Chamarajanagar: ಇದು ಹುಲಿಯೋ, ನಾಯಿಯೋ? ಸೂಕ್ಷ್ಮವಾಗಿ ನೋಡಿದ್ರೆ ಗೊತ್ತಾಗುತ್ತೆ!

ಚಿಕ್ಕಮಗಳೂರು ಭಾಗದ ರೈತರೊಬ್ಬರು ಕಾಡಾನೆಗಳಿಂದ ಬೆಳೆಯನ್ನು ರಕ್ಷಿಸಲು ತೋಟದಲ್ಲಿ ಸೌಂಡ್ ಸಿಸ್ಟಮ್ ಅಳವಡಿಸಿದ್ದರು. ಈ ಫೋಟೋಗಳು ಸಹ ವೈರಲ್ ಆಗಿದ್ದವು.

ಇನ್ನು ಬಹುತೇಕ ಭಾಗಗಳಲ್ಲಿ ತಮ್ಮ ಗದ್ದೆ ಸುತ್ತಲೂ ಸೀರೆಯನ್ನು ಕಟ್ಟುತ್ತಾರೆ. ಇನ್ನು ಬೆದರುಗೊಂಬೆಗಳನ್ನು ಇರಿಸೋದು ಕಾಮನ್. ತೆಲಂಗಾಣದ ರೈತನೋರ್ವ ತನ್ನ ಬೆಳೆಗೆ ಕೆಟ್ಟ ದೃಷ್ಟಿ ಬೀಳದಿರಲಿ ಎಂದು ಬಾಲಿವುಡ್ ನಟಿ ಸನ್ನಿ ಲಿಯೋನ್ ಫೋಟೋ ಹಾಕಿದ್ದರು.

ಚಾಮರಾಜನಗರ ಜಿಲ್ಲೆಯ ಹನೂರು ತಾಲೂಕಿನಲ್ಲಿ ರೈತರೊಬ್ಬರು ಮಾಡಿರುವ ಐಡಿಯಾ ಕಂಡು ಜನರು ಮೂಗಿನ ಮೇಲೆ ಬೆರಳಿಟ್ಟುಕೊಂಡಿದ್ದಾರೆ.

ರೈತರೊಬ್ಬರು ಬೆಳೆ ರಕ್ಷಣೆಗಾಗಿ ತಮ್ಮ ಸಾಕು ನಾಯಿಗೆ ಹುಲಿಯ ಬಣ್ಣ ಬಳದಿದ್ದಾರೆ. ಕೋತಿ ಮತ್ತಿತರ ಪ್ರಾಣಿಗಳಿಂದ ಬೆಳೆ ರಕ್ಷಣೆಗೆ ರೈತನ ಈ ಹೊಸ ಉಪಾಯ ಒಂದು ಕ್ಷಣ ಜನರನ್ನು ಬೆಚ್ಚಿಬೀಳಿಸಿದೆ.

ಹುಲಿಯ ತರಹ ಕಾಣುತ್ತಿರುವ ನಾಯಿಯನ್ನು ಕಂಡು ಗ್ರಾಮಸ್ಥರು ಒಂದು ಕ್ಷಣ ಶಾಕ್ ಆಗಿದ್ದರು. ಸೂಕ್ಷ್ಮದಿಂದ ಗಮನಿಸಿದಾಗ ಅದು ಸಾಮಾನ್ಯ ನಾಯಿ ಎಂದು ಗೊತ್ತಾಗಿದೆ.

ಹನೂರು ತಾಲೂಕಿನ ಅಜ್ಜಿಪುರ ಸುತ್ತಮುತ್ತ ಹುಲಿ ಬಣ್ಣ ಬಳಿದಿರುವ ನಾಯಿ ಓಡಾಡುತ್ತಿದೆ. ರಸ್ತೆಯಲ್ಲಿ ಈ ನಾಯಿಯನ್ನು ಕಂಡು ಪ್ರಯಾಣಿಕರು ಶಾಕ್ ಆಗುತ್ತಿದ್ದಾರೆ.

ಸ್ಥಳೀಯರು ಹುಲಿ ಬಣ್ಣ ಬಳಿದಿರುವ ನಾಯಿ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಫೋಟೋ ಮತ್ತು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ.