ಟ್ರೇಲಿಯಾಗೆ ಕೊರಿಯರ್ ಮೂಲಕ ಈ ಮಾದಕವಸ್ತುವನ್ನು ಸಾಗಾಟ ಮಾಡಲಾಗುತ್ತಿತ್ತು.

ಕೊರಿಯರ್​ನಲ್ಲಿ ಮದುವೆ ಆಮಂತ್ರಣ ಪತ್ರಿಕೆಗಳ ಒಳಗಿಟ್ಟು ಎಫಿಡ್ರಿನ್ ಡ್ರಗ್ಸ್​ ಸಾಗಾಟ ಮಾಡಲಾಗುತ್ತಿತ್ತು. ಕಸ್ಟಮ್ಸ್​ ಅಧಿಕಾರಿಗಳು ಪರಿಶೀಲನೆ ನಡೆಸಿದಾಗ 5 ಕೋಟಿ ರೂ. ಮೌಲ್ಯದ ಒಟ್ಟು 5 ಕೆ.ಜಿ. ಡ್ರಗ್ಸ್​ ಪತ್ತೆಯಾಗಿದೆ. ಆ ಡ್ರಗ್ಸ್​ ಅನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಇದು ವಿಶ್ವದ ಅತ್ಯಂತ ಅಪಾಯಕಾರಿ ಡ್ರಗ್​ ಆಗಿದ್ದು, ಕಸ್ಟಮ್ಸ್​ ಅಧಿಕಾರಿಗಳ ಪರಿಶೀಲನೆ ವೇಳೆ ಈ ಮಾದಕವಸ್ತು ಪತ್ತೆಯಾಗಿದೆ.

ಮದುವೆ ಪತ್ರಿಕೆಯಲ್ಲಿಟ್ಟುಕೊಂಡು ಈ ಎಫಿಡ್ರಿನ್​ ಡ್ರಗ್​ ಅನ್ನು ಸಾಗಾಟ ಮಾಡಲಾಗುತ್ತಿತ್ತು. ಈ ಮಾದಕ ವಸ್ತುವನ್ನು ಹಲವು ದೇಶಗಳು ಈಗಾಗಲೇ ಬ್ಯಾನ್ ಮಾಡಿವೆ.

ಈ ಡ್ರಗ್ಸ್​ ಅನ್ನು ಕ್ಯಾಪ್ಸೂಲ್, ಟ್ಯಾಬ್ಲೆಟ್, ಚುಚ್ಚುಮದ್ದುಗಳ ರೂಪದಲ್ಲಿ ಬಳಕೆ ಮಾಡಲಾಗುತ್ತದೆ. ಇದು ಉತ್ತೇಜಕ ಡ್ರಗ್ ಆಗಿದ್ದು, ಹೃದಯ ಬಡಿತ ಮತ್ತು ರಕ್ತದೊತ್ತಡವನ್ನು ಹೆಚ್ಚಿಸುತ್ತದೆ.

ಕೆಲವು ರೋಗಗಳಿಗೆ ಚಿಕಿತ್ಸೆ ನೀಡಲು ಈ ಡ್ರಗ್ ಬಳಸಲಾಗುತ್ತದೆ. ಆದರೆ, ನಿಯಮಿತವಾಗಿ ಈ ಡ್ರಗ್ ದೇಹಕ್ಕೆ ಸೇರಿದರೆ ಪ್ರಾಣಾಪಾಯದ ಸಂಭವವೂ ಇರುತ್ತದೆ

ವಿಶ್ವದ ಅತ್ಯಂತ ಅಪಾಯಕಾರಿ ಡ್ರಗ್​ಗಳಲ್ಲಿ ಎಫಿಡ್ರಿನ್ ಕೂಡ ಒಂದಾಗಿದೆ.

ಕೊರಿಯರ್​ನಲ್ಲಿ ಮದುವೆ ಪತ್ರಿಗಳ ಒಳಗಿಟ್ಟು ಎಫಿಡ್ರಿನ್ ಡ್ರಗ್ಸ್​ ಸಾಗಾಟ ಮಾಡಲಾಗುತ್ತಿತ್ತು.

5 ಕೋಟಿ ರೂ. ಮೌಲ್ಯದ ಒಟ್ಟು 5 ಕೆ.ಜಿ. ಡ್ರಗ್ಸ್​ ​ ಅನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಈ ಡ್ರಗ್ ಅನ್ನು ಸಾಗಾಟ ಮಾಡುತ್ತಿದ್ದವರ ಬಗ್ಗೆ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.