Kalaburagi: ಪ್ರತಿಭಟನೆ ಬಳಿಕ ಕಲಬುರಗಿ ಡಿಸಿ ಕಚೇರಿ ಎದುರು ಕಸದ ರಾಶಿ; ಪೊರಕೆ ಹಿಡಿದು ಸ್ವಚ್ಛತಾ ಕಾರ್ಯಕ್ಕಿಳಿದ ಇನ್ಸ್​ಪೆಕ್ಟರ್​!

ಪ್ರತಿಭಟನೆಗೆ ತೊಗರಿ ಗಿಡಗಳನ್ನು ತಂದಿದ್ದ ರೈತರು ಧರಣಿ ಬಳಿಕ ಅಲ್ಲಿಯೇ ಬಿಟ್ಟು ಹೋಗಿದ್ದಾರೆ. ಇದ್ರಿಂದ ಡಿಸಿ ಕಚೇರಿ ಎದುರು ಕಸದ ರಾಶಿಯೇ ಹರಡಿಕೊಂಡಿತ್ತು.

ಡಿಸಿ ಕಚೇರಿ ಸುತ್ತಮುತ್ತ ಕಸ ಕಡ್ಡಿಯಿಂದ ತುಂಬಿ ತುಳುಕುತ್ತಿತ್ತು. ಇದನ್ನು ಕಂಡ ಪೊಲೀಸರು ತಾವೇ ಸ್ವಚ್ಛತಾ ಕಾರ್ಯಕ್ರಮಕ್ಕೆ ಇಳಿದಿದ್ದಾರೆ.

ಈ ವೇಳೆ ಕಲಬುರಗಿ ನಗರದ ಅಶೋಕ ನಗರ ಠಾಣೆಯ ಸಿಪಿಐ ಪಂಡಿತ್ ಸಾಗರ್ ಆವರಣವನ್ನು ಪೊರಕೆ ಹಿಡಿದು ಸ್ವಚ್ಛಗೊಳಿಸಿದ್ದಾರೆ.

ಸಿಪಿಐ ಪಂಡಿತ್ ಸಾಗರ್ ಜೊತೆಗೆ ಕೆಲ ಪೊಲೀಸರು ಸಹ ಸ್ವಚ್ಛತಾ ಕಾರ್ಯಕ್ಕೆ ಸಾಥ್ ನೀಡಿದ್ರು.

ಸಿಪಿಐ ಪಂಡಿತ್ ಸಾಗರ್ ಕೈಯಲ್ಲಿ ಪೊರಕೆ ಹಿಡಿದು ಆವರಣ ಸ್ವಚ್ಛಗೊಳಿಸಿದ್ದು, ಇದೀಗ ಈ ವಿಡಿಯೋ ಫುಲ್ ವೈರಲ್ ಆಗಿದೆ.

ಕಲಬುರಗಿಯ ಪೊಲೀಸ್ ಇನ್ಸ್ಪೆಕ್ಟರ್ ಕಾರ್ಯಕ್ಕೆ ಸಾರ್ವಜನಿಕ ವಲಯದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.

ಕಾಂಗ್ರೆಸ್ ಕಾರ್ಯಕರ್ತರು ಹಾಗೂ ರೈತರು ಕಲಬುರಗಿ ಜಿಲ್ಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿದ್ರು.